ಅಡುಗೆ ಮನೆಯಲ್ಲಿರುವ 11 ಸೌಂದರ್ಯ ವರ್ಧಕಗಳು

ಅರಿಶಿಣ

ಅರಿಶಿಣ ಹಚ್ಚುವುದರಿಂದ ಮೊಡವೆ ಕಡಿಮೆ ಮಾಡಬಹುದು. ಮುಖದಲ್ಲಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಬಹುದು. ಅರಿಶಿಣ ಹಚ್ಚುವುದರಿಂದ ತ್ವಚೆ ಕಾಂತಿ ಹೆಚ್ಚಾಗುತ್ತಾ ಬರುತ್ತದೆ.

ಟೊಮೆಟೊ

ಪ್ರತಿನಿತ್ಯ ಚಿಕ್ಕ ಟೊಮೆಟೊ ತುಂಡನ್ನು ಮುಖಕ್ಕೆ ಉಜ್ಜಿ. ಈ ರೀತಿ ಮಾಡುವುದರಿಂದ ಮುಖದ ಕಾಂತಿ ಹೆಚ್ಚಾಗುವುದು.

ಹಾಲು

ಪ್ರತಿದಿನ ರಾತ್ರಿ ಮಲಗುವ ಮುನ್ನ ಸ್ವಲ್ಪ ಹಾಲಿಗೆ ಹತ್ತಿಯನ್ನು ಅದ್ದಿ ಅದರಿಂದ ಮುಖ ಕ್ಲೆನ್ಸ್ ಮನಾಡಿ ನಂತರ ತಣ್ಣೀರಿನಿಂದ ತೊಳೆಯಿರಿ. ಈ ರೀತಿ ಮಾಡುವುದರಿಂದ ತ್ವಚೆಯಲ್ಲಿ ಅಲರ್ಜಿ, ದೂಳಿನಿಂದಾಗಿ ಮೊಡವೆ ಬರುವುದು ಈ ರೀತಿಯ ಸಮಸ್ಯೆಗಳನ್ನು ಹೋಗಲಾಡಿಸಬಹುದು.

ಉಪ್ಪು

ಉಪ್ಪಿಗೆ ಸ್ವಲ್ಪ ಎಣ್ಣೆಯನ್ನು ಹಾಕಿ ಅದರಿಂದ ಸ್ಕ್ರಬ್ ಮಾಡಿದರೆ ತ್ವಚೆಯಲ್ಲಿರುವ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಬಹುದು.

ಆಲೀವ್ ಎಣ್ಣೆ

ಒಣ ತ್ವಚೆಯಿರುವವರು ಆಲೀವ್ ಎಣ್ಣೆಯನ್ನು ಪ್ರತಿದಿನ ಮುಖಕ್ಕೆ ಹಚ್ಚಿಕೊಂಡು ಸ್ವಲ್ಪ ಹೊತ್ತಿನ ಬಳಿಕ ಮುಖ ತೊಳೆಯಬೇಕು. ಈ ರೀತಿ ಮಾಡುವುದರಿಂದ ತ್ವಚೆಯ ಮಾಯಿಶ್ಚರೈಸರ್ ಹೆಚ್ಚಿಸಬಹುದು.

ಈರುಳ್ಳಿ

ತ್ವಚೆ ಅಲರ್ಜಿ ಉಂಟಾಗಿದ್ದರೆ ಆ ಭಾಗಕ್ಕೆ ಈರುಳ್ಳಿ ರಸ ಹಾಕಿದರೆ ಸಾಕು, ತ್ವಚೆ ಅಲರ್ಜಿ ಕಡಿಮೆಯಾಗುವುದು.

ಸಕ್ಕರೆ

ತ್ವಚೆಯಲ್ಲಿರುವ ನಿರ್ಜೀವ ತ್ವಚೆಯನ್ನು ಹೋಗಲಾಡಿಸಲು ಸಕ್ಕರೆಗೆ ಸ್ವಲ್ಪ ಎಣ್ಣೆ ಹಾಕಿ ಮುಖವನ್ನು ಸ್ಕ್ರಬ್ ಮಾಡಬಹುದು. ಇದು ಮುಖದಲ್ಲಿರುವ ಕೂದಲನ್ನು ಕಡಿಮೆ ಮಾಡುತ್ತದೆ.

ಕ್ರೀಮ್

ಹಾಲಿನ ಕೆನೆಯನ್ನು ಮುಖಕ್ಕೆ ಹಚ್ಚಿದರೆ ಮುಖ ಮಾಯಿಶ್ಚರೈಸರ್ ಆಗಿರುವಂತೆ ನೋಡಿಕೊಳ್ಳಬಹುದು. ಮೊಸರನ್ನು ಕೂಡ ಮುಖಕ್ಕೆ ಹಚ್ಚಬಹುದು.

ನಿಂಬೆ ಹಣ್ಣು

ನಿಂಬೆ ಹಣ್ಣನ್ನು ಕತ್ತರಿಸಿ ಅದರಿಂದ ಮುಖವನ್ನು ಉಜ್ಜಿದರೆ ಮೊಡವೆ ಸಮಸ್ಯೆ ಇದ್ದವರಿಗೆ ಕಡಿಮೆಯಾಗುವುದು, ಇದರಿಂದ ಉಗುರನ್ನು ತಿಕ್ಕಿದರೆ ಬೆಳ್ಳಗಿನ ಉಗುರನ್ನು ಪಡೆಯಬಹುದು.

ಓಟ್ಸ್

ಓಟ್ಸ್ ಅನ್ನು ಪುಡಿ ಮಾಡಿ ಅದರಿಂದ ಸ್ಕರಬ್ ಮಾಡಬಹುದು. ಅದಕ್ಕೆ ಸ್ವಲ್ಪ ಸೇಬಿನ ತುಂಡುಗಳನ್ನು ಹಾಕಿ ಪೇಸ್ಟ್ ರೀತಿ ಮಾಡಿ ಫೇಶಿಯಲ್ ಕೂಡ ಮಾಡಬಹುದು.

ಸೌತೆಕಾಯಿ

ಸೌತೆಕಾಯಿ ಮುಖದಲ್ಲಿರುವ ಕಲೆಯನ್ನು ಕಡಿಮೆ ಮಾಡುತ್ತದೆ. ಕಣ್ಣಿನ ಸುತ್ತ ಇರುವ ಕಪ್ಪು ವರ್ತುಲವನ್ನು ಹೋಗಲಾಡಿಸುತ್ತದೆ. ಇದರ ಪೇಸ್ಟ್ ಮಾಡಿ ಹಚ್ಚಿದರೆ ಮುಖದ ಕಾಂತಿ ಹೆಚ್ಚುವುದು.