ಅಂದದ ಕೂದಲಿಗಾಗಿ ಮೆಹಂದಿಯ ಆರೈಕೆ

Hair Care

oi-Reena

By Hema S

Published: Monday, February 6, 2012, 17:09 [IST]

ಈಗೆಲ್ಲಾ ಅಕಾಲಿಕ ನೆರೆ ಕೂದಲು ಸಾಮಾನ್ಯ. ಕೂದಲನ್ನು ಕಪ್ಪಾಗಿಸಲು ಡೈ ಸಿಗುವುದಾದರೂ ಅವುಗಳನ್ನು ಹಚ್ಚುವುದರಿಂದ ಕೂದಲು ಮತ್ತಷ್ಟು ಹಾಳಾಗುತ್ತದೆ. ಆದ್ದರಿಂದ ಮೆಹಂದಿಯನ್ನು ನೈಸರ್ಗಿಕ ಔಷಧಿಯಾಗಿ ಕೂದಲಿನ ಆರೈಕೆಯಲ್ಲಿ ಬಳಸಬಹುದಾಗಿದೆ.

ಮೆಹಂದಿಯನ್ನು ಕೂದಲಿಗೆ ಕಂಡೀಷನರ್ ಆಗಿ ಹಚ್ಚುವುದು ಸಾಮಾನ್ಯ. ಆದರೆ ಮೆಹಂದಿ ಕಲಿಸಿ ಹಾಗೆ ಮೇಲ್ಭಾಗದಲ್ಲಿ ಕಾಣುವ ಕೂದಲಿಗೆ ಹಚ್ಚಿದರೆ ಒಳಗಿನ ಬಿಳಿ ಕೂದಲು ಹಾಗೇ ಇರುತ್ತದೆ. ಬ್ಯೂಟಿ ಪಾರ್ಲರ್ ನಲ್ಲಿ ಇದಕ್ಕಾಗಿ ಸುಮ್ಮನೆ ಹಣ ವ್ಯಯ ಮಾಡುವ ಬದಲು ಈ ಕೆಳಗಿನಂತೆ ಹಚ್ಚಿ ಕೂದಲಿನ ಆರೈಕೆ ಮಾಡಿ.

1. ಮೆಹಂದಿಯನ್ನು ನೀರಿನೊಂದಿಗೆ ಸೇರಿಸಿ ಚೆನ್ನಾಗಿ ಮಿಶ್ರ ಮಾಡಿ ಇಡಬೇಕು . ತಲೆಯಲ್ಲಿ ಹೊಟ್ಟು ಇದ್ದರೆ ಸ್ವಲ್ಪ ನಿಂಬೆರಸ ಸೇರಿಸಬಹುದು.

2. ಬೆಳಗ್ಗೆ ಸ್ನಾನ ಮಾಡುವ 2 ಗಂಟೆ ಮುಂಚೆ ಮೆಹಂದಿಯನ್ನು ಈ ಕೆಳಗಿನಂತೆ ಹಚ್ಚಿ.
* ಮೊದಲು ಕೂದಲನ್ನು ಬಾಚಬೇಕು.
* ನಂತರ ಮಧ್ಯದ ಸ್ವಲ್ಪ ಕೂದಲನ್ನು ತೆಗೆದು ಮೆಹಂದಿಯನ್ನು ಹಚ್ಚಿ ತುರುಬಿನಾಕಾರದಲ್ಲಿ ಸುತ್ತಿಡಬೇಕು.
* ಹೀಗೆ ಸ್ವಲ್ಪ-ಸ್ವಲ್ಪ ಕೂದಲನ್ನೇ ತೆಗೆದು ಮೆಹಂದಿಯನ್ನು ಹಚ್ಚುತ್ತಾ ಆ ತುರುಬಿಗೆ ಸೇರುವಂತೆ ಸುತ್ತುತ್ತಾ ಬರಬೇಕು. ಹೀಗೆಯೆ ಸಂಪೂರ್ಣ ಕೂದಲನ್ನು ಸುತ್ತ ಬೇಕು.

3. ಮೆಹಂದಿ ಹಚ್ಚಿ 1-2 ಗಂಟೆ ಇಟ್ಟು ನಂತರ ಶ್ಯಾಂಪೂ ಹಚ್ಚದೆ ಹಾಗೇ ತಲೆ ತೊಳೆಯಬೇಕು.

4. ಕೂದಲು ಚೆನ್ನಾಗಿ ಒಣಗಿದ ಮೇಲೆ ತಲೆ ತುಂಬಾ ಎಣ್ಣೆ ಹಚ್ಚಿ ನಂತರ ಮರುದಿನ ಶ್ಯಾಂಪೂ ಹಚ್ಚಿ ತಲೆಯನ್ನು ತೊಳೆದರೆ ಕೂದಲು ಹೊಳಪಿನಿಂದ ಕೂಡಿರುತ್ತದೆ.