ಕೂದಲು ಉದುರುವ ಸಮಸ್ಯೆ ನಿವಾರಣೆಗೆ ಈರುಳ್ಳಿ!

Hair Care

oi-Reena

By Hema S

Published: Saturday, March 24, 2012, 12:56 [IST]

ಬಾಚಣಿಕೆಯಲ್ಲಿ ಕೂದಲು ಗಂಟು-ಗಂಟಾಗಿ ಬರುವಾಗ ಹೊಟ್ಟೆಯೆಲ್ಲಾ ಉರಿದು ಹೋಗುತ್ತದೆ. ಕೆಲವೊಮ್ಮೆ ಯಾವ ಎಣ್ಣೆ ಹಚ್ಚಿದರೂ ಪ್ರಯೋಜನ ಉಂಟಾಗುವುದಿಲ್ಲ. ಹೀಗೆ ತುಂಬಾ ಕೂದಲು ಉದುರುತ್ತಿದ್ದರೆ ಈರುಳ್ಳಿಯಿಂದ ಅದನ್ನು ನಿಯಂತ್ರಿಸಬಹುದು! ಈರುಳ್ಳಿ ಹಚ್ಚಿದಾಗ ತಲೆ ಈರುಳ್ಳಿ ವಾಸನೆ ಬರುತ್ತದೆ, ಆದರೆ ಕೂದಲು ಉದುರಿ ತಲೆ ಬೋಳಾಗುವುದನ್ನು ನೋಡುವುದಕ್ಕಿಂತ ಈರುಳ್ಳಿ ವಾಸನೆ ಸಹಿಸುವುದೇ ಉತ್ತಮ. ಮೃದುವಾದ ಶ್ಯಾಂಪೂ ಹಚ್ಚಿ ಈರುಳ್ಳಿ ವಾಸನೆ ತೆಗೆಯಬಹುದು.

ಈರುಳ್ಳಿಯಿಂದ ಕೂದಲಿನ ಆರೈಕೆ ಹೇಗೆ ಮಾಡಬಹುದು ಎಂದು ತಿಳಿಯಲು ಮುಂದೆ ಓದಿ.

1. ಈರುಳ್ಳಿ ರಸ: ಮೊದಲು ಹದ ಬಿಸಿ ಎಣ್ಣೆಯನ್ನು ತಲೆಗೆ ಹಚ್ಚಿ ಟವಲ್ ನಿಂದ ಸುತ್ತ ಬೇಕು. ನಂತರ ಈರುಳ್ಳಿಯನ್ನು ಅರೆದು ತಲೆಗೆ ಹಚ್ಚಿ ಸ್ವಲ್ಪ ಹೊತ್ತಿನ ಬಳಿಕ ಸ್ನಾನ ಮಾಡಬೇಕು.

2. ಈರುಳ್ಳಿ ಮತ್ತು ಜೇನು: ಈರುಳ್ಳಿಯನ್ನು ಅರೆದು ಅದರಿಂದ ರಸ ತೆಗೆದು ಅದಕ್ಕೆ ಜೇನು ಮಿಶ್ರ ಮಾಡಿ ತಲೆಗೆ ಹಚ್ಚಿ ಅರ್ಧ ಗಂಟೆ ಇಟ್ಟುಕೊಳ್ಳಬೇಕು. ನಂತರ ಮೃದುವಾದ ಶ್ಯಾಂಪೂ ಬಳಸಿ ತಲೆ ತೊಳೆಯಬೇಕು.

3. ಈರುಳ್ಳಿ ಮತ್ತು ಬಿಯರ್: ಈರುಳ್ಳಿ ರಸವನ್ನು ತೆಂಗಿನೆಣ್ಣೆ ಜೊತೆ ಮಿಶ್ರ ಮಾಡಿ ಅದಕ್ಕೆ 1/2 ಕಪ್ ಬಿಯರ್ ಸೇರಿಸಿ ಮಿಶ್ರ ಮಾಡಿ ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತಲೆ ತೊಳೆಯಬೇಕು. ಈ ರೀತಿ ಮಾಡಿದರೆ ಹೊಳೆಯುವ (ಶೈನಿ) ಕೂದಲು ನಿಮ್ಮದಾಗುವುದು.