ನಾರಿನ ಪದಾರ್ಥ ತಿನ್ನಿರಿ, ಬಳುಕುವ ಬಳ್ಳಿಯಾಗಿರಿ

Diet Fitness

oi-Reena

By Hema S

Published: Thursday, November 17, 2011, 10:57 [IST]

ಸಿಕ್ಕಾಪಟ್ಟೆ ದಪ್ಪಗಿರುವವರು ತಳ್ಳಗಾಗುವುದು, ಯದ್ವಾತದ್ವಾ ತೆಳ್ಳಗಿರುವವರು ಸುಮಾರಾಗಿ ಕಾಣಿಸುವಷ್ಟು ದಪ್ಪಗಾಗುವುದು ಬದುಕಿನ ಒಂದು ಚಾಲೇಂಜ್ ಗಳಲ್ಲಿ ಒಂದು. ಬೇಕಾಬಿಟ್ಟಿ ವ್ಯಾಮಾಮ ಮಾಡಿದರೂ ಕಷ್ಟ, ಬೇಕಾಗುವಷ್ಟು ತಿನ್ನದಿದ್ದರೂ ಕಷ್ಟ. ಒಟ್ಟಿನಲ್ಲಿ ಒಳ್ಳೆಯ ಫಿಗರ್ ಮೇಂಟೇನ್ ಮಾಡುವುದಿದೆಯಲ್ಲ ಬಲು ಕಷ್ಟ ಕಷ್ಟ.

ಆದರೂ, ಜೀವನದಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಿಕೊಂಡು ಜೀವನಶೈಲಿಯನ್ನು ಬದಲಾಯಿಸಿಕೊಂಡರೆ ಯಾವುದೂ ಅಸಾಧ್ಯವಲ್ಲ. ಬೆಳಗಿನ ಜಾವ ವ್ಯಾಯಾಮ ಮಾಡಿರಿ, ಆಹಾರಕ್ರಮ ಕಟ್ಟುನಿಟ್ಟಾಗಿರಲಿ, ದೇಹವನ್ನು ಅಚ್ಚುಕಟ್ಟಾಗಿಟ್ಟುಕೊಳ್ಳಲು ಅಗತ್ಯವಾಗಿರುವ ಹಣ್ಣುಹಂಪಲುಗಳನ್ನು ಸಾಕಷ್ಟು ತಿನ್ನಿರಿ.

ಅಂತಹ ಆಹಾರಗಳಲ್ಲಿ ನಾರಿನಂಶ ಇರುವ ತಿನಿಸುಗಳು ನಿತ್ಯದ ಊಟದಲ್ಲಿ ಹೆಚ್ಚಾಗಿರಲಿ. ಇವುಗಳಿಂದ ದೇಹಕ್ಕೆ ಶಕ್ತಿ ಬರುವುದು ಮಾತ್ರವಲ್ಲ, ಅನೇಕ ರೋಗಗಳಿಂದ ಮುಕ್ತಿ ದೊರೆಯುತ್ತದೆ. ಮಲಬದ್ಧತೆ, ರಕ್ತದೊತ್ತಡ, ಮಧುಮೇಹ, ಹೃದ್ರೋಗದ ತೊಂದರೆಯಿದ್ದವರು ಸಹ ಈ ಆಹಾರಕ್ರಮ ಪಾಲಿಸಿದರೆ ಉತ್ತಮ ಫಲಿತಾಂಶ ದೊರೆಯುತ್ತದೆ.

ಈ ಆಹಾರಕ್ರಮದಲ್ಲಿ ದಿನಕ್ಕೆ 30-40ಗ್ರಾಂ ನಾರಿನಂಶ ಆಹಾರದಲ್ಲಿ ಸೇರುವಂತಹ ಅಹಾರವನ್ನು ಸೇವಿಸಬೇಕಾಗುತ್ತದೆ.

1. ಬೆಳಗ್ಗೆ ಎದ್ದು ನಾರಿನಂಶವಿರುವ ಆಹಾರ(ನೆನೆಸಿಟ್ಟ ಕಾಳುಗಳು)ವನ್ನು ಸೇವಿಸಬೇಕು. ಬೆಳಗ್ಗೆ ಇದರ ಜೊತೆ ಕುದಿಸಿದ ಒಂದು ಲೋಟ ಹಾಲನ್ನು ಸಹ ಕುಡಿಯಬೇಕು. ಮಧ್ಯಾಹ್ನದ ಊಟಕ್ಕೆ ತರಕಾರಿ ಸಲಾಡ್ ಸಹ ಜೊತೆಯಲ್ಲಿ ಇರಲಿ. ರಾತ್ರಿ ಊಟಕ್ಕೆ ಬೇಯಿಸಿದ ಆಲುಗೆಡ್ಡೆ, ಹಣ್ಣುಗಳು ಮತ್ತು ಹಾಲನ್ನು ಸೇವಿಸಿ. ಈ ರೀತಿ ಆಹಾರಕ್ರಮವನ್ನು ಪಾಲಿಸುವಾಗ ಟೀ ಮತ್ತು ಕಾಫಿ ಕುಡಿಯಬಾರದು.

2. ಆಹಾರಕ್ಕೆ ಪಾಲಿಷ್ ಅಕ್ಕಿಯ ಅನ್ನದ ಬದಲು ಕೆಂಪಕ್ಕಿಯ ಅನ್ನವನ್ನು ಸೇವಿಸಿ. ನಾರಿನಂಶವಿರುವ ತರಕಾರಿ ಮತ್ತು ಹಣ್ಣುಗಳನ್ನು ಹೆಚ್ಚಾಗಿ ತೆಗೆದುಕೊಳ್ಳಿ. ಈ ರೀತಿಯ ನಾರಿನಂಶದ ಆಹಾರವನ್ನು ಸೇವಿಸುವಾಗ ಗಮನಿಸಬೇಕದ ಅಂಶವೆಂದರೆ ಪ್ರತಿದಿನ 1000 ಕ್ಯಾಲೋರಿಗಿಂತ ಅಧಿಕ ಆಹಾರವನ್ನು ಸೇವಿಸಬಾರದು. ಈ ರೀತಿಯ ಆಹಾರಕ್ರಮವನ್ನು ಪಾಲಿಸುವಾಗ ಸಾಕಷ್ಟು ನೀರು ಕುಡಿಯಬೇಕು.

ಅಧಿಕ ನಾರಿನಂಶವಿರುವ ಆಹಾರಗಳೆಂದರೆ:

ಹಣ್ಣುಗಳು : ಸೇಬು, ದ್ರಾಕ್ಷಿ, ಬಾಳೆಹಣ್ಣು, ಒಣಹಣ್ಣುಗಳು, ಬೆಣ್ಣೆಹಣ್ಣು(ಅವಕಾಡೊ)
ತರಕಾರಿಗಳು : ಕ್ಯಾರೆಟ್, ಎಲ್ಲಾ ರೀತಿಯ ಸೊಪ್ಪುಗಳು, ಜೋಳ, ಬೀನ್ಸ್, ಆಲುಗೆಡ್ಡೆ, ಮೂಲಂಗಿ.
ದವಸ ಧಾನ್ಯಗಳು : ಓಟ್ಸ್, ಕೆಂಪಕ್ಕಿ ಇವುಗಳಲ್ಲಿ ನಾರಿನಂಶ ಅಧಿಕವಿರುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.