ಪ್ರಯಾಣ ಮಾಡುವಾಗ ಪಾಲಿಸಬೇಕಾದ ಮೇಕಪ್ ಟಿಪ್ಸ್

ಮುಖ ತೊಳೆಯಿರಿ

ದೂರ ಪ್ರಯಾಣ ಮಾಡುವವರು ಸಾಧ್ಯವಾದರೆ 2-3 ಸಲ ಮುಖ ತೊಳೆಯಬೇಕು. ಇದರಿಂದ ಮುಖದಲ್ಲಿ ದೂಳು ನಿಲ್ಲದಂತೆ ನೋಡಿಕೊಳ್ಳಬಹುದು. ದೂಳು ತ್ವಚೆ ಸಮಸ್ಯೆಗೆ ಪ್ರಮುಖಕಾರಣವಾಗಿದೆ.

ಮಾಯಿಶ್ಚರೈಸರ್

ಪ್ರಯಾಣ ಮಾಡುವಾಗ ತ್ವಚೆಯನ್ನು ಮಾಯಿಶ್ಚರೈಸರ್ ಆಗಿ ಇಟ್ಟುಕೊಳ್ಳಿ. ತುಂಬಾ ದೂರ ಪ್ರಯಾಣ ಮಾಡಿದಾಗ ಮುಖ ಡ್ರೈಯಾಗುವುದು, ನಂತರ ಮುಖದಲ್ಲಿ ಹೊಳಪು ಬರಲು ಸ್ವಲ್ಪ ದಿನ ತೆಗೆದುಕೊಳ್ಳುತ್ತದೆ. ಅದೇ ಮುಖದಲ್ಲಿ ತೇವಾಂಶ ಕಾಪಾಡಿದರೆ ಮುಖದ ಹೊಳಪು ಕಡಿಮೆಯಾಗುವುದಿಲ್ಲ.

ಪೌಂಡೇಷನ್ ಹಚ್ಚಬೇಡಿ

ಪೌಂಡೇಷನ್ ಹಚ್ಚಿದರೆ ತ್ವಚೆ ಒಣಗುವುದು. ಯಾವುದಾದರೂ ಫಂಕ್ಷನ್ ಗೆ ಹೋಗುವುದಾದರೆ ಪೌಂಡೇಷನ್ ಹಚ್ಚುತ್ತೇವೆ, ಆಗ ಮೊದಲು ಟ್ರಿಮ್ಮರ್ ಹಚ್ಚಿ ನಂತರ ಪೌಂಡೇಷನ್ ಹಚ್ಚಿ.

ಲಿಪ್ ಸ್ಟಿಕ್ ಹಚ್ಚಬೇಡಿ

ಪ್ರಯಾಣ ಮಾಡುವಾಗ ಲಿಪ್ ಸ್ಟಿಕ್ ಹಚ್ಚಬೇಡಿ, ತುಟಿ ಆಕರ್ಷಕವಾಗಿ ಕಾಣಲು ಲಿಪ್ ಗ್ಲೋಸ್ ಹಚ್ಚಿ. ಲಿಪ್ ಸ್ಟಿಕ್ ಅನ್ನು ಪ್ರಯಾಣ ಮಾಡುವಾಗ ಹಚ್ಚಿದರೆ ತುಟಿಯ ತ್ವಚೆಗೆ ಹಾನಿಯುಂಟಾಗುತ್ತದೆ.

ನಿದ್ದೆ ಮಾಡಿ

ದೂರದ ಪ್ರಯಾಣ ಮಾಡುವಾಗ ಬುಕ್ ಓದುವುದು, ಲ್ಯಾಪ್ ಟಾಪ್ ನೋಡುವುದು ಮಾಡಬೇಡಿ. ಸುಖವಾಗಿ ನಿದ್ದೆ ಮಾಡಿ. ಇದರಿಂದ ತುಂಬಾ ಆಯಾಸ ಉಂಟಾಗುವುದಿಲ್ಲ.

ಕಣ್ಣಿಗೆ ತುಂಬಾ ಮೇಕಪ್

ಕಣ್ಣಿಗೆ ತುಂಬಾ ಮೇಕಪ್ ಮಾಡಬೇಡಿ. ವಾಟರ್ ಪ್ರೂಫ್ ಐ ಲೈನರ್ ಹಚ್ಚಿ. ಪ್ರಯಾಣ ಮಾಡುವಾಗ ತುಂಬಾ ಮೇಕಪ್ ಮಾಡಿದರೆ ಮುಖಕ್ಕೆ ಹರಡಬಹುದು. ವೆಟ್ ಟಿಶ್ಯೂ ಇಟ್ಟುಕೊಂಡು ಕಣ್ಣಿನ ಸುತ್ತ ಉಜ್ಜಿ.

ಮುಖವನ್ನು ಮುಟ್ಟಬೇಡಿ

ಪ್ರಯಾಣ ಮಾಡುವಾಗ ಮುಖವನ್ನು ಮುಟ್ಟುವುದಾದರೆ ಕೈಗಳನ್ನು ತೊಳೆದು ಮುಟ್ಟಿ. ಕೈನಲ್ಲಿರುವ ದೂಳು ಮುಖಕ್ಕೆ ತಾಗುತ್ತದೆ.