ಟ್ರಿಮ್ ಮೀಸೆಯ ಗಂಡಸಿಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡು

Hair Care

oi-Reena

By Hema S

Updated: Thursday, August 23, 2012, 15:51 [IST]

ಮೀಸೆ ಹೊತ್ತ ಗಂಡಸಿಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡು.... ಆದರೆ ಟ್ರಿಮ್ ಮೀಸೆಯ ಗಂಡಸಿಗೆ ಮಾತ್ರ ಡಿಮ್ಯಾಂಡು ಅಂತ ನೆನಪಿರಲಿ! ಮೀಸೆಯನ್ನು ಸರಿಯಾಗಿ ಟ್ರಿಮ್ ಮಾಡದೆ ಮನಸ್ಸಿಗೆ ಬಂದಂತೆ ಬಿಟ್ಟು ಬಂದರೆ ಮುಖ ವಿಚಿತ್ರವಾಗಿ ಕಾಣುವುದು.

ಮುಖದಲ್ಲಿ ಮೀಸೆ ನಿಮ್ಮ ಅಂದವನ್ನು ಹೆಚ್ಚಿಸುವಂತೆ ಇರಬೇಕು ಹೊರತು ನಿಮ್ಮನ್ನು ಭಯಾನಕವಾಗಿ ಕಾಣುವಂತೆ ಮಾಡಬಾರದು. ಮೀಸೆಯನ್ನು ಅನೇಕ ರೀತಿಯಲ್ಲಿ ಬಿಡಬಹುದಾಗಿದ್ದ ನಿಮ್ಮ ಮುಖಕ್ಕೆ ಯಾವ ರೀತಿಯ ಮೀಸೆ ಒಪ್ಪುತ್ತದೆ, ಆ ರೀತಿ ಬಿಡುವುದು ಒಳ್ಳೆಯದು.

ಕೆಲವರಿಗೆ ತಮಗೆ ಯಾವ ರೀತಿಯ ಮೀಸೆ ಚೆನ್ನಾಗಿ ಕಾಣುತ್ತದೆ ಎಂಬ ಕಲ್ಪನೆಯೇ ಇರುವುದಿಲ್ಲ, ಆದ್ದರಿಂದ ಮೀಸೆ ಬಿಟ್ಟು ವಿಚಿತ್ರವಾಗಿ ಕಾಣುತ್ತಾರೆ. ಕೆಲವರಿಗೆ ಟ್ರಿಮ್ ಗೆಡ್ಡ ಮತ್ತು ಮೀಸೆ ಚೆಂದ ಕಂಡರೆ, ಸ್ವಲ್ಪ ಪರ್ಸನಾಲಿಟಿ ಇರುವವರೆಗೆ ವೀರಪ್ಪನ್ ಸ್ಟೈಲ್ ಮೀಸೆ ಆಕರ್ಷಕವಾಗಿ ಕಾಣುತ್ತದೆ. ಮೀಸೆ ಬಿಟ್ಟರೆ ಸಾಲದು ಅದನ್ನು ಆಗಾಗ ಟ್ರಿಮ್ ಮಾಡುತ್ತಾ ಇದ್ದರೆ ಮಾತ್ರ ಆಕರ್ಷಕವಾಗಿ ಕಾಣಲು ಸಾಧ್ಯ.

ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಮುಖದಲ್ಲಿ ಮೀಸೆಯಿಂದ ಮತ್ತಷ್ಟು ಆಕರ್ಷಕವಾಗಿ ಕಾಣಬಹುದು.

1. ಮೀಸೆಯನ್ನು ಫೇಸ್ ವಾಶ್ ನಿಂದ ತೊಳೆದು ಸ್ವಚ್ಛವಾಗಿ ಇಟ್ಟುಕೊಳ್ಳಬೇಕು. ಯಾವುದೇ ಕಾರಣಕ್ಕೂ ಹ್ಯಾಂಡ್ ವಾಶ್ ಬಳಸಿ ಮೀಸೆ ತೊಳೆಯಬೇಡಿ. ಈ ರೀತಿ ಮಾಡಿದರೆ ಮೀಸೆ ಒರಟಾಗುತ್ತದೆ.

2. ಸ್ನಾನ ಮಾಡಿದ ನಂತರ ಚಿಕ್ಕ ಬಾಚಣಿಕೆಯಿಂದ ಮೀಸೆಯನ್ನು ಬಾಚಬೇಕು. ಮೀಸೆ ಟ್ರಿಮ್ ಮಾಡುವಾಗ ಒಳ್ಳೆಯ ರೇಝರ್ ಬಳಸಿ ಮಾಡಬೇಕು.

3. ಮೀಸೆಯನ್ನು ಪ್ರತಿದಿನ ಟ್ರಿಮ್ ಮಾಡಬೇಕು. ಇದರಿಂದ ಮುಖ ಆಕರ್ಷಕವಾಗಿ ಕಾಣುವುದು.

4. ಮುಖವನ್ನು ಟ್ರಿಮ್ ಮಾಡಿದ ಬಳಿಕ ಸ್ನಾನ ಮಾಡಿ, ನಂತರ ಜೆಲ್ ಅಥವಾ ಮಾಯಿಶ್ಚರೈಸರ್ ಹಚ್ಚಿಕೊಂಡರೆ ನೀಟಾಗಿ ಕಾಣುವುದು.