ತೆಳುಗೂದಲನ್ನು ದಪ್ಪವಾಗಿಸುವುದು ಹೇಗೆ?

ದಪ್ಪವಾದ ಕೂದಲು ಚೆಲುವಿಗೆ ಮತ್ತಷ್ಟು ಮೆರಗನ್ನು ನೀಡುತ್ತದೆ. ಆದ್ದರಿಂದ ದಪ್ಪವಾದ ಮತ್ತು ಮೃದುವಾದ ಕೂದಲನ್ನು ಪಡೆಯಬೇಕೆಂದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿ.

1. ಕೂದಲಿಗೆ ಮಸಾಜ್ ಮಾಡಿದರೆ ಕೂದಲಿನ ಬೆಳವಣಿಗೆಗೆ ತುಂಬಾ ಚೆನ್ನಾಗಿ ಆಗುತ್ತದೆ. ತಲೆ ತೊಳೆಯುವ ಕೆಲವು ಗಂಟೆಗಳ ಮೊದಲು ತಲೆಗೆ ಎಣ್ಣೆಯಿಂದ ಮಸಾಜ್ ಮಾಡಬೇಕು.

2.ಬಾದಾಮಿ ಎಣ್ಣೆ ಮತ್ತು ಹರಳೆಣ್ಣೆಯನ್ನು ಕೊಬ್ಬರಿಯೆಣ್ಣೆ ಜೊತೆ ಬೆರೆಸಿ ಹಚ್ಚಬೇಕು.

3. ತಲೆಯನ್ನು ಬಗ್ಗಿಸಿ ತೊಳೆಯಬೇಕು. ಇದರಿಂದ ತಲೆಯಲ್ಲಿ ರಕ್ತ ಸಂಚಾರ ಹೆಚ್ಚಾಗಿ ಕೂದಲು ಚೆನ್ನಾಗಿ ಬೆಳೆಯಲು ಸಹಾಯ ಮಾಡುತ್ತದೆ.

4.ತೇವ ಕೂದಲನ್ನು ಟವಲ್ ನಿಂದ ಒರೆಸಬಾರದು ಅದರ ಬದಲು ಟವಲ್ ಸುತ್ತಿ ಹಾಗೆಯೆ ನೀರು ಹೀರಿ ಕೊಳ್ಳಲು ಬಿಡಿ, ಸ್ವಲ್ಪ ಹೊತ್ತು ನಂತರ ಟವಲ್ ತೆಗೆದು ತಲೆಕೂದನ್ನು ಹಾಗೆಯೆ ಒಣಗಿಸ ಬೇಕು.

5. ಒದ್ದೆ ಕೂದಲನ್ನು ಬಾಚಬಾರದು, ಸ್ನಾನಕ್ಕೆ ಮುನ್ನ ಬಾಚಿದರೆ ಕೂದಲು ಗಂಟಾಗುವುದನ್ನು ತಡೆಯಬಹುದು.

6. ಕೂದಲಿಗೆ ಐರನ್ ಮಾಡುವುದಾಗಲಿ, ಅಥವಾ ಹೇರ್ ಬ್ಲೋ ಡ್ರೈಯರ್ ಬಳಸಬಾರದು. ಇದರಿಂದ ಕೂದಲು ಮತ್ತಷ್ಟು ತೆಳುವಾಗುವುದು.

7. ಅಧಿಕ ನೀರನ್ನು ಕುಡಿಯಬೇಕು, ನೀರು ದೇಹದಲ್ಲಿ ತೇವಾಂಶವನ್ನು ಕಾಪಾಡುವುದರ ಜೊತೆ ಕೂದಲಿನ ಬೆಳವಣಿಗೆಗೆ ಸಹಾಯ ಮಾಡುತ್ತದೆ.

8. ಕೂದಲು ಕವಲೊಡದರೆ ಕತ್ತರಿಸಬೇಕು, ಇಲ್ಲದಿದ್ದರೆ ಕೂದಲು ಬೆಳೆಯುವುದಿಲ್ಲ.

9. ಕೂದಲನ್ನು ಬಾಚಿ ತುಂಬಾ ಬಿಗಿಯಾಗಿ ಅಥವಾ ಸಡಿಲವಾಗಿ ಕಟ್ಟಬಾರದು.