ಸೌಂದರ್ಯ ಹಾಳು ಮಾಡುವ 5 ಮೇಕಪ್ ಮಿಸ್ಟೇಕ್ !

ಅಧಿಕ ಪೌಂಡೇಶನ್ ಕ್ರೀಮ್ ಹಚ್ಚುವುದು:

ಪೌಂಡೇಶನ್ ಕ್ರೀಮ್ ಹಚ್ಚಿದರೆ ಮುಖ ಆಕರ್ಷಕವಾಗಿ ಕಾಣುವುದು. ಆದ್ದರಿದ ಪೌಂಡೇಶನ್ ಅನ್ನು ತುಂಬಾ ತೆಳುವಾಗಿ ಹಚ್ಚಬೇಕು. ಮುಖದ ರಂಧ್ರಗಳು ಮುಚ್ಚುವಂತೆ ಪೌಂಡೇಶನ್ ಹಚ್ಚಿದರೆ ತ್ವಚೆಗೆ ಉಸಿರಾಡಲು ಸಾಧ್ಯವಿಲ್ಲ. ಆದ್ದರಿಂದ ಪೌಂಡೇಶನ್ ಹಚ್ಚುವಾಗ ಎಚ್ಚರವಹಿಸಿ. ಪ್ರತಿನಿತ್ಯ ಪೌಂಡೇಶನ್ ಹಚ್ಚುವ ಬದಲು ಅಪರೂಪಕ್ಕೆ ಹಚ್ಚುವುದು ಒಳ್ಳೆಯದು.

2. ತ್ವಚೆಯನ್ನು ಒಣಗಲು ಬಿಡುವುದು

ತ್ವಚೆ ಒಣಗುವುದರಿಂದ ತ್ವಚೆಯಲ್ಲಿ ಬೇಗನೆ ನೆರಿಗೆ ಮೂಡುತ್ತದೆ. ತ್ವಚೆ ಒಣಗುತ್ತಿದ್ದರೆ ಮಾಯಿಶ್ಚರೈಸರ್ ಹಚ್ಚಬೇಕು. ರಾತ್ರಿ ಮಲಗುವಾಗ ಮಾಯಿಶ್ಚರೈಸರ್ ಕ್ರೀಮ್ ಹಚ್ಚಿ ಮಲಗುವುದು ಒಳ್ಳೆಯದು. ಈ ರೀತಿ ಮಾಡಿದರೆ ತ್ವಚೆ ತನ್ನ ಯೌವನದ ಆಕರ್ಷಣೆಯನ್ನು ಮಧ್ಯ ವಯಸ್ಸು ದಾಟಿದರೂ ಉಳಿಸಿಕೊಳ್ಳುತ್ತದೆ.

3. ಪೌಡರ್ ಹಚ್ಚುವುದು

ಕ್ರೀಮ್ ಹಚ್ಚಿದ ನಂತರ ಪೌಡರ್ ಅಥವಾ ಪೌಂಡೇಶನ್ ಪೌಡರ್ ಹಚ್ಚುವ ಅಭ್ಯಾಸ ಹೆಚ್ಚಿನವರಲ್ಲಿ ಇರುತ್ತದೆ. ಆದರೆಪೌಡರ್ ಹೆಚ್ಚಾಗಿ ಹಚ್ಚುವುದು ಒಳ್ಳೆಯದಲ್ಲ. ಅಧಿಕ ಪೌಡರ್ ಹಚ್ಚಿ ನಂತರ ಅದನ್ನು ಬಟ್ಟೆಯಿಂದ ಉಜ್ಜುವುದು ಈ ರೀತಿ ಮಾಡಿದರೆ ತ್ವಚೆಗೆ ಹಾನಿಯುಂಟಾಗುತ್ತದೆ. ಪೌಡರ್ ಅನ್ನು ಕೈಯಿಂದ ಹಚ್ಚುವ ಬದಲು ಸ್ಪಾಂಜ್ ಬಳಸಿ ಹಚ್ಚಿ.

4. ಹೊಳೆಯುವ ಕಣ್ಣಿನ ಮೇಕಪ್

ಕಣ್ಣಿಗೆ ಮೇಕಪ್ ಮಾಡಿದರೆ ಆಕರ್ಷಕವಾಗಿ ಕಾಣುವಿರಿ. ಆದರೆ ಕಣ್ಣಿಗೆ ಶೈನರ್, ಐ ಶ್ಯಾಡೊ ಇವುಗಳನ್ನು ಹಚ್ಚುವುದಾದರೆ ಗುಣಮಟ್ಟದ ಕಣ್ಣಿನ ಮೇಕಪ್ ಗಳನ್ನು ಬಳಸಬೇಕು. ಕಿಣ್ಣಿಗೆ ಐಶ್ಯಾಡೊಗಳನ್ನು ಪ್ರತಿನಿತ್ಯ ಮಾಡಬೇಡಿ. ದಿನಾ ಹಚ್ಚಿದರೆ ಕಣ್ಣಿನ ಪಕ್ಕದಲ್ಲಿ ನೆರಿಗೆ ಬೀಳುವುದು.

5. ಗಾಢವಾದ ಲಿಪ್ ಶೇಡ್

ತುಂಬಾ ಗಾಢವಾಗಿ ಲಿಪ್ ಸ್ಟಿಕ್ ಹಚ್ಚುವುದರಿಂದ ತುಟಿ ತನ್ನ ನೈಸರ್ಗಿಕ ಸೌಂದರ್ಯವನ್ನು ಕಳೆದುಕೊಳ್ಳುತ್ತದೆ. ತುಟಿಗೆ ಡ್ರೈ ರೀತಿಯ ಲಿಪ್ ಸ್ಟಿಕ್ ಹಚ್ಚಬಾರದು. ಲಿಪ್ ಸ್ಟಿಕ್ ಹಚ್ಚಿದರೆ ಮನೆಗೆ ಬಂದ ಮೇಲೆ ಅದನ್ನು ತೆಗೆದು ತುಟಿಗೆ ಜೇನಿನಿಂದ ಮಾಯಿಶ್ಚರೈಸರ್ ಮಾಡಿ. ತುಟಿಯಲ್ಲಿ ಮಾಯಿಶ್ಚರೈಸರ್ ಇರುವಂತೆ ನೋಡಿಕೊಂಡರೆ ತುಟಿ ತನ್ನ ಆಕರ್ಷಣೆಯನ್ನು ಕಳೆದುಕೊಳ್ಳುವುದಿಲ್ಲ.