ಮಧುಮೇಹಕ್ಕೆ ರಾಮಬಾಣ ಶುಂಠಿಯಲ್ಲಿದೆ!

Diabetes

oi-Reena

By Hema S

Updated: Tuesday, August 14, 2012, 10:21 [IST]

ಕೆಮ್ಮು, ಶೀತ, ಅಜೀರ್ಣ ಮುಂತಾದ ಸಣ್ಣ ಪುಟ್ಟ ಕಾಯಿಲೆಗಳಿಗೆ ಶುಂಠಿಯನ್ನು ಮನೆ ಮದ್ದಾಗಿ ಬಳಸುತ್ತಿರುತ್ತೇವೆ. ಈ ಕಾಯಿಲೆಗಳಿಗೆ ಔಷಧಿ ಮಾಡಿದರೆ ಸಾಕು ಅಷ್ಟೇ ಬೇಗ ಗುಣವಾಗಿ ಬಿಡುತ್ತದೆ.

ಇನ್ನು ಕೆಲವು ಕಾಯಿಲೆಗಳಿವೆ ಅವುಗಳು ಒಮ್ಮೆ ಬಂದರೆ ನಂತರ ನೆರಳಿನಂತೆ ನಮ್ಮ ಕೊನೆಯವರೆಗೂ ಇರುತ್ತದೆ. ಅಂತಹ ಕಾಯಿಲೆಗಳಲ್ಲಿ ಮಧುಮೇಹ ಕೂಡ ಒಂದು. ಮಧುಮೇಹ ಬಂದರೆ ಜೀವನಪೂರ್ತಿ ಪಥ್ಯ ಆಹಾರ, ಇನ್ಸುಲಿನ್ ಚುಚ್ಚುಮದ್ದು ಕಡ್ಡಾಯವಾಗುತ್ತದೆ. ಇಷ್ಟೊಂದು ಅಪಾಯಕಾರಿಯಾದ ಶುಂಠಿಯನ್ನು ನಿಯಂತ್ರಿಸುವ ಸಾಮರ್ಥ್ಯ ಶುಂಠಿಯಲ್ಲಿದೆ!

ಈ ಶುಂಠಿ ಮಧುಮೇಹವನ್ನು ನಿಯಂತ್ರಣದಲ್ಲಿಡುವಲ್ಲಿ ಹೇಗೆ ಸಹಕಾರಿಯಾಗಿದೆ ಎಂದು ನೋಡೋಣ ಬನ್ನಿ:

1. ಜೀರ್ಣಕ್ರಿಯೆಗೆ ಸಹಕಾರಿ: ಜೀರ್ಣಕ್ರಿಯೆ ಸರಿಯಾಗಿ ನಡೆಯದಿದ್ದರೆ ದೇಹಕ್ಕೆ ಅಗತ್ಯವಾದ ಇನ್ಸುಲಿನ್ ದೊರೆಯುವುದಲ್ಲ. ಟೈಪ್ 2 ಡಯಾಬಿಟಿಸ್ ಇದ್ದರೆ ಗುಪಡಿಸಲಾಗದ ಅಜೀರ್ಣ ಸಮಸ್ಯೆ ಕಂಡು ಬರುತ್ತದೆ. ಈ ಶುಂಠಿ ತಿಂದರೆ ಜೀರ್ಣಕ್ರಿಯೆ ಹೆಚ್ಚಾಗುವುದು ಮತ್ತು ಅಸಿಡಿಟಿಯ ಸಮಸ್ಯೆ ಇರುವುದಿಲ್ಲ. ಅನೇಕ ಕಾಯಿಲೆಗಳಿಗೆ ಕಾರಣ ಮಲಬದ್ಧತೆ. ಈ ಸಮಸ್ಯೆಯನ್ನು ನಿವಾರಿಸುವಲ್ಲಿ ಶುಂಠಿ ತುಂಬಾ ಪರಿಣಾಮಕಾರಿಯಾಗಿದೆ.

2. ದೃಷ್ಟಿ ಮಂಜಾಗುವ ಸಮಸ್ಯೆ ಕಡಿಮೆಯಾಗುವುದು: ಡಯಾಬಿಟಿಸ್ ಕಾಣಿಸಿಕೊಂಡರೆ ದೃಷ್ಟಿ ಮಂಜಾಗುತ್ತದೆ. ಶುಂಠಿ ತಿಂದರೆ ದೃಷ್ಟಿ ಸಾಮರ್ಥ್ಯ ಹೆಚ್ಚಾಗುವುದು ಎಂದು ಅಧ್ಯಯನದಿಂದ ತಿಳಿದುಬಂದಿದೆ.

3. ರಕ್ತದಲ್ಲಿರುವ ಸಕ್ಕರೆ ಅಂಶವನ್ನು ಹೀರಿಕೊಳ್ಳುತ್ತದೆ: ಡಯಾಬಿಟಿಸ್ ರೋಗಿಯಲ್ಲಿ ಇನ್ಸುಲಿನ್ ಅಂಶ ಕಡಿಮೆ ಇರುವುದರಿಂದ ದೇಹದಲ್ಲಿ ಜೀವಕಣಗಳು ಆಹಾರದಲ್ಲಿರುವ ಸಕ್ಕರೆ ಅಂಶವನ್ನು ಹೀರಿಕೊಳ್ಳುವುದಿಲ್ಲ. ಸಿಡ್ನಿಯ ವಿಶ್ವವಿದ್ಯಾನಿಲಯದಲ್ಲಿ ನಡೆಸಿದ ಅಧ್ಯಯನದಿಂದ ಶುಂಠಿಯು ದೇಹದಲ್ಲಿ ಕಡಿಮೆ ಇನ್ಸುಲಿನ್ ಇದ್ದರೂ ಸಕ್ಕರೆ ಅಂಶವನ್ನು ದೇಹವು ಹೀರಿಕೊಳ್ಳಲು ಸಹಾಯಮಾಡುತ್ತದೆ ಎಂಬ ಅಂಶ ತಿಳಿದುಬಂದಿದೆ.

ಪ್ರತಿದಿನ ಶುಂಠಿಯನ್ನು ಆಹಾರದಲ್ಲಿ ಸೇರಿಸಿದರೆ ಇನ್ಸುಲಿನ್ ಪ್ರಮಾಣ ಕಡಿಮೆಯಿದ್ದರೂ ಮಧಮೇಹವನ್ನು ನಿಯಂತ್ರಣದಲ್ಲಿ ಇಡಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.