ಕೊರೊನಾ ಬಂದ ಬಳಿಕ ಕೂದಲು ಉದುರುತ್ತಿದೆಯೇ? ಈ ಆಹಾರಗಳನ್ನು ಸೇವಿಸಿ

ಕಪ್ಪು ಒಣ ದ್ರಾಕ್ಷಿ

ಒಂದು ಮುಷ್ಠಿಯಷ್ಟು ಕಪ್ಪು ದ್ರಾಕ್ಷಿಯನ್ನು ರಾತ್ರಿ ನೆನೆ ಹಾಕಿ ಬೆಳಗ್ಗೆ ಸೇವಿಸಿ. ನೆನೆ ಹಾಕಿದ ನೀರಿನ ಜೊತೆ ಜ್ಯೂಸ್ ಮಾಡಿಯೂ ಕುಡಿಯಬಹುದು. ಇದನ್ನು ತಿನ್ನುವುದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚುವುದು, ರಕ್ತದೊತ್ತಡ ನಿಯಂತ್ರಿಸುವುಉದ, ಕಣ್ಣುಗಳ ಆರೋಗ್ಯಕ್ಕೆ ಒಳ್ಳೆಯದು. ದೇಹದಲ್ಲಿ ನೀರಿನಂಶ ಕಾಪಾಡುತ್ತದೆ.

ಆಮ್ಲ (ನೆಲ್ಲಿಕಾಯಿ)

ನೆಲ್ಲಿ ಕುದಲು ಉದುರುವುದನ್ನು ತಡೆಗಟ್ಟುವ ಅತ್ಯದ್ಭುತವಾದ ಔಷಧಿಯಾಗಿದೆ. ಸ್ವಲ್ಪ ನೆಲ್ಲಿಕಾಯಿ ಪ್ರತಿದಿನ ತಿಂದರೆ ಕೂದಲಿನ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಇದರ ಪೇಸ್ಟ್‌ ಕೂಡ ತಲೆ ಬುಡಕ್ಕೆ ಹಚ್ಚಿದರೆ ಕೂದಲಿನ ಬುಡ ಬಲವಾಗುವುದು. ನೆಲ್ಲಿಕಾಯಿ ಕೂದಲನ್ನು ಒಳಗಿನಿಂದ ಹಾಗೂ ಹೊರಗಿನಿಂದ ಬಲವಾಗಿಸುತ್ತೆ.

ಕರಿಬೇವು

ಒಂದು ಲೋಟ ನೀರಿಗೆ ಕರಿಬೇವಿನ ಎಲೆ ಹಾಕಿ ಕುದಿಸಿ, ಆ ನೀರು 1/4 ಲೋಟವಾಗುವಷ್ಟು ಕುದಿಸಿ, ಈ ನೀರನ್ನು ಪ್ರತಿದಿನ ಬೆಳಗ್ಗೆ ಕುಡಿಯಿರಿ. ಈ ನೀರು ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು ಹಾಗೂ ಮೈ ಬೊಜ್ಜು ಕೂಡ ಕರಗಿಸುವುದು.

ಮೊಟ್ಟೆ

ಮೊಟ್ಟೆಯ ಹಳದಿ ಕೂದಲಿನ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಮೊಟ್ಟೆಯ ಹಳದಿಯಲ್ಲಿ ಬಯೋಟಿನ್, ವಿಟಮಿನ್‌ ಬಿ ಇರುವುದರಿಂದ ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು.

ಪಾಲಾಕ್‌

ಪಾಲಾಕ್‌ನಲ್ಲಿ ವಿಟಮಿನ್ ಎ, ಕೆ, ಇ, ಸಿ, ಬಿ ಮತ್ತು ಮ್ಯಾಂಗನೀಸ್, ಸತು, ಕಬ್ಬಿಣದಂಶ, ಒಮೆಗಾ 3 ಕೊಬ್ಬಿನಂಶ ಇರುವುದರಿಂದ ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು. ಇದು ತ್ವಚೆಯಲ್ಲಿ ಕೊಲೆಜಿನ್ ಹಾಗೂ ಕೂದಲಿನಲ್ಲಿ ಕೆರಾಟಿನ್‌ ಉತ್ಯಾದಿಸುವಲ್ಲಿ ಸಹಕಾರಿಯಾಗಿದೆ. ಇದರಿಂದ ಕೂದಲು ಉದುರುವುದು ಕಡಿಮೆಯಾಗುವುದು.

ಸಿರಿ ದಾನ್ಯಗಳು

ಇನ್ನು ದಾನ್ಯಗಳಲ್ಲಿ ನಾರಿನಂಶ, ಪ್ರೊಟೀನ್ ಇರುವುದರಿಂದ ಕುದಲಿನ ಆರೋಗ್ಯಕ್ಕೆ ಒಳ್ಳೆಯದು. ಓಟ್ಸ್, ನವಣೆ, ಗೋಧಿ, ಬಾರ್ಲಿ ಈ ರೀತಿಯ ಆಹಾರ ಸೇವಿಸಿ.

ಈ ಆಹಾರಗಳನ್ನು ನಿಮ್ಮ ಆಹಾರಕ್ರಮದಲ್ಲಿ ಸೇರಿಸಿದರೆ ಕೂದಲು ಉದುರುವುದು ಕಡಿಮೆಯಾಗುವುದು.