ಪ್ಯೂರ್ ವೆಜ್ ಡಯಟ್ ನಿಂದ ಬಾಡಿ ಬಿಲ್ಡ್ ಮಾಡಿ!

Updated: Friday, June 21, 2013, 14:34 [IST]

ಬಾಯ್ಸ್ ಗೆ ಬಾಡಿ ಬಿಲ್ಡ್ ಕಡೆ ಒಲವು ಇದ್ದೇ ಇರುತ್ತದೆ. ಬಾಡಿ ಬಿಲ್ಡ್ ಮಾಡಬೇಕಾದರೆ ಜಿಮ್ ಗೆ ಹೋಗಬೇಕು, ಕಠಿಣ ವ್ಯಾಯಾಮ ಮಾಡಬೇಕು. ಎಲ್ಲಕ್ಕಿಂತ ಮುಖ್ಯವಾಗಿ ಡಯಟ್ ಸರಿಯಾಗಿರಬೇಕು. ಬಾಡಿ ಬಿಲ್ಡ್ ಗಾಗಿ ಮಾಡಲು ಮೊಟ್ಟೆ ಮಾಂಸಾಹಾರ ತಿನ್ನಬೇಕು, ಹಾಗಾದರೆ ಬರೀ ಸಸ್ಯಹಾರ ತಿನ್ನುವವರು ಏನು ಮಾಡಬೇಕು? ಸಸ್ಯಾಹಾರ ಮಾತ್ರ ತಿನ್ನುವವರಿಗೆ ಬಾಡಿ ಬಿಲ್ಡ್ ಮಾಡಲು ಡಯಟ್ ದೊಡ್ಡ ಸಮಸ್ಯೆಯಾಗಿರುತ್ತದೆ? ನೀವು ಕೂಡ ವೆಜೆಟೇರಿಯನ್ ಆಗಿದ್ದು ಸಲ್ಮಾನ್ ಖಾನ್ ತರಹ ಕಟ್ಟುಮಸ್ತಾದ ಬಾಡಿ ಬೇಕೆಂದು ಬಯಸುವುದಾದರೆ ವೆಜ್ ಡಯಟ್ ನಿಂದಲೂ ಮಾಡಬಹುದು. ಬಾಡಿ ಬಿಲ್ಡ್ ಗೆ ಸಹಕಾರಿಯಾದ ಆ ತರಕಾರಿಗಳು ಯಾವುವು ಎಂದು ನೋಡೋಣ ಬನ್ನಿ:

ಬ್ರೊಕೋಲಿ:

ತೆಳ್ಳಗಿನ ಮೈಕಟ್ಟಿಗೆ ಬ್ರೊಕೋಲಿ ತಿನ್ನಿ ಎಂದು ಅನೇಕ ಲೇಖನದಲ್ಲಿ ಹೇಳಿದ್ದೇವೆ. ಬ್ರೊಕೋಲಿಯನ್ನು ತೆಳ್ಳಗಾಗಲು ಮಾತ್ರವಲ್ಲ, ಬಾಡಿ ಬಿಲ್ಡ್ ಗೂ ತಿನ್ನಿ. ಏಕೆಂದರೆ ಇದರಲ್ಲಿರುವ ಪೋಷಕಾಂಶಗಳು ರಕ್ತಕಣಗಳನ್ನು ಹೆಚ್ಚು ಮಾಡಿ ದೇಹದ ಆರೋಗ್ಯವನ್ನು ಹೆಚ್ಚು ಮಾಡುತ್ತದೆ.

ಪೀನಟ್ ಬಟರ್ :

ನೆಲಗಡಲೆಯಿಂದ ತಯಾರಿಸುವ ಈ ಬಟರ್ ನಲ್ಲಿ ಮೆಗ್ನಿಶಿಯಂ ಮತ್ತು ಫೋಲೆಟ್ ಅಂಶವಿದ್ದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು.

