ಸಿಕ್ಸ್ ಪ್ಯಾಕ್ ಬಯಸುವವರು ಪಾಲಿಸಬೇಕಾದ ನಿಯಮಗಳು

Diet Fitness

oi-Reena

By Hema S

Published: Thursday, March 29, 2012, 11:30 [IST]

ಹೆಚ್ಚಿನ ಯುವಕರು ಸಲ್ಮಾನ್, ಹೃತಿಕ್ ರೋಷನ್ ತರಹದ ಮೈಕಟ್ಟು (ಮಸಲ್) ಬೇಕೆಂದು ಜಿಮ್ ಗೆ ಹೋಗುವುದು, ಪ್ರೊಟೀನ್ ಪದಾರ್ಥಗಳನ್ನು ತಿನ್ನುವುದು ಮಾಡುತ್ತಾರೆ. ಇದರಿಂದ ಸ್ನಾಯುಗಳು ಬಲಿಷ್ಠವಾಗುತ್ತದೆ.

ಆದರೆ ಯಾವುದೇ ಮಾರ್ಗದರ್ಶನವಿಲ್ಲದೆ ದೇಹದ ಮೈಕಟ್ಟು ಬೆಳೆಸಬೇಕೆಂದು ಪ್ರಯತ್ನಿಸುವ ಏಕಲವ್ಯರು ನಮ್ಮ ನಡುವೆ ಇದ್ದಾರೆ. ಅಂತಹವರಿಗೆ ಒಂದು ಕಿವಿ ಮಾತು ಅಂದರೆ ಕೆಲವೊಂದು ನಿಯಮಗಳ ಬಗ್ಗೆ ತಿಳಿದಿರದೆ ಸುಮ್ಮನೆ ವ್ಯಾಯಾಮ ಮತ್ತು ಪ್ರೊಟೀನ್ ತಿಂದರೆ ದೇಹದ ಆಕಾರ ಹಾಳಾಗುವುದು. ಆಕರ್ಷಕವಾದ ಮೈಕಟ್ಟಿಗೆ ಈ ಕೆಳಗಿನ ನಿಯಮಗಳ ಬಗ್ಗೆ ತಿಳಿದಿರುವುದು ಒಳ್ಳೆಯದು.

1. ದಿನವೂ ವ್ಯಾಯಾಮ: ಸ್ನಾಯುಗಳು ಬಲಿಷ್ಠವಾಗಿ ಮಾಂಸಖಂಡಗಳು ಎದ್ದು ಕಾಣಲು ವಾರದಲ್ಲಿ 4-5 ದಿನ ಸ್ನಾಯುಗಳನ್ನು ಬಲ ಪಡಿಸುವ ವ್ಯಾಯಾಮ ಮಾಡಬೇಕು.

2. ಟ್ರೈನಿಂಗ್ : ಅನೇಕ ಬಾಡಿ ಬಿಲ್ಡರ್ ಜಿಮ್ ಗೆ ಹೋಗಿ ಟ್ರೈನಿಂಗ್ ತೆಗೆದುಕೊಳ್ಳುತ್ತಾರೆ. ಆದರೆ ಟ್ರೈನಿಂಗ್ ಮುಗಿದ ಮೇಲೆ ಆ ಅಭ್ಯಾಸ ನಿಲ್ಲಿಸಬಾರದು. ಬೇಡದ ಕೊಬ್ಬನ್ನು ಕರಗಿಸಲು ಪ್ರತಿನಿತ್ಯ ಶ್ರಮ ಪಡಬೇಕು.

3. ಭಾರ ಎತ್ತುವುದು: ಭಾರ ಎತ್ತುವ ವ್ಯಾಯಾಮ ಮಾಡುವಾಗ ತುಂಬಾ ಭಾರವನ್ನು ಎತ್ತಿದರೆ ಕೈ ಕಾಲುಗಳು ಬಲಿಷ್ಠವಾಗುತ್ತದೆ ಎಂದು ಭಾವಿಸುವುದು ಸರಿಯಲ್ಲ. ಸ್ವಲ್ಪ ಕಡಿಮೆ ತೂಕವಿರುವ ಡಂಬಲ್ಸ್ ಆಗಿದ್ದರೆ ಅಧಿಕ ಬಾರಿ ಎತ್ತಬಹುದು. ತುಂಬಾ ಹೊತ್ತು ವ್ಯಾಯಾಮ ಮಾಡುವುದರಿಂದ ಸ್ನಾಯುಗಳು ಬೇಗನೆ ಬಲಿಷ್ಠವಾಗುತ್ತದೆ. ತುಂಬಾ ಭಾರದ ವಸ್ತುಗಳನ್ನು ಎತ್ತಿದರೆ ಬೇಗನೆ ಸುಸ್ತುವಾಗುವುದರಿಂದ ಅಧಿಕ ಹೊತ್ತು ವ್ಯಾಯಾಮ ಮಾಡಲು ಸಾಧ್ಯವಾಗುವುದಿಲ್ಲ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.