ಸಂಧಿ ನೋವು ಇದ್ದರೆ, ಇಂತಹ ಆಹಾರಗಳಿಂದ ದೂರವಿರಿ

ಕೃತಕ ಸಕ್ಕರೆ

ಸಂಧಿ ನೋವಿನ ಸಮಸ್ಯೆ ಇರುವವರು ಕಡ್ಡಾಯವಾಗಿ ಕೃತಕ ಸಕ್ಕರೆ ಅಥವಾ ಸಂಸ್ಕರಿತ ಸಕ್ಕರೆ ಸೇವನೆಯನ್ನು ಕಡಿಮೆ ಮಾಡಿಕೊಳ್ಳಬೇಕು. ಇವುಗಳ ಸೇವನೆಯಿಂದ ದೇಹದ ತೂಕ ಹೆಚ್ಚುವುದು ಮತ್ತು ಅದು ಸಂಧಿನ ಮೇಲೆ ಒತ್ತಡ ಹೇರುವುದು.

ಡೈರಿ ಉತ್ಪನ್ನಗಳು

ಪ್ಯಾಕ್ ಮಾಡಲ್ಪಟ್ಟ ಡೈರಿ ಉತ್ಪನ್ನಗಳಲ್ಲಿ ಹೆಚ್ಚಿನ ಮಟ್ಟದ ಪ್ರೋಟೀನ್ ಗಳಿವೆ. ಪ್ರೋಟೀನ್ ಜೀವಕ್ಕೆ ಒಳ್ಳೆಯದಾದರೂ ಸಂಧು ನೋವು ಇರುವವರಿಗೆ ಇದು ವರ್ಜ್ಯ. ಪ್ರೋಟೀನ್ ಸ್ನಾಯುಗಳ ಉರಿಯೂತ ಮತ್ತು ನೋವನ್ನು ಹೆಚ್ಚಿಸುವುದು. ಪ್ರೋಟೀನ್ ಹೆಚ್ಚಿನ ಸೇವನೆಯಿಂದ ತೂಕ ಹೆಚ್ಚಳವಾಗುವುದು.

ಸಂಸ್ಕರಿತ ಮಾಂಸ

ಸಂಸ್ಕರಿತ ಮತ್ತು ಕೆಂಪು ಮಾಂಸದಲ್ಲಿ ನಿಟ್ರಿಟ್ಸ್ ಮತ್ತು ಪುರಿನ್ಸ್ ಎನ್ನುವ ಅಂಶಗಳು ಕ್ಯಾಲರಿಗಳೊಂದಿಗೆ ಬರುತ್ತದೆ. ಇದು ಸ್ನಾಯುಗಳ ಉರಿಯೂತವನ್ನು ಹೆಚ್ಚಿಸಿ ತುಂಬಾ ನೋವು ಉಂಟು ಮಾಡುವುದು.

ಟೊಮೇಟೊ

ಟೊಮೇಟೊದಲ್ಲಿ ಉನ್ನತ ಮಟ್ಟದ ಯುರಿಕ್ ಆ್ಯಸಿಡ್ ಇದೆ. ಇದು ಸಂಧುಗಳಲ್ಲಿ ಜಮೆಯಾಗಿ ನಿಮ್ಮ ನೋವನ್ನು ದ್ವಿಗುಣಗೊಳಿಸಬಹುದು. ಇದನ್ನು ಕಡೆಗಣಿಸಿ.

ಚಿಪ್ಪು ಮೀನು

ಚಿಪ್ಪು ಮೀನಿನಲ್ಲಿ ಪ್ಯುರಿನ್ ಗಳಿವೆ. ಇದು ಬಳಿಕ ಯುರಿಕ್ ಆ್ಯಸಿಡ್ ಆಗಿ ಪರಿವರ್ತನೆಯಾಗುವುದು. ನಿಮ್ಮ ದೇಹದಲ್ಲಿ ಹೆಚ್ಚಿನ ಮಟ್ಟದ ಯುರಿಕ್ ಆ್ಯಸಿಡ್ ಇದ್ದಾಗ ಉರಿಯೂತ ಮತ್ತು ನೋವು ಹೆಚ್ಚಾಗುವುದು.

ಮೊಟ್ಟೆ

ದಿನಾಲೂ ಮೊಟ್ಟೆ ಸೇವಿಸುವ ಹವ್ಯಾಸ ಇಟ್ಟುಕೊಂಡಿದ್ದರೆ ಅದನ್ನು ಈಗಲೇ ಬಿಟ್ಟುಬಿಡಿ. ಯಾಕೆಂದರೆ ಇದರಿಂದ ನಿಮ್ಮ ಸಂಧಿ ನೋವು ಹೆಚ್ಚಾಗುವುದು. ಮೊಟ್ಟೆಯ ಹಳದಿ ಲೋಳೆಯಲ್ಲಿರುವ ಅರಾಚಿಡೊನಿಕ್ ಆ್ಯಸಿಡ್ ಉರಿಯೂತ ಮತ್ತು ಸಂಧು ನೋವನ್ನು ಹೆಚ್ಚಿಸುವುದು.

ತರಕಾರಿ ಎಣ್ಣೆ

ಸೂರ್ಯಕಾಂತಿ ಎಣ್ಣೆ, ಸೋಯಾಬೀನ್ ಎಣ್ಣೆ ಮತ್ತು ಜೋಳದ ಎಣ್ಣೆಯಲ್ಲಿ ಅತಿಯಾದ ಕೊಬ್ಬು ಇದೆ. ಇದನ್ನು ಬಳಸುವುದರಿಂದ ದೇಹ ತೂಕ ಹೆಚ್ಚಾಗಿ ಸಂಧಿ ನೋವು ಹೆಚ್ಚಾಗುವುದು.

ಆಲ್ಕೋಹಾಲ್

ಮದ್ಯಪಾನ ಮಾಡುತ್ತಿದ್ದರೆ ಅದನ್ನು ತ್ಯಜಿಸುವುದು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದು. ಯಾಕೆಂದರೆ ಆಲ್ಕೋಹಾಲ್ ನಲ್ಲಿರುವ ಯುರಿಕ್ ಆ್ಯಸಿಡ್ ಉರಿಯೂತ ಮತ್ತು ಸಂಧು ನೋವು ಹೆಚ್ಚಿಸುವುದು. ಕೆಲವೊಂದು ಆಲ್ಕೋಹಾಲ್ ನೋವನ್ನು ಗುಣಪಡಿಸುವ ಶಕ್ತಿಯನ್ನು ಕುಂದಿಸುವುದು.

ಸಂಸ್ಕರಿಸಿದ ಉಪ್ಪು

ಸಂಸ್ಕರಿತ ಉಪ್ಪಿನಲ್ಲಿರುವ ಪ್ರಾಸ್ಪರಸ್ ಮತ್ತು ಸಿಲಿಕಾನ್ ನಂತಹ ಮಿನರಲ್ ಗಳು ಮೂಳೆಯ ಸಾಂದ್ರತೆಯನ್ನು ಕಡಿಮೆ ಮಾಡಿ ಅದು ದುರ್ಬಲಗೊಳ್ಳುವಂತೆ ಮಾಡುತ್ತದೆ. ಇದರಿಂದ ಸಂಧು ನೋವು ಇರುವವರು ಸಂಸ್ಕರಿತ ಉಪ್ಪಿನಿಂದ ದೂರವಿರಿ.