ಮುಖಕ್ಕೆ ಕ್ರೀಮ್ ಹಚ್ಚಿ ಮಲಗಬಾರದು ಏಕೆ?

Skin Care

oi-Reena

By Hema S

Updated: Thursday, August 16, 2012, 13:09 [IST]

ಬೆಳಗ್ಗೆ ಎದ್ದು ಸ್ನಾನ ಮಾಡಿ ಬಂದು ಮುಖಕ್ಕೆ ಮೇಕಪ್ ಮಾಡಿಕೊಳ್ಳುತ್ತೇವೆ. ಕ್ರೀಮ್ ಹಗಲಿನಲ್ಲಿ ದೂಳಿನಿಂದ ಮತ್ತು ಸೂರ್ಯನ ಕಿರಣಗಳಿಂದ ತ್ವಚೆಯನ್ನು ರಕ್ಷಿಸುತ್ತದೆ, ಆದರೆ ಮಲಗುವಾಗ ಮುಖದಲ್ಲಿ ಕ್ರೀಮ್ ಇದ್ದರೆ ಇದು ತ್ವಚೆ ಆರೋಗ್ಯವನ್ನು ಹಾಳು ಮಾಡುತ್ತದೆ!

ಎಷ್ಟೋ ಜನರು ರಾತ್ರಿ ಮಲಗುವಾಗ ಮೇಕಪ್ ತೆಗೆಯದೆ ಹಾಗೇ ಮಲಗುತ್ತಾರೆ, ಮತ್ತೆ ಕೆಲವರು ಮೇಕಪ್ ಮಾಡಿ ಮಲಗುತ್ತಾರೆ, ಈ ಎರಡು ವಿಧಾನವೂ ತ್ವಚೆ ಆರೋಗ್ಯಕ್ಕೆ ಒಳ್ಳೆಯದಲ್ಲ. ತ್ವಚೆ ಆರೋಗ್ಯವಾಗಿದ್ದರೆ ಮಾತ್ರ ಆಕರ್ಷಕವಾಗಿ ಕಾಣಲು ಸಾಧ್ಯ. ಆದ್ದರಿಂದ ಮಲಗುವ ಮೊದಲು ಈ ಕೆಳಗಿನಂತೆ ತ್ವಚೆ ಆರೈಕೆ ಮಾಡಿದರೆ ಒಳ್ಳೆಯದು.

ಮುಖ ತೊಳೆಯುವುದು: ಹೊರಗಡೆ ಸುತ್ತಿ ಬಂದ ತಕ್ಷಣ ಮುಖ ತೊಳೆಯಬೇಕು. ನಂತರ ಎಣ್ಣೆಯಿಂದ ಮಸಾಜ್ ಮಾಡಬೇಕು. ಇದರಿಂದ ತ್ವಚೆಯಲ್ಲಿ ನೀರಿನಂಶ ಕಾಪಾಡಲು ಸಹಕಾರಿಯಾಗಿದೆ.

ಕ್ಲೆನ್ಸರ್: ಆಕರ್ಷಕ ತ್ವಚೆ ಬೇಕೆಂದು ಬಯಸುವುದಾದರೆ ಪ್ರತಿನಿತ್ಯ ಸಾಯಂಕಾಲ ಅಥವಾ ರಾತ್ರಿ ಕ್ಲೆನ್ಸಿಂಗ್ ಮಾಡಿದರೆ ಒಳ್ಳೆಯದು. ಕ್ರೀಮ್ ಹಚ್ಚಿ ಹಾಗೇ ಮಲಗಿದರೆ ಅದರಲ್ಲಿ ಕೆಮಿಕಲ್ ಇರುವುದರಿಂದ ತ್ವಚೆಗೆ ಅಷ್ಟು ಒಳ್ಳೆಯದಲ್ಲ. ಆದ್ದರಿಂದ ಕ್ಲೆನ್ಸಿಂಗ್ ಮಾಡಿದರೆ ತ್ವಚೆ ರಂಧ್ರಗಳು ಉಸಿರಾಡಲು ಸಹಕಾರಿಯಾಗಿದೆ.

ನೀರು ಕುಡಿಯಬೇಕು: ತ್ವಚೆ ಆರೋಗ್ಯಕ್ಕೆ ಮಾತ್ರವಲ್ಲ, ದೇಹದ ಆರೋಗ್ಯಕ್ಕೆ 10 ಗ್ಲಾಸ್ ನಿರು ಕುಡಿಯಬೇಕು. ಮಲಗುವ ಮುಂಚೆ ಒಂದು ಲೋಟ ನೀರು ಕುಡಿದು ಮಲಗುವುದು ಒಳ್ಳೆಯದು.

ಬೆಡ್ ಪರೀಕ್ಷಿಸಿ: ಮಲಗುವ ಬೆಡ್ ತುಂಬಾ ಶುದ್ಧವಾಗಿರಬೇಕು. ಕೊಳೆ, ಎಣ್ಣೆ ಜಿಡ್ಡು ಇವುಗಳಿದ್ದರೆ ತ್ವಚೆಯಲ್ಲಿ ತುರಿಕೆ ಉಂಟಾಗಬಹುದು. ಅದಲ್ಲದೆ ತಲೆದಿಂಬು ಮತ್ತು ಬೆಡ್ ತುಂಬಾ ಮೃದುವಾಗಿದ್ದರೆ ತ್ವಚೆಗೆ ಒಳ್ಳೆಯದು.

ಈ ಮೇಲಿನ ಅಂಶಗಳನ್ನು ಪಾಲಿಸಿದರೆ ತ್ವಚೆಯ ಹೊಳಪು ಹೆಚ್ಚುವುದು.