ಮುಖದ ಅಂದ ಹೆಚ್ಚಿಸುವ ವಿಶೇಷ ಎಣ್ಣೆ

Skin Care

oi-Reena

By Hema S

Updated: Friday, August 31, 2012, 10:38 [IST]

ಪ್ರತಿದಿನ ಎಣ್ಣೆಯಿಂದ ಮಸಾಜ್ ಮಾಡುವವರಿಗೆ ಅಕಾಲಿಕ ಮುಪ್ಪಿನ ಸಮಸ್ಯೆ ಕಂಡು ಬರುವುದಿಲ್ಲ. ಅಲ್ಲದೆ ಪ್ರತಿದಿನ ಮಾಯಿಶ್ಚರೈಸರ್ ಮಾಡುತ್ತಿದ್ದಾರೆ ತ್ವಚೆಯ ಹೊಳಪು ಹೆಚ್ಚುವುದು.

ಈ ರೀತಿ ಮಾಯಿಶ್ಚರೈಸರ್ ಮಾಡಲು ಸುಗಂಧಭರಿತ ಎಣ್ಣೆಯನ್ನು(aromatic oil) ಬಳಸಿ ಮಾಡಬಹುದು. ಈ ಸುಗಂಧ ಎಣ್ಣೆಯನ್ನು ನೀವೇ ತಯಾರಿಸಬಹುದಾಗಿದ್ದು, ಮುಖದ ಸೌಂದರ್ಯ ಕಾಪಾಡಲು ಬಯಸುವವರು ಈ ಕೆಳಗಿನ ವಿಧಾನಗಳನ್ನು ಅನುಸರಿಸಬಹುದು:

ಬೇಕಾಗುವ ಸಾಮಾಗ್ರಿಗಳು:
* 3 ಚಮಚ ಜೊಜೊಬಾ ಎಣ್ಣೆ
* 3 ಚಮಚ ರೋಸ್ ವಾಟರ್
* 3 ಹನಿ ಲ್ಯಾವೆಂಡರ್ ಎಣ್ಣೆ
* 2 ಹನಿ ಗೆರಾನಿಯಂ ಎಣ್ಣೆ (geranium essential oil)
* 2 ಹನಿ ಪಾಲ್ಮರೊಸಾ ಎಣ್ಣೆ (palmarosa essential oil)

ಈ ಮೇಲಿನ ಸಾಮಾಗ್ರಿಗಳನ್ನು ಒಂದು ಪಾತ್ರೆಯಲ್ಲಿ ಹಾಕಿ ಸ್ಪೂನ್ ನಿಂದ ಚೆನ್ನಾಗಿ ಕದಡಬೇಕು. ನಂತರ ಶುದ್ಧವಾದ ಬಾಟಲಿನಲ್ಲಿ ಹಾಕಿಟ್ಟುಕೊಳ್ಳಬೇಕು. ಪ್ರತಿದಿನ ಮುಖವನ್ನು ಕ್ಲೆನ್ಸ್ ಮಾಡಿ ಮುಖ ತೊಳೆದು ನಂತರ ತಯಾರಿಸಿಟ್ಟ ಆರೋಮ ಎಣ್ಣೆಯಿಂದ ಮಾಯಿಶ್ಚರೈಸರ್ ಮಾಡಬೇಕು. ಈ ರೀತಿ ಮಾಡಿದರೆ ಮುಖ ಬೇಗನೆ ಸುಕ್ಕಾಗುವುದಿಲ್ಲ. ಮುಖ ತುಂಬಾ ಒಣಗಿದಂತೆ ಕಾಣುವುದಿಲ್ಲ.

ಈ ಆರೋಮ ಎಣ್ಣೆಯನ್ನು ತಯಾರಿಸುವಾಗ ಸ್ವಲ್ಪ ಅಧಿಕ ಪ್ರಮಾಣದಲ್ಲಿ ತಯಾರಿಸಿದರೆ ವಾರಕ್ಕೊಮ್ಮೆ ಈ ಎಣ್ಣೆಯಿಂದ ಮಸಾಜ್ ಮಾಡಿದರೆ ದೇಹದ ಕಾಂತಿ ಹೆಚ್ಚುವುದು.

ಈ ಎಣ್ಣೆಯನ್ನು ಪ್ರತಿದಿನ ಹಚ್ಚುತ್ತಾ ಬಂದರೆ ಮುಖದ ಕಾಂತಿ ಹೆಚ್ಚುವುದು ಮತ್ತು ಆರೋಮ ಎಣ್ಣೆಯ ವಾಸನೆ ಮನಸ್ಸಿಗೆ ಮುದವನ್ನು ನೀಡುತ್ತದೆ.