ಈ ಬ್ಯೂಟಿ ಟಿಪ್ಸ್ ಪುರುಷರಿಗೆ ಮಾತ್ರ!

Updated: Thursday, March 21, 2013, 13:07 [IST]

ಸುಂದರವಾಗಿ ಕಾಣಬೇಕೆಂಬ ಆಸೆ ಸ್ತ್ರೀಯರಿಗೆಮಾತ್ರವಲ್ಲ ಪುರುಷರಿಗೂ ಇರುತ್ತದೆ. ಆದರೆ ಪುರುಷರಿಗೆ ತ್ವಚೆ ಆರೈಕೆ ಮಾಡಲು ಏನೋ ಮುಜುಗರ. ಫೇಶಿಯಲ್, ಫೇಸ್ ಪ್ಯಾಕ್ ಅಂತ ಮಾಡಿದರೆ ಫ್ರೆಂಡ್ಸ್ ಮತ್ತು ಮನೆಯವರು ಹುಡುಗಿ ತರ ಏಕೇ ಇಷ್ಟು ಸ್ಟೈಲ್ ಮಾಡುತ್ತೀಯ ಎಂದು ಕೇಳುತ್ತಾರೆ ಎಂಬ ಭಯ.

ಸಾಮಾನ್ಯವಾಗಿ ಹೆಚ್ಚಿನ ಪುರುಷರು ತಮ್ಮ ಸೌಂದರ್ಯದ ಬಗ್ಗೆ ಗಮನವೇ ಹರಿಸುವುದಿಲ್ಲ. ಶೇವ್ ಮಾಡಿದರೆ ಸಾಕು, ನಾವು ಸುಂದರವಾಗಿ ಕಾಣುತ್ತೇವೆ ಎಂಬ ಭಾವನೆ ಹೆಚ್ಚಿನವರಲ್ಲಿರುತ್ತದೆ. ಆದರೆ ಆಕರ್ಷಕವಾದ ತ್ವಚೆಗೆ ಶೇವ್ ಮಾತ್ರ ಸಾಕಾಗುವುದಿಲ್ಲ. ತ್ವಚೆ ತುಂಬಾ ಒರಟಾಗದಂತೆ ತಡೆಯಲು, ತ್ವಚೆಯ ಕಾಂತಿಯನ್ನು ಹೆಚ್ಚಿಸಲು ಬಯಸುವುದಾದರೆ ಈ ಕೆಳಗಿನ ಟಿಪ್ಸ್ ಪಾಲಿಸುವುದು ಒಳ್ಳೆಯದು:

ತ್ವಚೆಯಲ್ಲಿರುವ ಎಣ್ಣೆಯಂಶವನ್ನು ಹೋಗಲಾಡಿಸಿ

ತ್ವಚೆಯಲ್ಲಿ ಎಣ್ಣೆಯಂಶವಿದ್ದರೆ ಮುಖ ಮುಖ ಮಂಕಾಗಿ ಕಾಣುವುದು, ಅಲ್ಲದೆ ಕೆಲವರಿಗೆ ಮೊಡವೆ ಬರಲು ಮುಖದಲ್ಲಿರುವ ಜಿಡ್ಡಿನಂಶ ಕೂಡ ಒಂದು ಕಾರಣವಾಗಿದೆ. ಆದ್ದರಿಂದ ಮುಖದಲ್ಲಿರುವ ಎಣ್ಣೆಯಂಶವನ್ನು ಹೋಗಲಾಡಿಸಲು ಕ್ಲೆನ್ಸ್ ಮಾಡುವುದು ಒಳ್ಳೆಯದು.

ಸನ್ ಸ್ಕ್ರೀನ್ ಬಳಸಿ

ಬಿಸಿಲಿಗೆ ಹೊರಗಡೆ ಹೋಗುವಾಗ ಸನ್ ಸ್ಕ್ರೀನ್ ಲೋಷನ್ ಬಳಸಬೇಕು. ಇದರಿಂದ ಮುಖ ಬಿಸಿಲಿಗೆ ತ್ವಚೆ ಕಪ್ಪಾಗುವುದಿಲ್ಲ. SPF 20+ ಇರುವ ಸನ್ ಸ್ಕ್ರೀನ್ ಲೋಷನ್ ಬಳಸುವುದು ಒಳ್ಳೆಯದು.

