ಅಂದವಾಗಿ ಕಾಣಿಸುವಂತೆ ಮಾಡುತ್ತೆ ಈ 6 ಅಂಶಗಳು

Skin Care

oi-Reena

By Hema S

Published: Friday, February 24, 2012, 10:19 [IST]

ಸ್ವಾಭಾವಿಕ ಚೆಲುವಿನ ಮುಂದೆ ಮೇಕಪ್ ಅಂದ ಕೃತಕ ಅನಿಸುವುದು. ಆದ್ದರಿಂದ ಎಲ್ಲರು ನೈಸರ್ಗಿಕ ಚೆಲುವನ್ನು ಬಯಸುತ್ತಾರೆ. ಆದರೆ ಈ ರೀತಿಯ ಚೆಲುವನ್ನು ಪಡೆಯಲು ಕೆಲವೊಂದು ಸರಳ ನಿಯಮಗಳನ್ನು ಪಾಲಿಸುವುದು ಅವಶ್ಯಕ.

ಸೌಂದರ್ಯ ಹೆಚ್ಚಿಸಲು ಪಾಲಿಸಬೇಕಾದ ನಿಯಮಗಳು:

1. ಸುಖವಾದ ನಿದ್ದೆ: 8 ಗಂಟೆಯ ನಿದ್ದೆ ಆರೋಗ್ಯ ಮಾತ್ರವಲ್ಲ ಮುಖದ ಕಳೆಯನ್ನು ಹೆಚ್ಚಿಸುತ್ತದೆ. ನಿದ್ದೆ ಸರಿಯಾಗಿ ಇಲ್ಲದಿದ್ದರೆ ಮುಖ ಮಂಕಾಗಿ ಕಾಣುವುದು. ನಿದ್ದೆ ಸಮಸ್ಯೆಯಿಂದ ಬಳಲುವವರಿಗೆ ಅಕಾಲಿಕ ನೆರಿಗೆ ಬರುವುದು. ಆದ್ದರಿಂದ ಸುಖ ನಿದ್ದೆಯನ್ನು ಯಾವುದೇ ಕಾರಣಕ್ಕೆ ಮಿಸ್ ಮಾಡಬಾರದು.

2. ಮುಖದ ಶುಚಿತ್ವ: ಮುಖವನ್ನು 3-4 ಗಂಟೆಗೊಮ್ಮೆ ತೊಳೆಯುವುದರಿಂದ ಮುಖ ಮತ್ತಷ್ಟು ಶುಭ್ರವಾಗಿ ಕಾಣುವುದು.

3. ಕೂದಲಿನ ವಿನ್ಯಾಸ: ಮುಖದ ಅಂದ ಹೆಚ್ಚಿಸುವಲ್ಲಿ ಕೂದಲಿನ ವಿನ್ಯಾಸ ಕೂಡ ಪ್ರಮುಖ ಪಾತ್ರವಹಿಸುತ್ತದೆ. ಮುಖಕ್ಕೆ ಸರಿಹೊಂದುವ ಹಾಗೆ ಕೂದಲನ್ನು ಬಾಚಬೇಕು.

4. ದೇಹದ ಆರೈಕೆ: ಮೇಕಪ್ ಮಾಡದೆ ಆಕರ್ಷಕವಾಗಿ ಕಾಣಬೇಕೆಂದು ಬಯಸುವವರು ಉಬ್ಬು, ಉಗುರುಗಳನ್ನು ಅಂದದ ಶೇಪ್ ನಲ್ಲಿ ಇಟ್ಟುಕೊಳ್ಳಬೇಕು. ಕೈ ಮತ್ತು ಕಾಲುಗಳಿಗೆ ವ್ಯಾಕ್ಸ್ ಮತ್ತು ಮ್ಯಾನುಕ್ಯೂರ್ ಮಾಡಿಸಿದರೆ ಕೈಕಾಲುಗಳು ಆಕರ್ಷಕ ಮತ್ತು ನೈಸರ್ಗಿಕವಾಗಿ ಕಾಣುವುದು.

5. ಮಾಯಿಶ್ಚರೈಸರ್: ಮುಖ ಒಣಗಿದಂತೆ ಕಂಡರೆ ಆಕರ್ಷಕವಾಗಿವಾಗಿ ಕಾಣುವುದಿಲ್ಲ. ಆದ್ದರಿಂದ ಮುಖವನ್ನು ಅಕರ್ಷಕವಾಗಿ ಇಟ್ಟುಕೊಳ್ಳಬೇಕು.

6. ಸರಿಯಾದ ಆಹಾರಕ್ರಮ: ಸೇಬು, ದ್ರಾಕ್ಷಿ, ಕಿತ್ತಳೆ, ಸ್ಟ್ರಾಬರಿ ಮುಂತಾದ ಹಣ್ಣುಗಳು ಮುಖದ ಕಾಂತಿಯನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಹೆಚ್ಚಾಗಿ ಸೊಪ್ಪು ತರಕಾರಿಗಳನ್ನು ಸೇವಿಸಬೇಕು. ದಿನಕ್ಕೆ 7-8 ಗ್ಲಾಸ್ ನೀರು ಕುಡಿಯಬೇಕು.