ಪುರುಷರು ಚರ್ಮದ ಟ್ಯಾನ್ ಅನ್ನು ಹೋಗಲಾಡಿಸಲು ಮನೆ ಮದ್ದುಗಳು

ಮೊಸರು:-

ಮೊಸರು ಬೇಸಿಗೆಯಲ್ಲಿ ದೇಹವನ್ನು ತಂಪಾಗಿರಿಸಲು ಸಹಾಯಕವಾಗುತ್ತದೆ.ಮೊಸರು ರಂದ್ರಗಳನ್ನು ಬಿಗಿಗೊಳಿಸುವುದರ ಮೂಲಕ ಟ್ಯಾನ್ ಆಗುವುದನ್ನು ತಡೆಯುತ್ತದೆ.ಒಂದು ತಟ್ಟೆಯಲ್ಲಿ ಮೊಸರನ್ನು ತೆಗೆದುಕೊಂಡು ಅದಕ್ಕೆ ಟೊಮೇಟೊ ಮತ್ತು ಸೌತೆಕಾಯಿಯ ರಸವನ್ನು ಸೇರಿಸಿ.ಇದಕ್ಕೆ ಅರ್ಧ ಕಪ್ ನಷ್ಟು ಕಡಲೆ ಹಿಟ್ಟನ್ನು ಬೆರೆಸಿ.ಇದನ್ನು ಚೆನ್ನಾಗಿ ಬೆರೆಸಿ ಮುಖ ಮತ್ತು ಕತ್ತಿನ ಭಾಗಕ್ಕೆ ಹಚ್ಚಿ.ಇದನ್ನು ಅರ್ಧ ಮುಕ್ಕಾಲು ಗಂಟೆಯವರೆಗೆ ಹಾಗೆಯೇ ಬಿಟ್ಟು ನಂತರ ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ.

ನಿಂಬೆ ರಸ :-

ನಿಂಬೆಹಣ್ಣು ಬ್ಲೀಚಿಂಗ್ ಎಂದೇ ಹೇಳಬಹುದು.ನಿಮ್ಮ ಮುಖ ಟ್ಯಾನ್ ಆದ ಭಾಗಕ್ಕೆ ತಾಜಾ ನಿಂಬು ರಸವನ್ನು ಹಚ್ಚಬಹುದು.ನಿಂಬೆ ರಸಕ್ಕೆ ಸಕ್ಕರೆ ಬೆರೆಸಿ ಕೂಡ ಬಳಸಬಹುದು.ಇದನ್ನು ವಾರದಲ್ಲಿ ಎರಡು ಮೂರು ಬಾರಿ ಬಳಸುವುದರಿಂದ ಉತ್ತಮ ಪರಿಣಾಮವನ್ನು ಕಾಣಬಹುದು.

ಆಲೂಗಡ್ಡೆ :-

ಸೂರ್ಯನ ಕಿರಣಗಳಿಂದ ಟ್ಯಾನ್ ಆದ ಚರ್ಮದ ಪದರ ಹೊರತೆಗೆಯಬೇಕು ಎಂದರೆ ನೀವು ಆಲೂಗಡ್ಡೆ ಬಳಸಬಹುದು.ಆಲೂಗಡ್ಡೆಯಲ್ಲಿ ವಿಟಮಿನ್ ಸಿ ಇರುವುದರಿಂದ ಇದು ಸ್ವಾಭಾವಿಕ ಬ್ಲೀಚ್ ಆಗಿ ಕೆಲಸ ಮಾಡುತ್ತದೆ.ಎರಡು ಸಣ್ಣ ಆಲೂಗಡ್ಡೆ ತೆಗೆದುಕೊಳ್ಳಿ,ಇದರ ಸಿಪ್ಪೆ ತೆಗೆದು ಕತ್ತರಿಸಿ ಮಿಕ್ಸರ್ ನಲ್ಲಿ ಬ್ಲೆಂಡ್ ಮಾಡಿ.ಇದನ್ನು ಮುಖಕ್ಕೆ ಹಚ್ಚಿ ಅರ್ಧ ಗಂಟೆ ಬಿಟ್ಟು ತೊಳೆಯಿರಿ ಮತ್ತು ನಿಮ್ಮ ಮುಖ ಟ್ಯಾನ್ ಮುಕ್ತವಾಗುವುದನ್ನು ಕಾಣಬಹುದು.

ಆಲೋವೆರ :-

ನಿಮ್ಮ ಮನೆಯ ಹೂತೋಟದಲ್ಲಿ ಆಲೋವೆರ ಇರಲೇಬೇಕು, ಇದು ತ್ವಚೆ ಮತ್ತು ಆರೋಗ್ಯಕ್ಕೆ ಕೂಡ ಸಹಾಯಕ್ಕೆ ಬರುತ್ತದೆ.ನೀವು ಆಲೋವೆರ ಹಚ್ಚುವುದರಿಂದ ನಿಮ್ಮ ತ್ವಚೆ ಒಂದು ವಾರದಲ್ಲಿ ಹೊಳಪನ್ನು ಪಡೆಯುತ್ತದೆ.ಇದು ತ್ವಚೆಯನ್ನು ಸ್ವಚ್ಚಗೊಳಿಸಿ,ಪೋಷಣೆ ನೀಡುತ್ತದೆ.ನೀವು ಮಲಗಲು ಹೋಗುವ ಮೊದಲು ತಾಜಾ ಆಲೋವೆರ ಬಳಸಬಹುದು,ಅಥವಾ ಬೆಳಗಿನ ಮುಂಜಾನೆ ಕೂಡ ಇದನ್ನು ಹಚ್ಚಿ ತ್ವಚೆಯ ಹೊಳಪನ್ನು ಹೆಚ್ಚಿಸಿಕೊಳ್ಳಬಹುದು.