ಚಾಕಲೇಟ್ ತಿನ್ನಿ, ನಿಮ್ಮ ಹೃದಯ ಖುಷಿಯಿಂದಿರುತ್ತೆ

Heart

oi-Sumalatha N

By Sumalatha N

Published: Sunday, September 4, 2011, 10:08 [IST]

ನೀವು ಚಾಕಲೇಟ್ ಪ್ರಿಯರಾ? ಹಾಗಾದರೆ ಚಾಕಲೇಟ್ ತಿನ್ನಲು ಇನ್ನು ಮುಂದೆ ಹಿಂದೇಟಾಕಬೇಕಾಗಿಲ್ಲ. ಚಾಕಲೇಟ್ ತಿನ್ನುವುದರಿಂದ ನಿಮ್ಮ ಆರೋಗ್ಯ ಹೆಚ್ಚಾಗುತ್ತದಂತೆ. ಇದರಿಂದ ಹೃದಯದ ಖಾಯಿಲೆ ಬರುವ ಸಾಧ್ಯತೆ 37 % ಕಡಿಮೆಯಾಗುತ್ತದೆ ಎಂದು ಬಿಎಂಜಿ.ಕಾಮ್ ನಡೆಸಿದ ಅಧ್ಯಯನ ತಿಳಿಸಿದೆ.

ಈ ಹಿಂದೆ, ಹೃದಯದ ಸ್ವಾಸ್ಥ್ಯಕ್ಕೆ ಕಡಿಮೆ ಕೊಲೆಸ್ಟ್ರಾಲ್, ಹೆಚ್ಚು ಫೈಬರ್ ಇರುವ ಆಹಾರ ಸೇವಿಸಬೇಕು ಎಂದು ಹೇಳುತ್ತಿದ್ದ ವೈದ್ಯರು ಇನ್ನು ಮುಂದೆ ಚಾಕಲೇಟ್ ಸೇವನೆ ಮಾಡಿ ಎನ್ನಲೂಬಹುದು.

ಚಾಕಲೇಟ್ ತಿನ್ನುವವರಲ್ಲಿ ಹೃದಯದ ಖಾಯಿಲೆ ಬರುವ ಸಾಧ್ಯತೆ 37%ರಷ್ಟು ಕಡಿಮೆಯಿರುತ್ತದೆ ಮತ್ತು ಹೃದಯ ಸ್ತಂಭನದ ಸಾಧ್ಯತೆ 29%ರಷ್ಟು ಕಡಿಮೆಯಾಗುತ್ತದೆ ಎನ್ನಲಾಗಿದೆ. ಚಾಕಲೇಟ್ ನಲ್ಲಿರುವ ಉರಿ ನಿವಾರಕ ವಿಶೇಷ ಗುಣ ರಕ್ತದೊತ್ತಡವನ್ನು ಕಡಿಮೆ ಮಾಡುವ ಮೂಲಕ ಹೃದಯದ ಆರೋಗ್ಯ ಸುಧಾರಿಸುತ್ತದೆ ಎಂದು ಅಧ್ಯಯನ ತಿಳಿಸಿದೆ.

ಆದರೆ ಕೇವಲ ಚಾಕಲೇಟ್ ಸೇವನೆಯಿಂದ ನಿಮ್ಮ ಹೃದಯವನ್ನು ಗಟ್ಟಿ ಮುಟ್ಟಾಗಿ ಇರಿಸಿಕೊಳ್ಳಬಹುದು ಎಂದು ಅಧ್ಯಯನ ಧೃಡಪಡಿಸಿಲ್ಲ. ವ್ಯಾಯಾಮ, ಆಹಾರ ಕ್ರಮ ಇವೆಲ್ಲವನ್ನು ಬಿಟ್ಟು ಕೇವಲ ಚಾಕಲೇಟ್ ತಿನ್ನುತ್ತಾ ಕೂತರೆ ನಿಮ್ಮ ಹೃದಯ ಸುಧಾರಿಸುವುದಿಲ್ಲ.

ಅಷ್ಟೇ ಅಲ್ಲ, ಇದೀಗ ಮಾರ್ಕೆಟ್ ನಲ್ಲಿ ದೊರೆಯುವ ಅನೇಕ ಚಾಕಲೇಟ್ ಗಳಲ್ಲಿ ಕೊಬ್ಬಿನಂಶ, ಸಕ್ಕರೆ ಮತ್ತು ಕ್ಯಾಲೋರಿಗಳು ಚಾಕಲೇಟ್ ನಿಂದ ಹೃದಯಕ್ಕೆ ಇರುವ ಉಪಯೋಗಗಳನ್ನು ಕುಂದಿಸಬಹುದು. ತೂಕ ಹೆಚ್ಚಿಸಬಹುದು ಮತ್ತು ಮಧುಮೇಹಿಗಳಿಗೆ ತೊಂದರೆ ಉಂಟಾಗಬಹುದು. ಆದ್ದರಿಂದ ಕಡಿಮೆ ಕ್ಯಾಲೊರಿ ಮತ್ತು ಕಡಿಮೆ ಸಕ್ಕರೆ ಅಂಶವಿರುವ ಚಾಕಲೇಟ್ ಸೇವಿಸಿದರೆ ಒಳ್ಳೆಯದಂತೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.