ದವಸ ಧಾನ್ಯಗಳು:

ದವಸಧಾನ್ಯಗಳಲ್ಲಿರುವ ಕಾರ್ಬೋಹೈಡ್ರೇಟ್ ನಿಮ್ಮ ಮಸಲ್ ಪವರ್ ಅನ್ನು ಹೆಚ್ಚು ಮಾಡುತ್ತದೆ. ಇದನ್ನು ಪ್ರತಿನಿತ್ಯದ ಆಹಾರಕ್ರಮದಲ್ಲಿ ಸೇರಿಸುವುದು ಒಳ್ಳೆಯದು.

ಜೋಳದ ಹಿಟ್ಟು:

ಇದೊಂದು ಬಗೆಯ ಧಾನ್ಯವಾಗಿದ್ದು ಇದರಿಂದ ಆಹಾರ ಪದಾರ್ಥಗನ್ನು ತಯಾರಿಸಿ ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು. ಇದರಲ್ಲಿರುವ ಅಮೈನೊ ಆಸಿಡ್ ಬಾಡಿ ಬಿಲ್ಡ್ ಗೆ ಸಹಾಯವಾಗುತ್ತದೆ.

ಚೀಸ್ :

ಕಡಿಮೆ ಕೊಬ್ಬಿನಂಶವಿರುವ ಚೀಸ್ ಅನ್ನು ಆಹಾರದಲ್ಲಿ ಸೇರಿಸಿದರೆ ಸ್ನಾಯುಗಳು ಬಲವಾಗುತ್ತದೆ ಹಾಗೂ ಬಾಡಿ ಬಿಲ್ಡ್ ಗೆ ಸಹಾಯ ಮಾಡುತ್ತದೆ.

ಸಿಹಿ ಗೆಣಸು:

ವ್ಯಾಯಾಮ ಮಾಡುವಾಗ ಅಧಿಕ ಶಕ್ತಿ ಬೇಕಾಗುತ್ತದೆ. ಸಿಹಿಗೆಣಸು ತಿಂದರೆ ದೆಹಕ್ಕೆ ಶಕ್ತಿಯನ್ನು ತುಂಬುತ್ತದೆ.

ಬಾಳೆಹಣ್ಣು:

ಇದರಲ್ಲಿರುವ ಕ್ಯಾಲ್ಸಿಯಂ ಅಂಶ ಸ್ನಾಯು ಹಾಗೂ ಮೂಳೆಯನ್ನು ಬಲಪಡಿಸಲು ಸಹಕಾರಿಯಾಗಿದೆ.

ಜೋಳದ ಹಿಟ್ಟು:

ಟೊಮೆಟೊ ಸೂಪ್:

ಬಾಡಿ ಬಿಲ್ಡ್ ಮಾಡುವವರು ತಮ್ಮ ಆಹಾರಕ್ರಮದಲ್ಲಿ ಟೊಮೆಟೊ ಸೂಪ್ ಅನ್ನು ಸೇರಿಸುವುದು ಒಳ್ಳೆಯದು. ಟೊಮೆಟೊದಲ್ಲಿರುವ ಲೈಕೊಪೆನೆ ಸ್ನಾಯುಗಳಿಗೆ ಶಕ್ತಿಯನ್ನು ತುಂಬುತ್ತದೆ.

ಅಣಬೆ:

ಅಣಬೆಯನ್ನು ಕೆಲವು ಸಸ್ಯಾಹಾರಿಗಳು ತಿನ್ನುವುದಿಲ್ಲ. ಆದರೆ ಅಣಬೆಯಲ್ಲಿ ಅಧಿಕ ವಿಟಮಿನ್ ಗಳು ಇರುವುದರಿಂದ ಆರೋಗ್ಯಕ್ಕೆ ಒಳ್ಳೆಯದು. ಮೊಟ್ಟೆ ತಿನ್ನದವರು ಬಾಡಿ ಬಿಲ್ಡ್ ಗೆ ಅಣಬೆಯನ್ನು ತಿನ್ನಬಹುದು. ಅಣಬೆ ಬೇಡದ ಕಣಗಳ ಉತ್ಪತ್ತಿಯನ್ನು ತಡೆದು ದೇಹದ ಆರೋಗ್ಯವನ್ನು ಹೆಚ್ಚಿಸುತ್ತದೆ.