ಹೇರ್ ಕಲರ್ ತೆಗೆಯುವುದು ಹೇಗೆ?

Hair Care

oi-Reena

By Hema S

Published: Saturday, June 23, 2012, 11:19 [IST]

ಯುವಕ, ಯುವತಿಯರು ಫ್ಯಾಷನೇಬಲ್ ಆಗಿ ಕಾಣಬೇಕೆಂದು ಇಷ್ಟಪಡುವುದು ಸಹಜ. ಅದಕ್ಕಾಗಿ ಹೇರ್ ಸ್ಟೈಲ್ , ಡ್ರೆಸ್ಸಿಂಗ್ ಇವುಗಳಲ್ಲಿ ಯಾವುದೇ ಹೊಸ ಟ್ರೆಂಡ್ ಬರಲಿ ಅದರಂತೆ ವೇಷಭೂಷಣ ಮಾಡುತ್ತಾರೆ. ಆದರೆ ಕೆಲವೊಮ್ಮೆ ಅಂತಹ ಟ್ರೆಂಡ್ ಮಾಡಲು ಹೋಗಿ, ಅದು ಅವರಿಗೆ ಒಪ್ಪದೆ ವಿಚಿತ್ರವಾಗಿ ಕಾಣುವಂತಹ ಪರಿಸ್ಥಿತಿ ಉಂಟಾಗುತ್ತದೆ.

ಡ್ರೆಸ್ ಒಪ್ಪದಿದ್ದರೆ ಆ ಡ್ರೆಸ್ ಧರಿಸದಿದ್ದರೆ ಸಾಕು, ಆದರೆ ತಲೆಕೂದಲನ್ನು ಕಲರ್ ಮಾಡಿ, ಆ ಬಣ್ಣ ಒಪ್ಪದಿದ್ದಾಗ ಪೇಚಿಗೆ ಸಿಕ್ಕಿದಂತಾಗುವುದು. ಆದರೆ ರೀತಿಯ ಬಣ್ಣ ಸ್ವಲ್ಪ ದಿನದರಲ್ಲಿ ಹೋಗುವುದಾದರೂ ಅದು ಹೋಗುವವರೆಗೆ ಇಟ್ಟುಕೊಂಡು ಇರಲು ಇಷ್ಟವಾಗುವುದಿಲ್ಲ. ಆಗ ಈ ಕೆಳಗಿನ ವಿಧಾನಗಳನ್ನು ಅನುಸರಿಸಿ ಕೂದಲಿನ ಬಣ್ಣ ಹೋಗಲಾಡಿಸಬಹುದು.

ಹೇರ್ ಸ್ಟೈಲಿಷ್ಟ್ ಭೇಟಿ : ಹೇರ್ ಕಲರ್ ಅನ್ನು ಮನೆಯಲ್ಲಿಯೆ ನೀವೆ ಮಾಡಿದ್ದರೂ ಕೂಡ ಹೇರ್ ಸ್ಟೈಲಿಷ್ಟ್ ನ ಭೇಟಿ ಮಾಡಬಹುದು. ಅವರು ನಿಮ್ಮ ಕೂದಲು ಆಕರ್ಷಕವಾಗಿ ಕಾಣುವಂತೆ ಮಾಡಿ ಕೊಡುತ್ತಾರೆ. ನಾವೇ ಹೇರ್ ಕಲರ್ ಮಾಡಿ ಪೇಚಿಗೆ ಸಿಕ್ಕುವ ಬದಲು ಪರಿಣಿತರ ಸಲಹೆ ಪಡೆಯುವುದು ಒಳ್ಳೆಯದು.

ವಿಟಮಿನ್ ಸಿ ಮಾತ್ರೆ: ತುಂಬಾ ಬೆಲೆ ಕಡಿಮೆ ಇರುವ ವಿಟಮಿನ್ ಸಿ ಇರುವ ಮಾತ್ರೆಯನ್ನು ಕೊಂಡು ಅದನ್ನು ಪುಡಿ ಮಾಡಿ ನೀರಿನಲ್ಲಿ ಮಿಶ್ರ ಮಾಡಿ ಗಟ್ಟಿಯಾದ ಪೇಸ್ಟ್ ರೀತಿ ಮಾಡಬೇಕು. ನಂತರ ಇದರಿಂದ ತಲೆಯನ್ನು ಮಸಾಜ್ ಮಾಡಬೇಕು. ರೀತಿ ಮಸಾಜ್ ಮಾಡಿ ಅರ್ಧ ಗಂಟೆ ಬಿಡಬೇಕು. ನಂತರ ಶ್ಯಾಂಪೂ ಹಾಕಿ ತಲೆಯನ್ನು ತೊಳೆದರೆ ಕೂದಲಿನ ಬಣ್ಣ ತುಂಬಾ ಹೋಗಿರುತ್ತದೆ. ಈ ರೀತಿ 2 ಬಾರಿ ಮಾಡಿದರೆ ಕೂದಲಿನಲ್ಲಿರುವ ಕೃತಕ ಬಣ್ಣವನ್ನು ಹೋಗಲಾಡಿಸಬಹುದು.

