ಹಸನಾಗಲಿ ಆರೋಗ್ಯ ಹಸಿರು ಬಣ್ಣದಿಂದ

Diet Fitness

oi-Sumalatha N

By Sumalatha N

Published: Thursday, August 18, 2011, 13:53 [IST]

ಬಣ್ಣಕ್ಕೂ ಆರೋಗ್ಯಕ್ಕೂ ಎಲ್ಲಿಂದೆಲ್ಲಿಯ ಸಂಬಂಧ? ಎಂದು ನೀವೆನ್ನಬಹುದು. ಆದರೆ ಬಣ್ಣಕ್ಕೂ, ದೈಹಿಕ ಹಾಗೂ ಮಾನಸಿಕ ಆರೋಗ್ಯಕ್ಕೂ ಒಂದಕ್ಕೊಂದು ಸಂಬಂಧವಿದೆ. ಜಗತ್ತು ನಿಂತಿರುವುದೇ ಬಣ್ಣಗಳ ಮೇಲೆ. ಈ ಬಣ್ಣಗಳನ್ನು ಉಪಯೋಗಿಸಿಕೊಂಡು ದೇಹವನ್ನು ಮತ್ತು ಮನಸ್ಸನ್ನು ಪ್ರಸನ್ನಗೊಳಿಸಿಕೊಳ್ಳುವುದು ಕೂಡ ನಿಮ್ಮ ಕೈಯ್ಯಲ್ಲೇ ಇದೆ.

ಪಚ್ಚೆ (emerald): ಹಸಿರು ಬೆಳವಣಿಗೆಯ ಸಂಕೇತ, ಅಭಿವೃದ್ಧಿಯ ಗುರುತು. ಇದು ಹಸಿರು ಹೃದಯ ಚಕ್ರದ ಸಂಕೇತ. ಈ ಬಣ್ಣಗಳಿರುವ ಹಣ್ಣುಗಳ, ತರಕಾರಿ, ಧಾನ್ಯಗಳ ಸೇವನೆಯಿಂದ ಆರೋಗ್ಯ ಇಮ್ಮಡಿಸುತ್ತದೆ. ಹಸಿರು ಆಹಾರದಲ್ಲಿರುವ ಕಬ್ಬಿಣಾಂಶ, ನಾರಿನಂಶ ಹೃದಯದ ಆರೋಗ್ಯವನ್ನು ಸದೃಡಗೊಳಿಸುತ್ತದೆ ಮತ್ತು ರಕ್ತದಲ್ಲಿ ಕೆಂಪುಕಣಗಳನ್ನು ಉತ್ಪತ್ತಿ ಮಾಡುತ್ತದೆ. ಸಂಧಿವಾತ ಮತ್ತು ಕ್ಯಾನ್ಸರ್ ನಂತಹ ರೋಗವನ್ನು ತಡೆಯಲು ಸಹಾಯ ಮಾಡುತ್ತದೆ.
ಆಹಾರ: ಎಲ್ಲ ರೀತಿಯ ಹಸಿರು ತರಕಾರಿ, ಸೊಪ್ಪು, ಹಣ್ಣು ಇದಕ್ಕೆ ಪೂರಕ. ಹಸಿರಿನ ಸೇವನೆ ಆರೋಗ್ಯಕ್ಕೆ ಮೂಲಮಂತ್ರ.

ಗೋಮೇಧಿಕ (Turquoise): ನೀಲಿ ಹಸಿರು ಮಿಶ್ರಣದ ವಿಶೇಷ ಮತ್ತು ಅಪರೂಪದ ಬಣ್ಣ ಇದಾಗಿದೆ. ಗೋಮೇಧಿಕ ಬಣ್ಣ ಚೈನೀಸ್ ಶಾಸ್ತ್ರದ ಪ್ರಕಾರವೂ ಅತಿ ವಿಶೇಷವೆನಿಸಿದೆ. ಈ ಬಣ್ಣ ಗಂಟಲಿನ ಚಕ್ರಕ್ಕೆ ಸಂಬಂಧಿಸಿದ್ದಾಗಿದೆ. ಗಂಟಲಿನ ಕ್ಯಾನ್ಸರ್ ನಂತಹ ಸಮಸ್ಯೆಯನ್ನು ಈ ಬಣ್ಣ ನಿವಾರಿಸುವಲ್ಲಿ ಸಹಾಯ ಮಾಡುತ್ತದೆ. ನಮ್ಮ ದೇಹದಲ್ಲಿ ಹೆಚ್ಚು ನೀರಿನಂಶವಿರುವುದರಿಂದ ಈ ಬಣ್ಣ ಆರೋಗ್ಯಕ್ಕೆ ಅತಿ ಮುಖ್ಯವಾಗಿದೆ.
ಆಹಾರ: ಬ್ಲೂಬೆರಿ ಮತ್ತು ಪಾಲಿಫೆನಾಲ್ ಹೆಚ್ಚಿರುವ ಹಣ್ಣುಗಳ ಸೇವನೆಯಿಂದ ಕ್ಯಾನ್ಸರ್ ನಂತಹ ದೊಡ್ಡ ರೋಗ ತಗುಲುವುದನ್ನು ತಡೆಯಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.