ಆರೋಗ್ಯಕರ ಡಯಟ್‌ಗೆ ಇರಬೇಕಾದ 5 ಅಂಶಗಳು

Diet Fitness

oi-Reena

By Hema S

Published: Tuesday, May 8, 2012, 15:27 [IST]

ಕೆಲವರು ಸ್ವಲ್ಪ ದಪ್ಪವಾದರೆ ಸಾಕು ಊಟ ಬಿಟ್ಟು ತೆಳ್ಳಗಾಗಲು ಪ್ರಯತ್ನಿಸುತ್ತಾರೆ. ಆದರೆ ಇದು ಒಳ್ಳೆಯ ಅಭ್ಯಾಸವಲ್ಲ. ದಿನದಲ್ಲಿ ಮೂರು ಹೊತ್ತು ಅಥವಾ 4 ಬಾರಿ ಮಿತವಾಗಿ ತಿನ್ನುವುದರಿಂದ ದೇಹದಲ್ಲಿ ಹೆಚ್ಚಿನ ಕೊಬ್ಬು ಶೇಖರವಾಗುವುದಿಲ್ಲ. ಈ ಮಿತವಾದ ಆಹಾರದಲ್ಲಿ ಪ್ರೊಟೀನ್ ಮತ್ತು ನಾರಿನಂಶಗಳು ಹೆಚ್ಚಾಗಿ ಇರಬೇಕು.

ಒಳ್ಳೆಯ ಆಹಾರಕ್ರಮ ಅಭ್ಯಾಸ ಮಾಡಿದರೆ ಆರೋಗ್ಯ ಹೆಚ್ಚಾಗುವುದು. ಒಳ್ಳೆಯ ಆಹಾರಕ್ರಮಕ್ಕೆ ಈ ಕೆಳಗಿನ ಅಂಶಗಳು ಅವಶ್ಯಕ.

ಸಮತೋಲನ ಆಹಾರ: ಆಹಾರದಲ್ಲಿ ದೇಹದಲ್ಲಿ ಅಗತ್ಯವಾದ ಖನಿಜಾಂಶಗಳು, ಪ್ರೊಟೀನ್, ಒಳ್ಳೆಯ ಕೊಬ್ಬಿನಂಶ, ಕಾರ್ಬೋಹೈಡ್ರೇಟ್ ಇರಬೇಕು. ಪ್ರತಿದಿನ ಕಿತ್ತಳೆ ಅಥವಾ ನಿಂಬೆ ಹಣ್ಣಿನ ಜ್ಯೂಸ್ ಕುಡಿಯುವುದರಿಂದ ದೇಹದ ಆರೋಗ್ಯ ಹೆಚ್ಚುವುದು.

ಮಿತಮೀರಿ ತಿನ್ನಬಾರದು: ಕೆಲವೊಮ್ಮೆ ಊಟ ತುಂಬ ರುಚಿಯಾಗಿದ್ದರೆ ಗೊತ್ತಿಲ್ಲದೆಯೆ ಮಿತಿ ಮೀರಿ ತಿಂದು ಬಿಡುವುದುಂಟು. ಆದ್ದರಿಂದ ತಿನ್ನುವ ಮೊದಲೆ ಮಿತವಾದ ಆಹಾರವನ್ನು ಪ್ಲೇಟಿಗೆ ಹಾಕಿ ನಂತರ ತಿನ್ನಬೇಕು. ನಂತರ ಪುನಃ ಹಾಕಿಕೊಂಡು ತಿನ್ನಲು ಹೋಗಬಾರದು.

ದವಸ ಧಾನ್ಯಗಳನ್ನು ಹೆಚ್ಚಾಗಿ ಸೇವಿಸಬೇಕು: ದವಸ ಧಾನ್ಯಗಳನ್ನು ತಿನ್ನುವುದರಿಂದ ಆರೋಗ್ಯ ಹೆಚ್ಚುವುದು, ತೂಕ ಕಡಿಮೆಯಾಗುವುದು. ಓಟ್ಸ್, ಗೋಧಿ, ಕೆಂಪಕ್ಕಿ ಅನ್ನ, ಕಾಳುಗಳಿಂದ ತಯಾರಿಸಿದ ಆಹಾರವನ್ನು ಹೆಚ್ಚಾಗಿ ತಿನ್ನಬೇಕು.

ತಿಂಡಿ ಆಯ್ಕೆಯಲ್ಲಿ ಚತುರರಾಗಿರಿ: ಕುರುಕಲು ತಿಂಡಿಗಳನ್ನು ನೋಡಿದಾಗ ಅದರ ರುಚಿ ನೋಡಬೇಕೆಂದು ತುಂಬಾ ಬಯಕೆಯಾಗುತ್ತದೆ. ಯಾವತ್ತಾದರೂ ಒಮ್ಮೆ ಕುರುಕಲು ತಿಂಡಿಗಳನ್ನು ತಿನ್ನಬಹುದು. ಪ್ರತಿನಿತ್ಯ ಕುರಕಲು ತಿಂಡಿ ಬದಲು ಹಣ್ಣುಗಳನ್ನು, ಒಣ ಹಣ್ಣುಗಳನ್ನು ಮತ್ತು ನಟ್ಸ್ ತಿನ್ನುವ ಅಭ್ಯಾಸ ಬೆಳೆಸಿಕೊಳ್ಳಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.