ಹೇರ್ ಡ್ರೈಯರ್ ಬಳಸುತ್ತಿದ್ದೀರಾ?

Hair Care

oi-Reena

By Hema S

Updated: Friday, September 7, 2012, 10:34 [IST]

ಬೆಳಗ್ಗೆ ತಲೆಸ್ನಾನ ಮಾಡಿದಾಗ ಕೂದಲನ್ನು ಒಣಗಿಸಿಕೊಂಡು ಇರುವಷ್ಟು ಪುರುಸೊತ್ತು ಇರುವುದಿಲ್ಲ. ಒದ್ದೆ ಕೂದಲನ್ನು ಬಾಚಿದರೆ ಚೆಂದ ಕಾಣುವುದಿಲ್ಲ ಮತ್ತು ಒದ್ದೆ ಕೂದಲು ಬಾಚುವುದು ಕೂದಲಿಗೆ ಒಳ್ಳೆಯದಲ್ಲ. ಆದ್ದರಿಂದ ಹೆಚ್ಚಿನವರು ಫ್ಯಾನ್ ನ ಗಾಳಿಯಲ್ಲಿ ಅಥವಾ ಹೇರ್ ಡ್ರೈಯರ್ ಬಳಸಿ ಕೂದಲನ್ನು ಒಣಗಿಸುತ್ತಾರೆ. ಆದರೆ ಈ ರೀತಿ ಕೂದಲನ್ನು ಒಣಗಿಸಿದರೆ ಈ ಕೆಳಗಿನ ಕೂದಲಿನ ಸಮಸ್ಯೆಗಳು ಕಂಡು ಬರುತ್ತದೆ.

1. ಕೂದಲಿನ ಶೇಪ್ ಹಾಳು ಮಾಡುತ್ತದೆ: ಸಾಕಷ್ಟು ದುಡ್ಡನ್ನು ಬ್ಯೂಟಿ ಪಾರ್ಲರ್ ಗೆ ಕೊಟ್ಟು ಕತ್ತರಿಸಿಕೊಂಡು ಬಂದಿರುತ್ತೇವೆ. ಆ ಕೂದಲನ್ನು ಹೇರ್ ಡ್ರೈಯರ್ ಬಳಸಿ ಒಣಗಿಸುವುದರಿಂದ ಬೇಗ ಅದರ ಶೇಪ್ ಹಾಳಾಗುತ್ತದೆ.

2. ಕೂದಲು ಉದುರುತ್ತದೆ: ಕೂದಲನ್ನು ಹೇರ್ ಡ್ರೈಯರ್ ನಿಂದ ಒಣಗಿಸಿದಾಗ ಕೂದಲಿನ ಬುಡಕ್ಕೆ ಶಾಖ ತಾಗುತ್ತದೆ. ಕೂದಲಿನ ಬುಡಕ್ಕೆ ಶಾಖ ತಾಗಿದಾಗ ಕೂದಲ ಬುಡದ ರಂಧ್ರಗಳು ಓಪನ್ ಆಗಿ ಕೂದಲು ಉದುರಲು ಪ್ರಾರಂಭಿಸುತ್ತದೆ. ಹೇರ್ ಡ್ರೈಯರ್ ಬಳಸುತ್ತಿದ್ದರೆ ಕೂದಲುವ ಉದುರುವ ಸಮಸ್ಯೆ ಕಂಡು ಬಂದರೆ ಹೇರ್ ಡ್ರೈಯರ್ ಅದಕ್ಕೆ ಪ್ರಮುಖ ಕಾರಣವಾಗಿದೆ.

3. ಒಣ ಕೂದಲು: ಕೂದಲನ್ನು ಕರೆಂಟ್ ನ ಉಪಕರಣ ಬಳಸಿ ಒಣಗಿಸುವುದರಿಂದ ಕೂದಲು ತುಂಬಾ ಒಣಗುತ್ತದೆ. ಇದರಿಂದಾಗಿ ಹೊಳಪನ್ನು ಕಳೆದುಕೊಳ್ಳುವುದರಿಂದ ಆಕರ್ಷಣೆಯನ್ನು ಕೂಡ ಕಳೆದುಕೊಳ್ಳುತ್ತದೆ.

4. ಕೂದಲು ಕವಲೊಡೆಯುವುದು: ಹೇರ್ ಡ್ರೈಯರ್ ಬಳಸಿದರೆ ಕೂದಲಿನ ತುದಿ ಕವಲೊಡೆಯುತ್ತದೆ ಮತ್ತು ಕೂದಲನ್ನು ಆರೋಗ್ಯಕರವಾಗಿ ಉದ್ದ ಬೆಳೆಯಲು ಸಹಕರಿಸುವುದಿಲ್ಲ.

ಆದ್ದರಿಂದ ಕೂದಲಿನ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವವರು ಹೇರ್ ಡ್ರೈಯರ್ ಬಳಸದಿರುವುದು ಒಳ್ಳೆಯದು. ಫ್ಯಾನ್ ನ ಗಾಳಿಯಲ್ಲೂ ಒಣಗಿಸಲು ಹೋಗಬೇಡಿ, ಕೂದಲನ್ನು ಹಾಗೆಯೇ ಗಾಳಿಯಲ್ಲಿ ಒಣಗಲು ಬಿಟ್ಟು ನಂತರ ಕೂದಲನ್ನು ಬಾಚಿ.