ಅಡುಗೆ ಮನೆಯಲ್ಲಿರುವ 11 ಸೌಂದರ್ಯ ವರ್ಧಕಗಳು

Updated: Wednesday, February 6, 2013, 9:31 [IST]

ಪ್ರತಿಯೊಬ್ಬರಿಗೂ ಒಂದಲ್ಲಾ ಒಂದು ಸೌಂದರ್ಯ ಸಮಸ್ಯೆ ಇರುತ್ತದೆ. ಕೆಲವೊಂದು ಸಮಸ್ಯೆಗಳನ್ನು ಅದಕ್ಕೆ ಸೂಕ್ತ ಚಿಕಿತ್ಸೆ ಮಾಡುವುದರ ಮುಖಾಂತರ ಗುಣ ಪಡಿಸಬಹುದು. ಮೊಡವೆ, ಕಣ್ಣಿನ ಸುತ್ತ ಕಪ್ಪು ಕಲೆ, ಹಳದಿ ಹಲ್ಲುಗಳು, ಒಣ ತುಟಿಗಳು ಈ ರೀತಿಯ ಸಮಸ್ಯೆಗಳಿಗೆ ಬೆಲೆ ಬಾಳುವ ಕ್ರೀಮ್ ಬಳಸುವ ಬದಲು ಮನೆಯಲ್ಲಿಯೇ ಇರುವಂತಹ ಕೆಲವೊಂದು ನೈಸರ್ಗಿಕವಾದ ವಸ್ತುಗಳನ್ನು ಬಳಸಬಹುದು.

ನೈಸರ್ಗಿಕವಾದ ವಸ್ತುಗಳನ್ನು ಬಳಸುವುದರಿಂದ ದೊರೆಯುವ ಮುಖ್ಯ ಪ್ರಯೋಜನವೆಂದರೆ ಇವು ತ್ವಚೆಯ ಮೇಲೆ ಅಡ್ಡ ಪರಿಣಾಮ ಬೀರುವುದಿಲ್ಲ. ರಾಸಾಯನಿಕ ವಸ್ತುಗಳನ್ನು ಬಳಸಿರುವ ಸೌಂದರ್ಯ ವರ್ಧಕಗಳು ತ್ವಚೆಯ ಮೇಲೆ ಅಡ್ಡ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚು.

ಅದರಲ್ಲೂ ನಾವು ಅಡುಗೆಗೆ ಬಳಸುವ ಕೆಲವೊಂದು ವಸ್ತುಗಳಲ್ಲಿ ಸೌಂದರ್ಯ ವರ್ಧಕ ಗುಣಗಳಿವೆ. ಆ ವಸ್ತುಗಳಾವುವು ಎಂದು ನೋಡೋಣ ಬನ್ನಿ:

ಅರಿಶಿಣ

ಅರಿಶಿಣ ಹಚ್ಚುವುದರಿಂದ ಮೊಡವೆ ಕಡಿಮೆ ಮಾಡಬಹುದು. ಮುಖದಲ್ಲಿರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಬಹುದು. ಅರಿಶಿಣ ಹಚ್ಚುವುದರಿಂದ ತ್ವಚೆ ಕಾಂತಿ ಹೆಚ್ಚಾಗುತ್ತಾ ಬರುತ್ತದೆ.

ಟೊಮೆಟೊ

ಪ್ರತಿನಿತ್ಯ ಚಿಕ್ಕ ಟೊಮೆಟೊ ತುಂಡನ್ನು ಮುಖಕ್ಕೆ ಉಜ್ಜಿ. ಈ ರೀತಿ ಮಾಡುವುದರಿಂದ ಮುಖದ ಕಾಂತಿ ಹೆಚ್ಚಾಗುವುದು.

ಹಾಲು

ಪ್ರತಿದಿನ ರಾತ್ರಿ ಮಲಗುವ ಮುನ್ನ ಸ್ವಲ್ಪ ಹಾಲಿಗೆ ಹತ್ತಿಯನ್ನು ಅದ್ದಿ ಅದರಿಂದ ಮುಖ ಕ್ಲೆನ್ಸ್ ಮನಾಡಿ ನಂತರ ತಣ್ಣೀರಿನಿಂದ ತೊಳೆಯಿರಿ. ಈ ರೀತಿ ಮಾಡುವುದರಿಂದ ತ್ವಚೆಯಲ್ಲಿ ಅಲರ್ಜಿ, ದೂಳಿನಿಂದಾಗಿ ಮೊಡವೆ ಬರುವುದು ಈ ರೀತಿಯ ಸಮಸ್ಯೆಗಳನ್ನು ಹೋಗಲಾಡಿಸಬಹುದು.