ಕೂದಲು ಗಂಟಾಗುವುದನ್ನು ತಡೆಯುವ ಉಪಾಯ

Hair Care

oi-Reena

By Hema S

Published: Sunday, December 11, 2011, 8:27 [IST]

ಪ್ರತಿಬಾರಿ ತಲೆ ಬಾಚಿದಾಗಲೂ ಕೂದಲು ಬಾಚಣೆಗೆಯಲ್ಲಿ ಕಾಣಿಸಿಕೊಳ್ಳವುದು ಸಾಮಾನ್ಯ.ದಿನಕ್ಕೆ ನೂರು ಕೂದಲಿನಷ್ಟು ಉದುರಿದರೆ ಯಾವುದೇ ಸಮಸ್ಯೆಯಿಲ್ಲ, ಆದರೆ ಅದಕ್ಕಿಂತ ಹೆಚ್ಚಿನ ಕೂದಲು ಉದುರಿದರೆ ಅದನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕಾಗುತ್ತದೆ.

ಕೂದಲು ಏಕೆ ಉದುರುತ್ತದೆ ಎಂದು ತಿಳಿದು ಅದಕ್ಕೆ ಸರಿಯಾದ ಚಿಕಿತ್ಸೆಯನ್ನು ಮಾಡ ಬೇಕಾಗುತ್ತದೆ. ಅದರಲ್ಲೂ ಕೂದಲು ಗಂಟಾಗಿದ್ದರೆ ಕೂಡ ಕೂದಲು ತುಂಬಾ ಹಾಳಾಗುತ್ತದೆ. ಆದ್ದರಿಂದ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿ ಕೂದಲಿನ ಆರೈಕೆ ಮಾಡಬಹುದು.

1. ಕೂದಲು ಹೆಚ್ಚು ಸಿಕ್ಕಾಗುತ್ತಿದ್ದರೆ ಅಂತಹ ಕೂದಲನ್ನು ಕೆಳಭಾಗದಿಂದ ಬಾಚಿದರೆ ಸುಲಭವಾಗಿ ಸಿಕ್ಕನ್ನು ಬಿಡಿಸಬಹುದು.

2. ಹೆಚ್ಚಾಗಿ ಸಿಕ್ಕಾಗುವ ಕೂದಲನ್ನು ಎಣ್ಣೆಯಿಂದ ಮಸಾಜ್ ಮಾಡಿ ನಂತರ ಬಾಚಿ ಜಡೆ ಹೆಣೆಯಬೇಕು. ಈ ರೀತಿ ಮಾಡಿದರೆ ತಲೆಗೂದಲು ಸಿಕ್ಕಾಗುವುದು ಕಡಿಮೆಯಾಗುವುದು.

3. ತೇವವಾಗಿರುವ ಕೂದಲನ್ನು ಬಾಚಬಾರದು. ಆದರೆ ಸ್ವಲ್ಪ ಒಣಗಿದಾಗ ಬಾಚುವುದರಿಂದ ಈ ಕೂದಲು ಅಷ್ಟಾಗಿ ಗಂಟಾಗುವುದಿಲ್ಲ.

4. ಒಣ ಕೂದಲಿನಲ್ಲಿ ಹೆಚ್ಚಾಗಿ ಆಗುವುದರಿಂದ ಎಣ್ಣೆ , ಮೆಹಂದಿ ಹಚ್ಚಿ ಕೂದಲಿನಲ್ಲಿ ತೇವಾಂಶವನ್ನು ಕಾಪಾಡಬೇಕು.

5. ಕೂದಲು ಕವಲೊಡದರೆ ಅದನ್ನು ಕತ್ತರಿಸುವುದರಿಮದ ಕೂದಲಿನ ಬೆಳವಣಿಗೆ ಸಹಕಾರಿ ಆಗುತ್ತದೆ.

6. ಪ್ರಯಾಣ ಮಾಡುವಾಗ ಕೂದಲನ್ನು ಗಾಳಿಗೆ ಹಾರಾಡಲು ಬಿಡಬಾರದು. ಅಲ್ಲದೆ ಕೂದಲನ್ನು ದಿನಕ್ಕೆ 2-3 ಬಾರಿ ಬಾಚ ಬೇಕು.