ಬಕ್ಕ ತಲೆ ಉಂಟಾಗುವ ಮುನ್ನ ಚಿಕಿತ್ಸೆ ಒಳ್ಳೆಯದು

Hair Care

oi-Reena

By Hema S

Updated: Friday, August 24, 2012, 16:20 [IST]

ಪುರುಷರಲ್ಲಿ ಬಕ್ಕ ತಲೆ ಸಾಮಾನ್ಯವಾಗಿ ಕಂಡು ಬರುವ ಸಮಸ್ಯೆಯಾಗಿದೆ. ಮದುವೆಯಾಗಿ, ಮಕ್ಕಳಾದ ಮೇಲೆ ಬಕ್ಕ ತಲೆ ಕಂಡು ಬಂದರೆ ಅದೊಂದು ಸಮಸ್ಯೆಯೆಂದು ಅನಿಸುವುದೇ ಇಲ್ಲ. ಆದರೆ ಚಿಕ್ಕ ಪ್ರಾಯದಲ್ಲಿ ಬಕ್ಕ ತಲೆ ಉಂಟಾದರೆ ಸೌಂದರ್ಯ ಸಮಸ್ಯೆ ಮಾತ್ರವಲ್ಲ, ಮದುವೆಯಾಗಿರದಿದ್ದರೆ ಮದುವೆಗೆ ಹೆಣ್ಣು ಕೂಡ ಸಿಗುವುದು ಕಷ್ಟವಾಗುತ್ತದೆ. ಆದ್ದರಿಂದ ಬಕ್ಕ ತಲೆ ಉಂಟಾಗುವುದನ್ನು ತಪ್ಪಿಸಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು:

1. ತಲೆ ಬುಡವನ್ನು ಆರೈಕೆ ಮಾಡಬೇಕು: ಸ್ಟೈಲ್ ಆಗಿ ಕಾಣಬಯಸಿ ಹಚ್ಚುವ ಹೇರ್ ಜೆಲ್ ಮತ್ತು ಕಲರ್ ಗಳು ಬಕ್ಕ ತಲೆಗೆ ಪ್ರಮುಖ ಕಾರಣಗಳಾಗಿವೆ. ಆದ್ದರಿಂದ ಜೆಲ್ ಬಳಸಿದರೂ ಅದನ್ನು ಹಾಗೇ ಇಟ್ಟು ಮಲಗಬಾರದು. ತಲೆ ಕೂದಲನ್ನು ಚೆನ್ನಾಗಿ ಶುಚಿ ಮಾಡಬೇಕು. ಪ್ರತಿನಿತ್ಯ ತಲೆ ಸ್ನಾನ ಮಾಡುವುದು ಒಳ್ಳೆಯದು. ಆದರೆ ಶ್ಯಾಂಪೂವನ್ನು ಮಾತ್ರ 2 ದಿನಕ್ಕೊಮ್ಮೆ ಬಳಸುವುದು ಒಳ್ಳೆಯದು.

2. ಕೂದಲಿನ ಆರೋಗ್ಯ ಹೆಚ್ಚಿಸುವ ವಿಟಮಿನ್ ಇ : ವಿಟಮಿನ್ ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು. ವಿಟಮಿನ್ ಇ ರಕ್ತ ಸಂಚಾರವನ್ನು ಹೆಚ್ಚು ಮಾಡುವುದರಿಂದ ಕೂದಲಿನ ಬುಡ ಅಧಿಕ ಆಮ್ಲಜನಕವನ್ನು ಹೀರಿಕೊಳ್ಳುವಂತೆ ಮಾಡುತ್ತದೆ. ಇದರಿಂದ ಕೂದಲಿನ ಬುಡ ಬಲವಾಗುವುದು. ವಿಟಮಿನ್ ಇ ಮಾತ್ರೆಯನ್ನು ತಲೆಗೆ ಹಚ್ಚುವುದು, ಮತ್ತು ವಿಟಮಿನ್ ಇ ಇರುವ ಆಹಾರವನ್ನು ತಿನ್ನುವುದು ಒಳ್ಳೆಯದು.

3. ಕೂದಲಿಗೆ ಆಹಾರಕ್ರಮ: ಕಬ್ಬಿಣದಂಶ, ಸತು, ಪ್ರೊಟೀನ್ ಇವುಗಳ ಕೊರತೆಯಿಂದ ಕೂದಲು ಉದುರುವ ಸಮಸ್ಯೆ ಕಂಡು ಬರುತ್ತದೆ. ಆದ್ದರಿಂದ ಬ್ರೊಕೋಲಿ, ಮೀನು, ಸೊಪ್ಪು, ಮೊಟ್ಟೆ ಇವುಗಳನ್ನು ನಿಮ್ಮ ಪ್ರತಿನಿತ್ಯದ ಅಹಾರಕ್ರಮದಲ್ಲಿ ಸೇರಿಸಬೇಕು.

4. ಕೂದಲು ಮಂದವಾಗಿ ಕಾಣಲು: ಕೂದಲು ತುಂಬಾ ತೆಳ್ಳಗಿದ್ದರೆ ಮೊಟ್ಟೆಯ ಬಿಳಿ ಮತ್ತು ಬೀರ್ ಮಿಶ್ರ ಮಾಡಿ ತಲೆಗೆ ಹಚ್ಚಿ ನಂತರ ಶ್ಯಾಂಪೂ ಹಾಕಿ ತಲೆ ತೊಳೆದರೆ ಕೂದಲು ದಪ್ಪವಾಗಿ ಕಾಣುತ್ತದೆ.