ಈಗಲೂ 30ರ ಹರೆಯದವರಂತೆ ಕಾಣುವ ಕಿಚ್ಚ ಸುದೀಪ್‌ ಅವರ ಫಿಟ್ನೆಸ್ ಸೀಕ್ರೆಟ್ ಏನು ಗೊತ್ತಾ?

ಸುದೀಪ್‌ ಅವರ ದಿನಚರಿ

ಬರೀ ನಾಲ್ಕು ತಾಸು ನಿದ್ದೆ ಮಾಡಿ ಬೆಳಗ್ಗೆ 7:30ಗೆ ಅವರು ತಮ್ಮ ದಿನಚರಿ ಪ್ರಾರಂಭಿಸುತ್ತಾರೆ. ಮನೆ ಅಡುಗೆ ಇಷ್ಟ ಪಡುವ ಸುದೀಪ್ ಅವರಿಗೆ ದೋಸೆ ಅಂದ್ರೆ ತುಂಬಾನೇ ಇಷ್ಟ. ಇಡ್ಲಿ, ಅನ್ನದ ಐಟಂ ಸ್ವಲ್ಪ ದೂರವಿಡುತ್ತಾರೆ. ಫಿಲ್ಟರ್ ಕಾಫಿ ತುಂಬಾ ಇಷ್ಟ ಪಡುವ ಕಿಚ್ಚ ಅವರು ಕಾಫಿಗೆ ಮಾತ್ರ ಕಡಿವಾಣ ಹಾಕಲ್ಲ.

ಆಹಾರ ಶೈಲಿ

ಶೂಟಿಂಗ್‌ನಲ್ಲಿರಲಿ, ಮನೆಯಲ್ಲಿರಲಿ ಲಂಚ್ ಹಾಗೂ ಡಿನ್ನರ್ ತುಂಬಾ ಸರಳವಾಗಿರುತ್ತದೆ. ಲಂಚ್‌ಗೆ ರಾಗಿ ಮುದ್ದೆಯನ್ನು ಸಾಂಬರ್‌ ಜೊತೆ ಸವಿದು, ತಾಜಾ ಹಣ್ಣಿನ ಜ್ಯೂಸ್‌ ತೆಗೆದುಕೊಳ್ಳುತ್ತಾರೆ. ರಾತ್ರಿ ರಾಗಿ ರೊಟ್ಟಿ ಅಥವಾ ಚಪಾತಿಯನ್ನು ತರಕಾರಿ ಪಲ್ಯ ಅಥವಾ ತಂದೋರಿ ಜೊತೆಗೆ ಸವಿಯುತ್ತಾರೆ. ಇವರು ಗ್ರೇವಿ ಫುಡ್ ಅಷ್ಟು ಇಷ್ಟಪಡಲ್ಲ. ಚಿಕನ್ ಮತ್ತು ಸಮುದ್ರಾಹಾರ ಎಂದರೆ ಸುದೀಪ್ ಅವರಿಗೆ ತುಂಬಾನೇ ಇಷ್ಟ.

ಫಿಟ್ನೆಸ್ ಸೀಕ್ರೆಟ್

ಸುದೀಪ್‌ ಅವರ ನನಗೆ ಆ ಹಾರ ಬೇಡ, ಈ ಆಹಾರ ಬೇಡ ಎಂದು ಹೇಳಲ್ಲ ಎಲ್ಲಾ ಆಹಾರ ಸೇವಿಸುತ್ತಾರೆ, ಆದರೆ ಮಿತಿಯಲ್ಲಿ ಸೇವಿಸುತ್ತಾರೆ. ಜಂಕ್‌ ಫುಡ್‌ಗಳಿಂದ ತುಂಬಾನೇ ದೂರ ಇರುತ್ತಾರೆ.

ಕುಕ್ಕಿಂಗ್‌: ಸುದೀಪ್‌ ಅವರಿಗೆ ಸ್ಟ್ರೆಸ್ ಬಸ್ಟರ್

ಕುಕ್ಕಿಂಗ್ ಅಂದ್ರೆ ಸುದೀಪ್ ಅವರಿಗೆ ತುಂಬಾನೇ ಇಷ್ಟ. ಕಿಚ್ಚನ ಅನೇಕ ಕುಕ್ಕಿಂಗ್ ವೀಡಿಯೋಗಳಿವೆ. ಬಿಗ್‌ಬಾಸ್‌ ಸ್ಪರ್ಧಿಗಳಿಗೆ ತಮ್ಮ ಕೈಯಾರೆ ಅಡುಗೆ ಮಾಡಿ ಕಳುಹಿಸಿದ್ದನ್ನೂ ನೋಡಿದ್ದೇವೆ. ಮಗಳಿಗೆ ಪಿಜ್ಜಾ ಇಷ್ಟವೆಂದು ಕೈಯಾರೆ ಮಾಡಿ ಕೊಡುತ್ತಾರೆ. ಮನೆಗೆ ಯಾರಾದರೂ ಅತಿಥಿಗಳು ಬಂದ್ರೆ ಹಾಗೂ ಫ್ರೀ ಟೈಮ್‌ನಲ್ಲಿ ಮನೆಯವರಿಗಾಗಿ ಕಿಚ್ಚ ಅವರು ಅಡುಗೆ ಮಾಡುತ್ತಾರೆ. ಅನೇಕ ವೆರೈಟಿ ಅಡುಗೆಗಳು ಸುದೀಪ್‌ ಅವರಿಗೆ ಗೊತ್ತಿದೆ. ಬರೀ ಇಂಡಿಯನ್ ಶೈಲಿ ಮಾತ್ರವಲ್ಲ ಚೈನೀಸ್‌ ಮತ್ತಿತರ ಶೈಲಿಯ ಅಡುಗೆ ಮಾಡುವುದರಲ್ಲೂ ಇವರು ಎಕ್ಸ್‌ಪರ್ಟ್.