ದೇಹದಲ್ಲಿ ನೀರಿನಂಶವಿರುವಂತೆ ನೋಡಿಕೊಳ್ಳಿ

ದೇಹದಲ್ಲಿ ನೀರಿನಂಶ ಕಡಿಮೆಯಾದರೆ ತ್ವಚೆ ಡ್ರೈಯಾಗುತ್ತದೆ. ಆದ್ದರಿಂದ ದೇಹದಲ್ಲಿ ನೀರಿನಂಶವನ್ನು ಸಮತೋಲನದಲ್ಲಿಡಲು ನೀರಿನಂಶವಿರುವ ಆಹಾರಗಳನ್ನು ಆಹಾರಕ್ರಮದಲ್ಲಿ ಸೇರಿಸಬೇಕು.

ಶೇವಿಂಗ್

ಶೇವಿಂಗ್ ಕ್ರೀಮ್ ಬಳಸಿ ಶೇವ್ ಮಾಡಬೇಕು ಇದರಿಂದ ಮುಖ ನೀಟಾಗಿ ಕಾಣುತ್ತದೆ. ನಂತರ ಮಾಯಿಶ್ಚರೈಸರ್ ಬಳಸಿದರೆ ತ್ವಚೆ ಒರಟಾಗುವುದಿಲ್ಲ.

ಫೇಶ್ ವಾಶ್

ಮುಖಕ್ಕೆ ಸೋಪಿನ ಬದಲು ಫೇಶ್ ವಾಶ್ ಬಳಸುವುದು ಒಳ್ಳೆಯದು. ಸೋಪು ಬಳಸುವುದಾದರೆ ಮೃದುವಾದ ಸೋಪನ್ನು ಬಳಸಿ. ತುಂಬಾ ಸುವಾಸನೆ ಇರುವ ಸೋಪು ಒಳ್ಳೆಯದಲ್ಲ. ತಲೆ ಹೊಟ್ಟು ಬರದಿರಲು ದಿನಾ ತಲೆ ತೊಳೆಯಿರಿ.

ಮಾಯಿಶ್ಚರೈಸರ್

ವಿಟಮಿನ್ ಇ ಇರುವ ಮಾಯಿಶ್ಚರೈಸರ್ ಬಳಸುವುದು ಒಳ್ಳೆಯದು. ಲೋಳೆಸರದ ಅಂಶವಿರುವ ಮಾಯಿಶ್ಚರೈಸರ್ ಕೂಡ ಪುರುಷರ ತ್ವಚೆ ರಕ್ಷಣೆಯಲ್ಲಿ ಸಹಕಾರಿಯಾಗಿದೆ.

ಫೇಶಿಯಲ್

ಫೇಶಿಯಲ್ ಅನ್ನು ಸ್ತ್ರೀಯರು ಮಾತ್ರವಲ್ಲ, ಪುರುಷರೂ ಮಾಡಿಸುವುದು ಒಳ್ಳೆಯದು. ಏಕೆಂದರೆ ಫೇಶಿಯಲ್ ಮಾಡಿದರೆ ಮುಖದಲ್ಲಿ ರಕ್ತ ಸಂಚಾರ ಹೆಚ್ಚಾಗಿ ಮುಖದ ಕಾಂತಿ ಹೆಚ್ಚುವುದು. ಕಪ್ಪು ಕಲೆಗಳು ಮಾಯವಾಗುವುದು.

ಎಕ್ಸ್ ಫೋಲೆಟ್

ವಾರಕ್ಕೊಮ್ಮೆ ಮುಖವನ್ನು ಎಕ್ಸ್ ಫೋಲೆಟ್ (ೆಕ್ಸ್ ಫೋಲೆಟ್ ಅಂದರೆ 1 ಚಮಚ ಆಲೀವ್ ಎಣ್ಣೆಗೆ ಅರ್ಧ ಚಮಚ ಸಕ್ಕರೆ ಹಾಗೂ ಅರ್ಧ ಚಮಚ ಉಪ್ಪು ಹಾಕಿ ಮಿಶ್ರ ಮಾಡಿ ಮುಖವನ್ನು ಸ್ಕ್ರಬ್ ಮಾಡುವುದು) ಮಾಡುವುದು ಒಳ್ಳೆಯದು. ಹೀಗೆ ಮಾಡಿದರೆ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಬಹುದು.