ಕಾಯಿಲೆಗಳಿಗೆ ಆಹ್ವಾನ ನೀಡುವ ಒಬೆಸಿಟಿ

Diet Fitness

oi-Reena

By Hema S

Updated: Thursday, August 2, 2012, 11:36 [IST]

ಒಬೆಸಿಟಿ ಸಮಸ್ಯೆಯಿಂದ ಬಳಲುವವರು ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಈ ಸಮಸ್ಯೆ ದೊಡ್ಡವರಲ್ಲಿ ಮಾತ್ರವಲ್ಲ ಮಕ್ಕಳಲ್ಲೂ ಕಂಡು ಬರುತ್ತಿದೆ. ಒಬೆಸಿಟಿ ಸಮಸ್ಯೆಯು ಕಾಯಿಲೆ, ಆಧುನಿಕತೆಯ ಹೆಸರಿನಲ್ಲಿ ಅನಾರೋಗ್ಯಕರ ಜೀವನ ಶೈಲಿ, ವಂಶವಾಹಿನಿ ಹೀಗೆ ನಾನಾ ಕಾರಣಗಳಿಂದ ಬರುವುದು.

ಒಬೆಸಿಟಿ ಬರುತ್ತಿರುವಾಗ ನಿಯಂತ್ರಣ ಮಾಡುವುದು ಸುಲಭ. ಬೊಜ್ಜು ಬರುತ್ತಿದ್ದಾಗ ಆಲಸ್ಯ ತೋರಿಸಿ ನಂತರ ಇದರಿಂದಾಗಿ ಇತರ ಕಾಯಿಲೆಗಳು ಪ್ರಾರಂಭವಾದ ಮೇಲೆ ವಾಕಿಂಗ್, ಡಯಟ್ ಮಾಡುವವರೇ ಹೆಚ್ಚು. ಈ ರೀತಿ ಒಬೆಸಿಟಿ ಬಂದರೆ ಈ ಕೆಳಗಿನ ಕಾಯಿಲೆಗಳು ಹೆಚ್ಚಾಗಿ ಕಂಡುಬರುತ್ತದೆ.

ಕಿಡ್ನಿ ಕ್ಯಾನ್ಸರ್: ಇಂಗ್ಲೆಂಡ್‌ನಲ್ಲಿ ನಡೆಸಿದ ಸಂಸೋಧನೆಯಲ್ಲಿ ಒಬೆಸಿಟಿ ಕಿಡ್ನಿ ಕ್ಯಾನ್ಸರ್ ಸಮಸ್ಯೆ ಹೆಚ್ಚಾಗಲು ಕಾರಣವಾಗಿದೆ ಎಂದು ತಿಳಿದು ಬಂದಿದೆ. ಒಬೆಸಿಟಿ ಇರುವವರಿಗೆ 70% ಕಿಡ್ನಿ ಕ್ಯಾನ್ಸರ್ ಬರುವ ಸಾಧ್ಯತೆ ಇದೆ ಎಂದು ಈ ಸಂಶೋಧನೆಯಲ್ಲಿ ಹೇಳಲಾಗಿದೆ. ಒಬೆಸಿಟಿಗೆ ಕಾರಣವಾಗುವ ಹಾರ್ಮೋನ್ ಗಳ ಉತ್ಪತ್ತಿ ಹೆಚ್ಚಾಗಿ ಕಿಡ್ನಿ ಕ್ಯಾನ್ಸರ್ ಉಂಟಾಗುವುದು. ಶೇ. 25 ರಷ್ಟು ಪುರುಷರಲ್ಲಿ ಮತ್ತು ಶೇ. 22ರಷ್ಟು ಮಹಿಳೆಯರಲ್ಲಿ ಕಿಡ್ನಿ ಕ್ಯಾನ್ಸರ್ ಉಂಟಾಗಲು ಒಬೆಸಿಟಿ ಒಂದು ಪ್ರಮುಖ ಕಾರಣವಾಗಿದೆ.

ಲೈಂಗಿಕ ನಿಶ್ಯಕ್ತಿ: ಒಬೆಸಿಟಿ ಇರುವವರಿಗೆ ಕ್ರಮೇಣ ಲೈಂಗಿಕ ನಿಶ್ಯಕ್ತಿ ಸಮಸ್ಯೆ ಕಂಡು ಬರುವುದು. ಸ್ವಲ್ಪ ಕೆಲಸ ಮಾಡಿದರೆ ಸುಸ್ತು, ನಡೆದಾಡಲು ಕಷ್ಟ ಮುಂತಾದ ತೊಂದರೆಗಳು ಕಂಡುಬರುತ್ತದೆ.

ರೋಗ ನಿರೋಧಕ ಸಾಮರ್ಥ್ಯ ಕುಗ್ಗುವುದು: ಒಬೆಸಿಟಿ ಹೆಚ್ಚಾದಂತೆ ದೇಹದಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಕುಗ್ಗುತ್ತಾ ಹೋಗುತ್ತದೆ.

ಜೀರ್ಣಕ್ರಿಯೆ: ದೇಹದ ತೂಕ ಹೆಚ್ಚಾದಂತೆ ಜೀರ್ಣಕ್ರಿಯೆಯಲ್ಲಿ ತೊಂದರೆ ಕಾಣಿಸಿಕೊಳ್ಳುತ್ತದೆ. ಇದರಿಂದ ಮಲಬದ್ಧತೆ ಸಮಸ್ಯೆ ಕಂಡು ಬರುವುದು. ಮಂಡಿ ನೋವು ಕಾಣಿಸಿಕೊಳ್ಳುವುದು.

ಹೃದಯ ಸಂಬಂಧಿ ಕಾಯಿಲೆಗಳು: ದೇಹದಲ್ಲಿ ರಕ್ತ ಸಂಚಲನ ಸರಿಯಾಗಿ ನಡೆಯದೆ ಹೃದಯ ಸಂಬಂಧಿ ಕಾಯಿಲೆಗಳು ಹೆಚ್ಚಾಗುವುದು. ದೇಹದ ತೂಕ ಹೆಚ್ಚಾದಂತೆ ಹೃದಯಾಘಾತವಾಗುವ ಸಾಧ್ಯತೆ ಹೆಚ್ಚು.

ಸಲಹೆ: ದೇಹದ ತೂಕ ಹೆಚ್ಚಾಗುತ್ತಿರುವುದು ಗಮನಕ್ಕೆ ಬಂದ ತಕ್ಷಣ ಅದನ್ನು ನಿಯಂತ್ರಿಸಲು ಕಠಿಣ ವ್ಯಾಯಾಮ ಮತ್ತು ಕಟ್ಟುನಿಟ್ಟಿನ ಆಹಾರಕ್ರಮ ಪಾಲಿಸಿ, ಇದರಿಂದ ಒಬೆಸಿಟಿ ಸಮಸ್ಯೆ ಬರದಂತೆ ತಡೆಯಬಹುದು, ಒಬೆಸಿಟಿ ನಿಯಂತ್ರಣಕ್ಕೆ ಬಂದರೆ ಉಳಿದ ಕಾಯಿಲೆಗಳು ಬರುವ ಸಾಧ್ಯತೆ 90% ಕಡಿಮೆಯಾಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.