ಕೂದಲು ದುರ್ವಾಸನೆ ಬೀರುವುದೇ? ಇದನ್ನು ಟ್ರೈ ಮಾಡಿ

ಆ್ಯಂಟಿಮೈಕ್ರೋಬಯಲ್ ಶ್ಯಾಂಪೂ ಬಳಸಿ

ಫಂಗಸ್ ಅಥವಾ ಬ್ಯಾಕ್ಟಿರಿಯಾ ಕಾರಣದಿಂದ ತಲೆಯಿಂದ ದುರ್ವಾಸನೆ ಬೀರುವುದನ್ನು ತಡೆಗಟ್ಟಲು ತಲೆಗೆ

Antimicrobial ಶ್ಯಾಂಪೂ ಸಿಗುತ್ತೆ, ಅದನ್ನು ಹಚ್ಚಿ ತಲೆ ಸ್ನಾನ ಮಾಡಿ.

ಸೀಗೆಕಾಯಿ ಪೌಡರ್ ಬಳಸಿ

ತಲೆತೊಳೆಯಲು ಸೀಗೆಕಾಯಿ ಪೌಡರ್ ಬಳಸುವುದರಿಂದ ಕೂದಲಿನಲ್ಲಿರುವ ಅತ್ಯಧಿಕ ಎಣ್ಣೆಯಂಶ ತೆಗೆಯಲು ಸಹಕಾರಿ. ಇದು ಕೂದಲು ಎಣ್ಣೆ-ಎಣ್ಣೆಯಾಗುವುದನ್ನು ತಪ್ಪಿಸಿ, ಕೂದಲು ಶುಭ್ರವಾಗಿ ಇರುವಂತೆ ಮಾಡುವುದರ ಜೊತೆಗೆ ಕೂದಲಿನಿಂದ ಕೆಟ್ಟ ವಾಸನೆ ಕೂಡ ಬೀರುವುದಿಲ್ಲ.

ಕೂದಲನ್ನು ಪ್ರತಿದಿನ ತೊಳೆಯಿರಿ

ಕೂದಲನ್ನು ಪ್ರತಿದಿನ ತೊಳೆಯುವುದಕ್ಕಿಂತ ವಾರದಲ್ಲಿ ಎರಡು ಬಾರಿ ತೊಳೆಯುವುದು ಒಳ್ಳೆಯದೆಂದು ಹೇಳುತ್ತೇವೆ. ಆದರೆ ತಲೆ ತುಂಬಾ ಬೆವರುತ್ತಿದ್ದರೆ ಕೂದಲನ್ನು ಪ್ರತಿದಿನ ತೊಳೆಯುವುದೇ ಒಳ್ಳೆಯದು. ಇದರಿಂದ ಬ್ಯಾಕ್ಟಿರಿಯಾ ಅಥವಾ ಶಿಲೀಂಧ್ರ ಸೋಂಕು ಉಂಟಾಗುವುದನ್ನು ತಡೆಯಬಹುದು. ಪ್ರತಿದಿನ ತಲೆ ಸ್ನಾನ ಮಾಡಿದರೆ ತಲೆಯಲ್ಲಿ ಬೆವರು ಉಳಿಯುವುದಿಲ್ಲ, ಇದರಿಂದ ತಲೆ ತುರಿಕೆ ಮುಂತಾದ ಸಮಸ್ಯೆ ಉಂಟಾಗುವುದಿಲ್ಲ.

ಕೂದಲನ್ನು ಚೆನ್ನಾಗಿ ಒಣಗಿಸಿ

ಸ್ನಾನವಾದ ಬಳಿಕ ಒದ್ದೆ ಕೂದಲನ್ನು ಕಟ್ಟುವ ಅಭ್ಯಾಸ ಅನೇಕರಲ್ಲಿ ಇರುತ್ತದೆ. ಇದರಿಂದ ಕೂಡ ಕೂದಲು ದುರ್ನಾತ ಬೀರುವುದು. ತಲೆಸ್ನಾನದ ಬಳಿಕ ಕೂದಲನ್ನು ಹರಡಿ, ಚೆನ್ನಾಗಿ ಒಣಗಿಸಿ. ಕೂದಲಿಗೆ ಸಾಂಬ್ರಾಣಿ ಹೊಗೆ ಹಾಕಿ ಒಣಗಿಸಿದರೆ ಕೂದಲು ಸುವಾಸನೆ ಬೀರುವುದು. ಕೂದಲನ್ನು ರೂಂನ ಉಷ್ಣತೆಯಲ್ಲಿ ಒಣಗಿಸಿ, ಫ್ಯಾನ್ ಕೆಳಗೆ ನಿಲ್ಲುವುದು, ಹೇರ್‌ ಡ್ರೈಯರ್ ಬಳಸಿ ಒಣಗಿಸುವುದು ಕೂದಲಿಗೆ ಅಷ್ಟು ಒಳ್ಳೆಯದಲ್ಲ.

ಆ್ಯಪಲ್ ಸಿಡರ್ ವಿನೆಗರ್ ಬಳಸಿ

ಇನ್ನು ಕೂದಲಿನಿಂದ ಬರುವ ಕೆಟ್ಟ ವಾಸನೆ ತಡೆಗಟ್ಟಲು ಆ್ಯಪಲ್ ಸಿಡರ್ ವಿನೆಗರ್ ಕೂಡ ಸಹಕಾರಿ. ಇದು ತಲೆಬುಡದ pH ಬ್ಯಾಲೆನ್ಸ್ ಮಾಡುತ್ತದೆ. 1/4 ಕಪ್ ಆ್ಯಪಲ್ ಸಿಡರ್ ವಿನೆಗರ್‌ ಅನ್ನು 21/2 ಕಪ್ (ಎರಡೂವರೆ) ನೀರಿಗೆ ಹಾಕಿ ಮಿಶ್ರ ಮಾಡಬೇಕು. ಅದನ್ನು ತಲೆ ಶ್ಯಾಂಪೂ ಹಾಕಿ ತೊಳೆದ ಬಳಿಕ ನಂತರ ಕೊನೆಗೆ ಸುರಿದು ಕೂದಲು ಒರೆಸಿ, ಇಣಗಿಸಬೇಕು. ಹೀಗೆ ಮಾಡುವುದರಿಂದ ಕೂದಲು ಬಲವಾಗಿ ಇರುತ್ತದೆ ಹಾಗೂ ನಿಮ್ಮ ಕೂದಲಿನ ವಾಸನೆ ಸಮೀಪ ಕೂರುವವರಿಗೆ, ನಿಮ್ಮ ಸಂಗಾತಿಗೆ ಆಪ್ತ ಎನಿಸುವುದು.