ಸರಳ ವಿಧಾನದಿಂದ ಸೊಂಪಾದ ಕೂದಲು

Hair Care

oi-Reena

By Hema S

Published: Tuesday, April 24, 2012, 11:34 [IST]

ಕೂದಲು ಆರೋಗ್ಯವಾಗಿದ್ದರೆ ಮುಖದ ಲಕ್ಷಣ ಹೆಚ್ಚಾಗುವುದು. ಆಕರ್ಷಕವಾದ ಕೂದಲನ್ನು ಮಹಿಳೆಯರಷ್ಟೆ ಅಲ್ಲ, ಪುರುಷರು ಕೂಡ ಬಯಸುತ್ತಾರೆ. ಕೂದಲು ಸೊಂಪಾಗಿ ಬೆಳೆಯಬೇಕೆಂದು ಅನೇಕ ಬಗೆಯ ಎಣ್ಣೆ ಶ್ಯಾಂಪೂಗಳಿಂದ ಪ್ರಯೋಗ ಮಾಡುತ್ತಿದ್ದರೆ ಕೊನೆಗೆ ಇರುವ ಕೂದಲು ಉದುರಲಾರಂಭಿಸುತ್ತದೆ. ಕೂದಲಿಗೆ ಯಾವುದೇ ಹಾನಿಯಾಗದೆ ಆರೋಗ್ಯಕರವಾಗಿರಬೇಕೆಂದು ಬಯಸುವುದಾದರೆ ಈ ಕೆಳಗಿನ ವಿಧಾನಗಳನ್ನು ಅನುಸರಿಸುವುದು ಒಳ್ಳೆಯದು.

1. ಕೂದಲನ್ನು ಒಣಗಿಸುವುದು: ಸ್ನಾನದ ನಂತರ ಕೂದಲನ್ನು ಚನ್ನಾಗಿ ಒಣಗಿಸಬೇಕು. ಆದರೆ ಅದಕ್ಕಾಗಿ ಹೇರ್ ಡ್ರೈ ಬಳಸಬಾರದು. ಸೂರ್ಯನ ಬಿಸಿಲಿಗೆ ಕೂದಲನ್ನು ಒಣಗಿಸಿ. ಒಂದು ವೇಳೆ ಕೂದಲನ್ನು ಒಣಗಿಸುವಷ್ಟು ಸಮಯವಿಲ್ಲದಿದ್ದರೆ ಕೂದಲನ್ನು ಬಾಚಬೇಡಿ, ಹಾಗೇ ಬಿಡಿ, ಕೂದಲು ಒಣಗಿದ ಮೇಲಷ್ಟೆ ಬಾಚಿ ಕಟ್ಟಿ.

2. ಕೂದಲನ್ನು ಕಟ್ಟುವುದು: ಕೂದಲನ್ನು ತುಂಬಾ ಬಿಗಿಯಾಗಿ ಕಟ್ಟಬಾರದು. ಜುಟ್ಟು ಕಟ್ಟುವುದಾದರೆ ಸ್ವಲ್ಪ ಸಡಲವಾಗಿ ಕಟ್ಟಿ. ತುಂಬಾ ಹೇರ್ ಪಿನ್, ಮತ್ತು ಕ್ಲಿಪ್ ಬಳಸಿದರೆ ಕೂದಲು ಹಾಳಾಗುವುದು.

3. ಶ್ಯಾಂಪೂ: ಅಧಿಕ ಕೆಮಿಕಲ್ ಇರುವ ಶ್ಯಾಂಪೂ ಬಳಸಬಾರದು. ಮೃದುವಾದ ಶ್ಯಾಂಪೂ ಬಳಸಬೇಕು. ಎಣ್ಣೆ ಕೂದಲನ್ನು ಹೊಂದಿದ್ದರೂ ಕೂಡ ಮೃದುವಾದ ಶ್ಯಾಂಪೂಗಳನ್ನೆ ಬಳಸಿ.

4. ಕೂದಲು ಕವಲೊಡೆಯುವುದು: ಕೂದಲು ಕವಲೊಡೆದಿದ್ದರೆ ಅದನ್ನು ಹಾಗೇ ಬಿಡದೆ ಕತ್ತರಿಸಿ ಬಿಸಾಡಬೇಕು. ಹತ್ತು ವಾರಗಳಿಗೆ ಒಮ್ಮೆ ಕೂದಲಿನ ಬುಡ ಕತ್ತರಿಸಿ ಆರೈಕೆ ಮಾಡಬೇಕು.

5. ಉದ್ದ ಕೂದಲಿನ ಆರೈಕೆ: ಉದ್ದ ಕೂದಲಿಗೆ ಅಧಿಕ ಆರೈಕೆ ಮಾಡಬೇಕಾಗುತ್ತೆ. ಇಲ್ಲದಿದ್ದರೆ ಕೂದಲು ಹಾಳಾಗುವುದು. ಒಂದು ವೇಳೆ ಕೂದಲು ಹಾಳಾಗಿದ್ದರೆ ಅದನ್ನು ಕತ್ತರಿಸಿ ಪುನಃ ಬೆಳೆಸುವುದು ಒಳ್ಳೆಯದು. ಉದ್ದ ಕೂದಲನ್ನು ಕತ್ತರಿಸಲು ಮನಸ್ಸು ಬರುವುದಿಲ್ಲ. ಆದರೆ ಹಾಗೇ ಬಿಟ್ಟರೆ ಕೂದಲು ಸಂಪೂರ್ಣ ಹಾಳಾಗುತ್ತದೆ. ಆದ್ದರಿಂದ ಕತ್ತರಿಸಿ ಪುನಃ ಚೆನ್ನಾಗಿ ಪೋಷಣೆ ಮಾಡಿದರೆ ಕೂದಲು ಆಕರ್ಷಕವಾಗಿ ಬೆಳೆಯುವುದು.

6. ಡಯಟ್: ಕೂದಲಿನ ಆರೋಗ್ಯಕ್ಕೆ ಪಾಲಾಕ್, ಸೊಪ್ಪು ತರಕಾರಿಗಳು, ಸಿಹಿ ಗೆಣಸು, ಕ್ಯಾರೆಟ್, ಚಿಕನ್, ಮೊಟ್ಟೆ ತಿನ್ನುವುದು ಒಳ್ಳೆಯದು.