ಲಿಪ್ ಸ್ಟಿಕ್ ಯಾವ ರೀತಿ ಹಚ್ಚಿದರೆ ಚೆನ್ನ!

Make Up

oi-Reena

By Reena

Updated: Monday, September 10, 2012, 11:15 [IST]

ಲಿಪ್ ಸ್ಟಿಕ್ ಹಚ್ಚಿದರೆ ತುಟಿಯು ಆಕರ್ಷಕವಾಗಿ ಕಾಣುವುದು ಮತ್ತು ಮುಖದ ಅಂದವನ್ನು ಕೂಡ ಹೆಚ್ಚಿಸುತ್ತದೆ. ಲಿಪ್ ಸ್ಟಿಕ್ ನಿಂದ ಮೇಕಪ್ ಮಾಡುವಾಗ ಯಾವ ಬಣ್ಣದ ಲಿಪ್ ಸ್ಟಿಕ್ ನಮ್ಮ ಲುಕ್ ಹೆಚ್ಚಿಸುತ್ತದೆ, ಅದನ್ನು ಹಚ್ಚುವುದು ಹೇಗೆ ಪರಿಜ್ಞಾನವಿಲ್ಲದಿದ್ದರೆ ವಿಚಿತ್ರವಾಗಿ ಕಾಣುವಂತೆ ಮಾಡುತ್ತದೆ. ಆದ್ದರಿಂದ ಲಿಪ್ ಸ್ಟಿಕ್ ಹಚ್ಚಿದಾಗ ತುಟಿ ಆಕರ್ಷಕವಾಗಿ ಕಾಣಲು ಈ ಕೆಳಗಿನ ಸಲಹೆಗಳನ್ನುಪಾಲಿಸಬಹುದು:

1. ವಾರದಲ್ಲಿ ಎರಡು ಬಾರಿ ಒಂದು ಚಮಚ ಎಣ್ಣೆಗೆ ಸ್ವಲ್ಪ ಸಕ್ಕರೆ ಮತ್ತು ಉಪ್ಪು ಹಾಕಿ ಸ್ಕ್ರಬ್ ಮಾಡಬೇಕು. ನಂತರ ವ್ಯಾಸೆಲೈನ್ (Vaseline) ಹಚ್ಚಿ ನಂತ ಸ್ವಲ್ಪ ಹೊತ್ತು ಬಿಟ್ಟು ತೊಳೆಯಬೇಕು.

2. ಲಿಪ್ ಸ್ಟಿಕ್ ಹಚ್ಚುವ ಮುನ್ನ ತುಟಿಗೆ ಲಿಪ್ ಲೈನರ್ ನಿಂದ ಗೆರೆ ಎಳೆಯಬೇಕು. ಗೆರೆ ತುಟಿಯಿಂದ ಹೊರಗೆ ಬರದಂತೆ ಎಳೆಯಬೇಕು.

3. ಈಗ ಲಿಪ್ ಸ್ಟಿಕ್ ತೆಗೆದುಕೊಂಡು ತುಟಿಯ ಲಿಪ್ ಲೈನರ್ ನಿಂದ ಎಳೆದ ಗೆರೆಯನ್ನು ದಾಟದಂತೆ ಲಿಪ್ ಸ್ಟಿಕ್ ಹಚ್ಚಿ, ನಂತರ ಚಿಕ್ಕ ಬ್ರಷ್ ಅನ್ನು ತುಟಿ ಮೇಲೆ ಸವರಿ ಅಥವಾ ತುಟಿಯಿಂದಲೆ ಲಿಪ್ ಸ್ಟಿಕ್ ಸರಿಯಾದ ರೀತಿಯಲ್ಲಿ ಹರಡುವಂತೆ ಮಾಡಿಕೊಳ್ಳಿ. ನಂತರ ಟಿಶ್ಯೂ ಪೇಪರ್ ನಿಂದ ತುಟಿಯ ಹೊರಭಾಗವನನ್ನು ಉಜ್ಜಬೇಕು.

4. ನಂತರ ಲಿಪ್ ಸ್ಟಿಕ್ ಮೇಲೆ ಲಿಪ್ ಗ್ಲೋಸ್ ಸವರಬೇಕು. ಈ ರೀತಿ ಮಾಡಿದರೆ ತುಟಿ ಆಕರ್ಷಕವಾಗಿ ಕಾಣುತ್ತದೆ.

ಲಿಪ್ ಸ್ಟಿಕ್ ಹಚ್ಚುವಾಗ ಈ ಕೆಳಗಿನ ಅಂಶ ಗಮನದಲ್ಲಿದ್ದರೆ ಒಳ್ಳೆಯದು.

1. ತುಟಿಗೆ ಹೊಂದುವ ಬಣ್ಣ: ನಿಮ್ಮ ಮುಖಕ್ಕೆ ಯಾವ ಬಣ್ಣದ ಲಿಪ್ ಸ್ಟಿಕ್ ಅಥವಾ ಲಿಪ್ ಶೇಡ್ ಹೊಂದುತ್ತದೆ ಎಂದು ತಿಳಿದುಕೊಳ್ಳಿ. ಉದಾಹರಣೆಗೆ ಬಿಳಿ ಬಣ್ಣದವರಿಗೆ ತೆಳು ಪಿಂಕ್ ಬಣ್ಣದ ಲಿಪ್ ಸ್ಟಿಕ್ ಆಕರ್ಷಕವಾಗಿ ಕಾಣುತ್ತದೆ. ತುಂಬಾ ಬೆಳ್ಳಗ್ಗೆ ಇರುವವರಿಗೆ ಕೆಂಪು ಬಣ್ಣದ ಲಿಪ್ ಸ್ಟಿಕ್ ಆಕರ್ಷಕವಾಗಿ ಕಾಣುತ್ತದೆ. ಎಣ್ಣೆಗೆಂಪು ಬಣ್ಣದವರಿಗೆ ತೆಳು ಕಂದು ಬಣ್ಣದ ಲಿಪ್ ಸ್ಟಿಕ್ ಅಥವಾ ಲಿಪ್ ಶೇಡ್ ಹಚ್ಚಿದರೆ ಚೆಂದ ಕಾಣುವುದು.

2. ಲಿಪ್ ಲೈನರ್ ಹೇಗಿರಬೇಕು: ಲಿಪ್ ಸ್ಟಿಕ್ ಬಣ್ಣಕ್ಕಿಂತ ಲಿಪ್ ಲೈನರ್ ಬಣ್ಣ ಗಾಢವಾಗಿ ಇರಬೇಕು. ಅಂದರೆ ಮಾತ್ರ ಆಕರ್ಷಕವಾಗಿ ಕಾಣಲು ಸಾಧ್ಯ. ತುಂಬಾ ಚಿಕ್ಕ ತುಟಿ ಇರುವವರಿಗೆ ಲಿಪ್ ಲೈನರ್ ಹಚ್ಚಿದರೆ ತುಟಿಯ ಆಕಾರ ಸರಿಯಾದ ರೀತಿಯಲ್ಲಿರುವಂತೆ ಗೋಚರಿಸುವುದು. ದಪ್ಪ ತುಟಿ ಇರುವವರು ಲಿಪ್ ಲೈನರ್ ನಿಂದ ತುಂಬಾ ತೆಳುಚಾದ ಗೆರೆ ಎಳೆದು ನಂತರ ಲಿಪ್ ಸ್ಟಿಕ್ ಹಚ್ಚಬೇಕು.