ಈ ಸಲಹೆ ತುಂಬಾ ತೆಳ್ಳಗೆ ಇದ್ದವರಿಗೆ ಮಾತ್ರ!

Diet Fitness

oi-Reena

By Hema S

Published: Friday, March 16, 2012, 10:53 [IST]

ಯಾವುದೆ ಮ್ಯಾಗಜಿನ್ ಅಥವಾ ಆರೋಗ್ಯ ಸಂಬಂಧಿ ನಿಯತಕಾಲಿಕ, ಪೇಪರ್ ಅಷ್ಟೆ ಏಕೆ ಕನ್ನಡ ಬೋಲ್ಡ್ ಸ್ಕೈ ನೋಡಿದರೆ ತೂಕ ಕಡಿಮೆಯಾಗಲು ಅನೇಕ ಸಲಹೆಗಳಿರುತ್ತವೆ. ಆದರೆ ತುಂಬಾ ಸಪೂರವಿರುವವರು ತೂಕ ಹೆಚ್ಚಿಸಿಕೊಳ್ಳಲು ಬಯಸಿ ಅದಕ್ಕೆ ಏನು ಮಾಡಬೇಕೆಂದು ಹುಡುಕಾಡಿದರೆ ಸಿಗವ ಬರಹಗಳು ಕಡಿಮೆ.

ತುಂಬಾ ದಪ್ಪವಿದ್ದರೆ ಅಸಹ್ಯವಾಗಿ ಕಾಣುವಂತೆ ತುಂಬಾ ಸಪೂರವಿದ್ದರೆ ಕೂಡ ಕಾಯಿಲೆ ಬಿದ್ದವರಂತೆ ಕಾಣುತ್ತಾರೆ. ಆಕರ್ಷಕವಾಗಿ ಮತ್ತು ಆರೋಗ್ಯಕರವಾಗಿ ಕಾಣಲು ತಕ್ಕಮಟ್ಟಿಗಿನ ದಪ್ಪವಿರಬೇಕು. ಆದ್ದರಿಂದ ತುಂಬಾ ತೆಳ್ಳಗಿನ ಮೈಕಟ್ಟು ಹೊಂದಿರುವವರು ದಪ್ಪಗಾಗಲು ಈ ಕೆಳಗಿನ ಸರಳ ವಿಧಾನವನ್ನು ಪಾಲಿಸಬಹುದು.

1. ಹಾಲಿನ ಉತ್ಪನ್ನಗಳನ್ನು ತಿನ್ನಬೇಕು. ಹಣ್ಣು, ತರಕಾರಿ, ಮೊಟ್ಟೆ, ಮೀನು, ಮಾಂಸಾಹಾರ ತಿನ್ನಬೇಕು. ಅಧಿಕ ಪ್ರೊಟೀನ್ ಇರುವ ಅಹಾರಗಳನ್ನು ತಿನ್ನಬೇಕು. ಅಧಿಕ ಕ್ಯಾಲೋರಿ ಮತ್ತು ಕೊಬ್ಬಿನಂಶ ಹೊಂದಿರುವ ಆಹಾರಗಳನ್ನು ತಿನ್ಬೇಕು. ಅನ್ನ, ಸಿಹಿಗೆಣಸು, ಮರಗೆಣಸು, ಆಲೂಗಡ್ಡೆ ತಿನ್ನಬೇಕು.

2. ಒಣಹಣ್ಣುಗಳು, ಚೀಸ್, ಮಿಲ್ಕ್ ಶೇಕ್ , ಮೊಸರು ಆಹಾರಕ್ರಮದಲ್ಲಿ ಸೇರಿಸುವುದು ಒಳ್ಳೆಯದು. ದಿನಕ್ಕೆ 5 ಬಾರಿ ಊಟ ಮಾಡಬೇಕು.

3. ಹಾಲು, ಜ್ಯೂಸ್, ಹಾರ್ಲಿಕ್ಸ್, ಪ್ರೊಟೀನ್ ಪೌಡರ್ ಗಳನ್ನು ಹಾಲಿನಲ್ಲಿ ಮಿಶ್ರ ಮಾಡಿ ಕುಡಿಯುವುದು ಒಳ್ಳೆಯದು.

4. ಮಸಲ್ ಗಳು ದಪ್ಪಗಾಗುವ ವ್ಯಾಯಾಮ ಮಾಡಬೇಕು. ಕೆಲವರು ಸ್ವಲ್ಪ ಸಮಯ ಮಾಡಿ ನಂತರ ಏನೂ ಪ್ರಯೋಜನವಾಗಲಿಲ್ಲ ಎಂದು ಬಿಟ್ಟುಬಿಡುತ್ತಾರೆ. ಹಾಗೆ ಮಾಡಬಾರದು. ದಿನನಿತ್ಯ ವ್ಯಾಯಾಮ ಮಾಡಿದರೆ ಸ್ನಾಯುಗಳು ಬಲಗೊಂಡು ಮಾಂಸಖಂಡಗಳು ಬಲಿಷ್ಠವಾಗುತ್ತದೆ.

5. ದಪ್ಪಗಿದ್ದವರು ಪ್ರಯತ್ನಿಸಿದರೆ ತೂಕವನ್ನು ಬೇಗನೆ ಇಳಿಸಬಹುದು. ಆದರೆ ತುಂಬಾ ಸಣ್ಣಗಿದ್ದವರು ದಪ್ಪಗಾಗಲು ತುಂಬಾ ಸಮಯ ತೆಗೆದುಕೊಳ್ಳುತ್ತದೆ. ಆದ್ದರಿಂದ ತಾಳ್ಮೆಯಿಂದ ಮೇಲೆ ಹೇಳಿದ ಸಲಹೆಗಳನ್ನು ಪಾಲಿಸುತ್ತಾ ಬರಬೇಕು. ನಿಧಾನಕ್ಕೆ ಆದರೂ ಫಲಿತಾಂಶ ಸಿಕ್ಕೇ ಸಿಗುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.