ಮಧುಮೇಹಿಗಳಿಗೆ ಸೂಕ್ತ ಆಹಾರ ಯಾವುದು?

ನೀವು ಸಮತೋಲನ ಆಹಾರ ಸೇವಿಸುತ್ತಿದ್ದರೆ ಹೆಚ್ಚುವರಿಯಾಗಿ ಮಿಟಮಿನ್ ಮಾತ್ರೆ ನುಂಗುವ ಅಗತ್ಯವಿಲ್ಲ. ಮಾತ್ರೆ ನುಂಗುವುದು ಕೆಲವರಿಗೆ ಮಾನಸಿಕ ನೆಮ್ಮದಿ ಕೊಡಬಲ್ಲದಾದರೂ, ಡಯಾಬಿಟಿಸ್ ನಿಯಂತ್ರಣಕ್ಕೂ, ಅಥವಾ ಇನ್ಸುಲಿನ್ ಪ್ರಮಾಣ ಏರಿಳಿತ ಸಮಸ್ಥಿತಿಗೆ ತರಲು ಮಿಟಮಿನ್ ಗುಳಿಗೆ ಅವಶ್ಯಕತೆ ಇರುವುದಿಲ್ಲ.

ದೈನಂದಿನ ಆಹಾರ ಕ್ರಮದಲ್ಲಿ ವ್ಯತ್ಯಾಸವಾದಾಗ, ಉದಾ: ನೀವು ಅನಾರೋಗ್ಯ ಪೀಡಿತರಾಗಿ ಸಮತೋಲನ ಆಹಾರ ಸೇವಿಸಲು ಸಾಧ್ಯವಾಗದಿದ್ದಾಗ ಅಥವಾ ಶಸ್ತ್ರಚಿಕಿತ್ಸೆ ನಂತರ ಸುಶ್ರೂಷೆ ಪಡೆಯುತ್ತಿದ್ದರೆ ಆಗ ಮಿಟಮಿನ್ನುಗಳ ಅವಶ್ಯಕತೆ ಇರುತ್ತದೆ. ಮಿಟಮಿನ್ ಗುಳಿಗೆ ಪ್ರಮಾಣವನ್ನು ವೈದ್ಯರೇ ನಿರ್ಧರಿಸಿ ನೀಡುತ್ತಾರೆ. ಸ್ವಯಂ ವೈದ್ಯ ಎಂದಿಗೂ ಕೂಡದು. ತಾಜಾ ಹಣ್ಣು ಹಾಗೂ ತರಕಾರಿಗಳಲ್ಲೇ ಯಥೇಚ್ಛವಾಗಿ ಮಿಟಮಿನ್ ಗಳು ಲಭಿಸುವುದರಿಂದ ಗುಳಿಗೆ ನುಂಗುವುದಕ್ಕೆ ಬ್ರೇಕ್ ಹಾಕುವುದು ಒಳಿತು.

ಶಾಖಾಹಾರಿಗಳು ಹಾಗೂ ಮಾಂಸಹಾರಿಗಳಿಗೆ ಸಮತೋಲನ ಆಹಾರದ ಕೋಷ್ಟಕ ಇಲ್ಲಿದೆ: ಈ ಸಮತೋಲನ ಆಹಾರ ಚಾರ್ಟ್ ಸ್ಥೂಲವಾಗಿ ದೈನಂದಿನ ಆಹಾರ ಸೇವನೆ ಕ್ರಮವನ್ನು ನೀಡುತ್ತದೆ. ಮಾಂಸಹಾರಿಗಳು ಶಾಖಾಹಾರಿಗಳ ಪಟ್ಟಿಯನ್ನೂ ಅನುಸರಿಸಬಹುದು.