ಕೂದಲು ಒರಟಾಗಿದೆಯೇ? ಹೀಗೆ ಮಾಡಿ ತುಂಬಾ ಮೃದುವಾಗುವುದು

ಸಿಕ್ಕು-ಸಿಕ್ಕಾಗಿ ಒರಟಾದ ಕೂದಲು

ನೀವು ಪಾರ್ಲರ್‌ಗೆ ಹೋಗಿ ಹೇರ್ ಸ್ಪಾ ಮಾಡಿಸುತ್ತಿದ್ದರೆ ಈಗ ನಿಮಗೆ ಅಯ್ಯೋ ನನ್ನ ಕೂದಲು ತುಂಬಾ ಒರಟಾಗಿದೆ, ಪಾರ್ಲರ್‌ಗೂ ಹೋಗೋಕೆ ಆಗ್ತಾ ಇಲ್ಲ ಎಂದು ಗೊಣಗುತ್ತಿರುತ್ತೀರಿ. ಆದರೆ ನೀವು ಮೃದುವಾದ ಕೂದಲು ಪಡೆಯಲು ಪಾರ್ಲರ್‌ಗೇ ಹೋಗಬೇಕಾಗಿಲ್ಲ. ಮನೆಯಲ್ಲಿಯೇ ಕೆಲವೊಂದು ಸರಳ ರೆಸಿಪಿ ಮೂಲಕ ಆಕರ್ಷಕ ಕೂದಲು ಪಡೆಯಬಹುದು.

ಮೊದಲಿಗೆ ಕೂದಲನ್ನು ಬಾಚಿ ಸಿಕ್ಕು ಬಿಡಿಸಿ, ನಂತರ ಈ ಮಿಶ್ರಣವನ್ನು ಹಚ್ಚಿ.

ಬೇಕಾಗುವ ಸಾಮಗ್ರಿ

ರಾತ್ರಿ ನೆನೆ ಹಾಕಿದ ಎರಡು ಚಮಚ ಮೆಂತೆ

ಅರ್ಧ ಈರುಳ್ಳಿ

1 ಚಮಚ ತೆಂಗಿನೆಣ್ಣೆ

1 ಚಮಚ ಮೊಸರು

ಇಷ್ಟು ಸಾಮಗ್ರಿ ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ.

ತಲೆಗೆ ಪೇಸ್ಟ್ ಹಚ್ಚಿ

ಈಗ ರೆಡಿಯಾದ ಪೇಸ್ಟ್ ಅನ್ನು ಚೆನ್ನಾಗಿ ಕೂದಲಿನ, ಬುಡ ಹಾಗೂ ಕೂದಲಿಗೆ ಹಚ್ಚಿ ಕೂದಲಿಗೆ ಶವರ್ ಕ್ಯಾಪ್ ಅಥವಾ ಪ್ಲಾಸ್ಟಿಕ್ ಹಾಕಿ, ಒಂದೆರಡು ತಾಸು ಬಿಡಿ.

ನಂತರ ಉಗುರು ಬೆಚ್ಚಗಿನ ನೀರಿನಿಂದ ಮೈಲ್ಡ್ ಶ್ಯಾಂಪೂ ಹಚ್ಚಿ ತಲೆ ತೊಳೆಯಿರಿ.

ಮೃದುವಾದ ಕೂದಲಿನ ಸೌಂದರ್ಯ

ನೀವು ಇಷ್ಟು ಮಾಡಿದ್ದೇ ಆದರೆ ಮೊದಲ ಪ್ರಯತ್ನದಲ್ಲಿಯೇ ಕೂದಲಿನಲ್ಲಾದ ವ್ಯತ್ಯಾಸ ತಿಳಿಯುತ್ತದೆ. ಕೂದಲು ತುಂಬಾ ಮೃದುವಾಗುವುದು.

ಈ ಮಿಶ್ರಣದ ಇತರ ಪ್ರಯೋಜನಗಳು

ನೀವು ಈ ಮೆಂತೆ, ಈರುಳ್ಳಿ, ಮೊಸರು, ಎಣ್ಣೆಯ ಮಿಶ್ರಣವನ್ನು ಹಚ್ಚುವುದರಿಂದ ದೊರೆಯುವ ಇತರ ಪ್ರಯೋಜನಗಳೆಂದರೆ

• ಕೂದಲು ಉದುರುವುದಿಲ್ಲ
• ಕೂದಲು ಉದ್ದವಾಗಿ ಬೆಳೆಯುವುದು
• ಕೂದಲಿನ ಮಾಯಿಶ್ಚರೈಸರ್ ಕಾಪಾಡುತ್ತದೆ
• ಅಕಾಲಿಕ ನೆರೆ ಕೂದಲಿನ ಸಮಸ್ಯೆ ಕಾಡುವುದಿಲ್ಲ
• ತಲೆ ಹೊಟ್ಟಿನ ಸಮಸ್ಯೆ ಇರುವುದಿಲ್ಲ.

ಈ ಹೇರ್‌ ಕೇರ್ ಟಿಪ್ಸ್ ತುಂಬಾ ಸರಳವಾಗಿದೆ ಅಲ್ವಾ?