ಖುಷ್ಬೂ ಸ್ಟನ್ನಿಂಗ್ ಲುಕ್: ತೂಕ ಇಳಿಕೆಯ ಸೀಕ್ರೆಟ್ ಏನು?

ತೆಳ್ಳಗಾಗಲು ಲಾಕ್‌ಡೌನ್ ಆಯ್ತು ಎಂದ ಖುಷ್ಬೂ

ಎಲ್ಲರೂ ಲಾಕ್‌ಡೌನ್‌ನಲ್ಲಿ ದಪ್ಪಗಾದೆ ಎಂದು ಲಾಕ್‌ಡೌನ್‌ ದೂಷಿಸಿದರೆ ಖುಷ್ಬೂ ತಾನು ತೆಳ್ಳಗಾಗಲು ಲಾಕ್‌ಡೌನ್‌ ಕಾರಣವೆಂದಿದ್ದಾರೆ. ತೆಳ್ಳಗಾಗಬೇಕೆಂದು ಬಯಸುವವರಿಗೆ ಮನಸ್ಸಿದ್ದರೆ ಮಾರ್ಗ ಎಂದ ಸ್ಪೂರ್ತಿ ತುಂಬುವಂತಿದೆ ಖುಷ್ಬೂ ಅವರ ಈ ಟ್ರಾನ್ಸ್‌ಫಾರ್ಮೇಷನ್.

ಖುಷ್ಬೂ ಸ್ಟನ್ನಿಂಗ್ ಲುಕ್‌

ಮೈ ತೂಕವನ್ನು ಕರಗಿಸಿಕೊಂಡಿರುವ ಖುಷ್ಬೂ ಮತ್ತಷ್ಟು ಆಕರ್ಷಕವಾಗಿ ಕಾಣುತ್ತಿದ್ದು, ಫೋಟೋ ನೋಡಿದರೆ ಖುಷ್ಬೂ ಅವರ ಹಳೆಯ ಫೋಟೋ ಇರಬಹುದು ಎಂಬಷ್ಟು ಭಿನ್ನ ಲುಕ್‌ನಲ್ಲಿ ಕಾಣಿಸುತ್ತಿದ್ದಾರೆ. ಟೀನೇಜ್ ಹೆಣ್ಮಕ್ಕಳ ತಾಯಿ ಖುಷ್ಬೂ ಈಗ ಮಕ್ಕಳ ಜೊತೆ ನಿಂತರೆ ಅವರ ಸಹೋದರಿ ಇರಬಹುದು ಎಂದು ಹೇಳುವಷ್ಟರ ಮಟ್ಟಿಗೆ ಕಂಗೊಳಿಸುತ್ತಿದ್ದಾರೆ.

ಖುಷ್ಬೂಗೆ ತೂಕ ಇಳಿಕೆಗೆ ಸಹಕಾರಿಯಾದ ಲಾಕ್‌ಡೌನ್

ಎಲ್ಲರೂ ಖುಷ್ಬೂ ತೂಕ ಇಳಿಕೆಯ ರಹಸ್ಯವೇನು ಎಂದು ಕೇಳುತ್ತಿದ್ದರೆ ಖುಷ್ಬೂ ಲಾಕ್‌ಡೌನ್ ಕಾರಣ ಎಂದಿದ್ದಾರೆ. 70 ದಿನ ಮನೆಯ ಎಲ್ಲಾ ಕೆಲಸವನ್ನು ನಾನೊಬ್ಬಳೇ ಮಾಡುತ್ತಿದ್ದೆ ಹಾಗಾಗಿ ತೆಳ್ಳಗಾದೆ ಎಂದು ಹೇಳುತ್ತಿದ್ದಾರೆ.

ಚಿತ್ರ: ತೂಕ ಇಳಿಕೆಯ ಮುನ್ನದ ಚಿತ್ರ

ವರ್ಕೌಟ್, ಯೋಗ ಕೂಡ ತೂಕ ಇಳಿಕೆಗೆ ಸಹಾಯ ಮಾಡಿತು

ಮನೆಯಲ್ಲಿ ಗುಡಿಸುವುದು, ಒರೆಸುವುದು, ಪಾತ್ರೆ ತೊಳೆಯುವುದು, ಬಟ್ಟೆ ಸ್ವಚ್ಛತೆ, ಗಾರ್ಡಿನಿಂಗ್, ಕ್ಲೀನಿಂಗ್ ಅಷ್ಟೇ ಏಕೆ ಟಾಯ್ಲೆಟ್ ಕ್ಲೀನಿಂಗ್ ಕೂಡ ಮಾಡುತ್ತಿದ್ದೆ. ಅಲ್ಲದೆ ಯೋಗ ಹಾಗೂ ದಂಡಾಸನ ಕೂಡ ತೂಕ ಇಳಿಕೆಗೆ ಸಹಾಯ ಮಾಡಿತು, ಇನ್ನು ಆಹಾರ ಕೂಡ ಮಿತವಾಗಿ ತೆಗೆದುಕೊಳ್ಳುತ್ತೇನೆ. ಇವೆಲ್ಲಾ ತೂಕ ಇಳಿಕೆಗೆ ಸಹಕಾರಿವಾಯಿತು ಎಂದು ಹೇಳಿದ್ದಾರೆ.