ಬಿಸಿ ಎಣ್ಣೆ ಚಿಕಿತ್ಸೆ: ಹದ ಬಿಸಿ ಎಣ್ಣೆಯಿಂದ ಕೂದಲಿಗೆ ಮಸಾಜ್ ಮಾಡಿದರೆ ಒಳ್ಳೆಯದು. ಈ ರೀತಿ ಮಾಡಿ ಕೂದಲಿನ ಬಣ್ಣ ಹೋಗಲಾಡಿಸಲು ಸಾಧ್ಯವಿಲ್ಲ. ಅದರ ಬದಲು ಕೂದಲಿಗೆ ಹಚ್ಚಿದ ಬಣ್ಣದಿಂದ ಕೂದಲಿಗೆ ಯಾವುದೇ ಹಾನಿಯಾಗದಂತೆ ತಡೆಯಬಹುದು. ಆದರೆ ಈ ರೀತಿ ಹದ ಬಿಸಿ ಎಣ್ಣೆಯಿಂದ ಮಸಾಜ್ ವಾರಕ್ಕೊಮ್ಮೆ ಮಾತ್ರ ಮಾಡಬೇಕು. ಹೆಚ್ಚಿನ ಬಾರಿ ಮಾಡಿದರೆ ಅದರಿಂದ ಕೂಡ ಹಾಳಾಗುವುದು.

ಡಿಟರ್ಜೆಂಟ್: ಶ್ಯಾಂಪೂ ಜೊತೆ ಸ್ವಲ್ಪ ಡಿಟರ್ಜೆಂಟ್ ಮಿಶ್ರ ಮಾಡಿ ಅದರಿಂದ ತಲೆ ತೊಳೆದರೆ ಕೂದಲಿನ ಬಣ್ಣ ಹೋಗಲಾಡಿಸಬಹುದು. ಆದರೆ ಈ ರೀತಿ ಮಾಡಿದರೆ ಕೂದಲಿಗೆ ಹಾನಿಯಾಗುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಸ್ವಲ್ಪ ಕಡಿಮೆ ಬ್ಲೀಚಿಂಗ್ ಅಂಶವಿರುವ ಡಿಟರ್ಜೆಂಟ್ ಬಳಸಿ ತಲೆ ಕೂದಲು ತೊಳೆದು ಕೃತಕ ಬಣ್ಣ ತೆಗೆಯಬಹುದು.

ಹೇರ್ ಕಲರ್ ರಿಮೂವರ್: ಸೌಂದರ್ಯವರ್ಧಕ ಸಾಧನಗಳು ದೊರೆಯುವ ಅಂಗಡಿಗಳಲ್ಲಿ ಹೇರ್ ಕಲರ್ ರಿಮೂವರ್ ದೊರೆಯುತ್ತದೆ ಅದನ್ನು ಬೆಕಾದರೂ ಬಳಸಬಹುದು. ಆದರೆ ಈ ರೀತಿಯ ಹೇರ್ ಕಲರ್ ರಿಮೂವರ್ ಕೊಳ್ಳುವಾಗ ಬ್ರಾಂಡ್ಡ್ ನೋಡಿ ಕೊಳ್ಳಬೇಕು.

ಪುನಃ ಕಲರ್ ಮಾಡುವುದು: ಮಾಡಿದ ಕಲರ್ ನಿಂದ ವಿಚಿತ್ರವಾಗಿ ಕಾಣುವಂತೆ ಆದರೆ ಇತರ ಬಣ್ಣವನ್ನು ಕೊಂಡು ಹಚ್ಚಿದರೆ ಸಾಕು. ಆದರೆ ಈ ರೀತಿ ಎರಡನೇ ಬಾರಿ ಹಚ್ಚುವಾಗ, ಹಚ್ಚುವ ಬಣ್ಣ ನಿಮ್ಮ ಮುಖಕ್ಕೆ ಒಪ್ಪುವಂತೆ ಇರಬೇಕು.