ನಿದ್ದೆಗೆಟ್ಟರೆ ಹೃದಯ ನಿಲ್ಲಬಹುದು ಜೋಕೆ!

ಸುಮಾರು 784 ಜನರ ಮೇಲೆ ಪ್ರಯೋಗ ನಡೆಸಿದಾಗ, ತುಂಬಾ ಚೆನ್ನಾಗಿ ನಿದ್ದೆ ಮಾಡದವರಲ್ಲಿ ಹೃದಯ ಸಂಬಂಧಿ ಕಾಯಿಲೆಗಳು ಹೆಚ್ಚಾಗುವ ಸಾಧ್ಯತೆ ನಿದ್ದೆ ಮಾಡುವವರಿಗಿಂತ ಶೇಕಡಾ 83 ರಷ್ಟು ಹೆಚ್ಚಿರುತ್ತದೆ ಎಂದು ಹೈಪರ್ ಟೆನ್ಷನ್ ಎಂಬ ನಿಯತಕಾಲಿಕೆ ವರದಿ ಮಾಡಿದೆ.

ಆದ್ದರಿಂದ ನಿದ್ದೆ ಎಲ್ಲರಿಗೂ ಅತಿ ಅವಶ್ಯಕ. ಅದರಲ್ಲೂ 60 ವರ್ಷದ ಮೇಲ್ಪಟ್ಟವರು ನಿದ್ದೆಗೆಟ್ಟರೆ ಗಂಭೀರ ತೊಂದರೆ ಎದುರಿಸಬೇಕಾಗುತ್ತದೆ ಎಂದು ಬ್ರಿಟನ್ ನ ಹಾರ್ಟ್ ಫೌಂಡೇಶನ್ ಎಚ್ಚರಿಸಿದೆ.

ಕಳಪೆ ಮಟ್ಟದ ನಿದ್ದೆಯಿಂದ ರಕ್ತದ ಏರೊತ್ತಡವಾಗಿ ಹೃದಯಾಘಾತ, ಲಕ್ವ ಮತ್ತು ಇನ್ನಿತರ ಗಂಭೀರ ಸಮಸ್ಯೆ ಉಂಟಾಗುತ್ತದೆ ಎಂದು ತಿಳಿಸಿದೆ. 65ರ ವಯೋಮಿತಿಯವರನ್ನು ಸಮೀಕ್ಷೆಗೆ ಒಳಪಡಿಸಿ ಅವರ ನಿದ್ರಾ ಅವಧಿ ಮತ್ತು ರೀತಿಯನ್ನು ಪರೀಕ್ಷಿಸಿದಾಗ ಈ ಅಂಶ ಕಂಡುಬಂದಿದೆ. ಆದರೆ ವಿವಿಧ ವಯೋಮಿತಿಯವರಲ್ಲಿ ಮತ್ತು ಮಹಿಳೆಯರಲ್ಲಿ ಈ ಕುರಿತು ಇನ್ನೂ ಸಂಶೋಧನೆ ನಡೆಯಬೇಕಿದೆ.

ನಿದ್ದೆ ಮತ್ತು ರಕ್ತದೊತ್ತಡದ ಏರುವಿಕೆ ನಡುವಿನ ಸಂಬಂಧವನ್ನು ಪರೀಕ್ಷಿಸಿದಾಗ, ಒಬ್ಬ ವ್ಯಕ್ತಿ ಆರೋಗ್ಯವಂತನಾಗಿರಬೇಕೆಂದರೆ 6-8 ಗಂಟೆ ನಿದ್ದೆ ತುಂಬಾ ಅವಶ್ಯಕ ಎಂದು ಈ ಅಧ್ಯಯನ ಮತ್ತೆ ಮನವರಿಕೆ ಮಾಡಿಕೊಟ್ಟಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.