ಬೆಳಗ್ಗೆ ಬೇಗ ಎದ್ದು ಆನಂದ ತುಂದಿಲರಾಗಿ

Diet Fitness

oi-Sumalatha

By Sumalatha

Published: Saturday, September 17, 2011, 11:35 [IST]

ನೀವು ಬೆಳಗ್ಗೆ ಬೇಗ ಏಳುವ ಅಭ್ಯಾಸ ಇಟ್ಟುಕೊಂಡಿದ್ದೀರಾ? ಹಾಗಾದರೆ ನೀವು ಹೆಚ್ಚು ಆನಂದವಾಗಿರುತ್ತೀರ. ಬೆಳಗ್ಗೆ ಬೇಗ ಏಳುವವರು ತಡವಾಗಿ ಏಳುವವರಿಗಿಂತ ಹೆಚ್ಚು ಸಂತೋಷವಾಗಿ, ಆರೋಗ್ಯವಂತರಾಗಿ ಮತ್ತು ಸ್ಲಿಮ್ ಆಗಿ ಇರುತ್ತಾರೆ ಎಂದು ಅಧ್ಯಯನವೊಂದು ತಿಳಿಸಿದೆ.

ಲಂಡನ್ ನ ರಿಎಯೋಹ್ಯಾಂಪ್ಟನ್ ವಿಶ್ವವಿದ್ಯಾಲಯದ ಸಂಶೋಧಕರು ನಡೆಸಿದ ಈ ಅಧ್ಯಯನದಲ್ಲಿ, ಸಂಜೆ ಟಿವಿಯನ್ನು ಹೆಚ್ಚಾಗಿ ನೋಡುವವರು ಟಿವಿ ನೋಡುವಾಗ ಏನಾದರೂ ತಿಂಡಿ ತಿನಿಸನ್ನು ಸೇವಿಸುವುದರಿಂದ ಬೆಳಗ್ಗಿನ ತಿಂಡಿಯನ್ನು ಸರಿಯಾಗಿ ತಿನ್ನುವುದಿಲ್ಲ ಮತ್ತು ತುಂಬಾ ತಡವಾಗಿ ಮಲುಗುವುದರಿಂದ ಬೆಳಗ್ಗೆ ಬೇಗ ಏಳುವುದಿಲ್ಲ.

ಈ ಮೂಲಕ ಆರೋಗ್ಯ ಮತ್ತು ಮಾನಸಿಕ ಸಂತೋಷ ಸಮತೋಲನ ಕಳೆದುಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ ಎಂದು ಡೈಲಿ ಎಕ್ಸ್ ಪ್ರೆಸ್ ನಲ್ಲಿ ಉಲ್ಲೇಖಿಸಿದೆ.

ಅಧ್ಯಯನಕ್ಕೆ ಸಂಬಂಧಿಸಿದಂತೆ 1, 068 ಜನರನ್ನು ಒಳಪಡಿಸಿದಾಗ, ಬೆಳಗ್ಗೆ ತಡವಾಗಿ ಏಳುವವರಿಗೆ ಹೋಲಿಸಿದರೆ ಬೇಗ ಏಳುವವರು ಹೆಚ್ಚು ದೈಹಿಕ ಮತ್ತು ಮಾನಸಿಕ ಸ್ವಾಸ್ಥ್ಯವನ್ನು ಪಡೆದುಕೊಂಡಿರುತ್ತಾರೆ ಮತ್ತು ಯಾವಾಗಲೂ ಚಟುವಟಿಕೆಯಿಂದ ಕೆಲಸ ನಿರ್ವಹಿಸುತ್ತಾರೆ ಎಂದು ತಿಳಿಸಿದೆ.

ಬೆಳಗ್ಗೆ ಬೇಗ ಏಳುವವರು ತಮ್ಮ ಆಹಾರ ಕ್ರಮಗಳತ್ತಲೂ ಹೆಚ್ಚು ಗಮನವಹಿಸುತ್ತಾರೆ ಎಂದೂ ವರದಿ ತಿಳಿಸಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.