ಸ್ಪಟಿಕ ಚೆಲುವಿನ ಕಣ್ಣಿಗಾಗಿ ಈ ವಿಧಾನ

ನಾವು ಒಬ್ಬ ವ್ಯಕ್ತಿಯ ಮುಖ ನೋಡಿದ ತಕ್ಷಣ ಅವರ ಕಣ್ಣುಗಳನ್ನು ನೋಡುತ್ತೇವೆ, ಕಣ್ಣುಗಳು ಆಕರ್ಷಕವಾಗಿದ್ದರೆ ಅವರು ನಮಗೆ ತುಂಬಾ ಆಕರ್ಷಕವಾಗಿ ಕಾಣುತ್ತಾರೆ. ಕೆಲ ಮೇಕಪ್ ಟಿಪ್ಸ್ ಬಳಸಿದರೆ ಕಣ್ಣುಗಳು ತುಂಬಾ ಆಕರ್ಷಕವಾಗಿ ಕಾಣುವಂತೆ ಮಾಡಬಹುದು. ಆದರೆ ಕಣ್ಣುಗಳು ಆಕರ್ಷಕವಾಗಿ ಕಾಣಸಬೇಕೆಂದರೆ ಮೊದಲು ಮಾಡಬೇಕಾದ ಕೆಲಸ ಅಂದರೆ ಅವುಗಳ ಆರೈಕೆ ಮಾಡಬೇಕು. ಕಣ್ಣುಗಳ ಆರೈಕೆಗೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

1. ವಾರದಲ್ಲಿ 2-3 ಬಾರಿ ಸೌತೆಕಾಯಿ ಜ್ಯೂಸ್ ಕುಡಿಯುವುದು ಒಳ್ಳೆಯದು. ಈ ರೀತಿ ಮಾಡಿದರೆ ಕಣ್ಣುಗಳ ಸುತ್ತ ಇರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಬಹುದು.

2. ಬಾದಾಮಿ ಮತ್ತು ಜೇನನ್ನು ಸಮಪ್ರಮಾಣದಲ್ಲಿ ತೆಗೆದುಕೊಂಡು ಅದನ್ನು ಮಿಶ್ರ ಮಾಡಿ ಕಣ್ಣಿನ ಸುತ್ತ ಹಚ್ಚಿ ಅರ್ಧ ಗಂಟೆಯ ಬಳಿಕ ತೊಳೆಯಬೇಕು. ಈ ರೀತಿ 2-3 ವಾರಗಳ ಕಾಲ ಮಾಡಿದರೆ ಕಣ್ಣಿನ ಸುತ್ತ ಕಪ್ಪು ವರ್ತುಲವಿರುವುದಿಲ್ಲ.

3. ಮಿತಿ ಮೀರಿ ಟೀ ಕುಡಿಯುವುದು, ಅಧಿಕ ಎಣ್ಣೆ ಪದಾರ್ಥಗಳನ್ನು ತಿನ್ನುವುದು, ಖಾರ ತಿನ್ನುವುದನ್ನು ಮಾಡಿದರೆ ಕಣ್ಣಿನ ಸುತ್ತ ಕಪ್ಪು ಕಲೆಗಳು ಹೆಚ್ಚಾಗುವುದು. ಆದ್ದರಿಂದ ಈ ಅಭ್ಯಾಸವನ್ನು ಮೊದಲು ಬಿಡಬೇಕು.

5. ಸ್ನಾನದ ನಂತರ ಒಂದು ತಟ್ಟೆಯಲ್ಲಿ ಶುದ್ಧವಾದ ನೀರು ಹಿಡಿದುಕೊಂಡು ಅದರಲ್ಲಿ ಕಣ್ಣನ್ನು ನೆನೆಸಿದರೆ ಕಣ್ಣು ತುಂಬಾ ಶುದ್ಧವಾಗುವುದು.

6. ವಿಟಮಿನ್ ಇ ಎಣ್ಣೆಯನ್ನು ಮುಖಕ್ಕೆ ಮತ್ತು ಕಣ್ಣಿನ ಸುತ್ತ ಹಚ್ಚಿದರೆ ತುಂಬಾ ಒಳ್ಳೆಯದು, ಮುಖದಲ್ಲಿ ನೆರಿಗೆ ಮೊದಲು ಕಣ್ಣಿನ ಪಕ್ಕ ಬೀಳುವುದರಿಂದ ಈ ಎಣ್ಣೆ ಹಚ್ಚುತ್ತಿದ್ದರೆ ಅಕಾಲಿಕ ನೆರಿಗೆ ಮೂಡುವುದನ್ನು ತಡೆಗಟ್ಟಬಹುದು.

7. ಮಲಗುವ ಮುಂಚೆ ರೋಸ್ ವಾಟರ್ ನಿಂದ ಕಣ್ಣಿನ ಭಾಗವನ್ನು ಸ್ವಚ್ಛಗೊಳಿಸಿದರೆ ಒಳ್ಳೆಯದು.

8. ಸಮಯ ಸಿಕ್ಕಿದಾಗ ಸೌತೆಕಾಯಿಯನ್ನು ವೃತ್ತಾಕಾರವಾಗಿ ಕತ್ತರಿಸಿ ಅದನ್ನು ಕಣ್ಣಿಗೆ ಇಟ್ಟು ವಿಶ್ರಾಂತಿ ತೆಗೆದುಕೊಳ್ಳಿ. ಈ ರೀತಿ ಮಾಡಿದರೆ ಕಣ್ಣಿಗೆ ಕಪ್ಪುವರ್ತುಲ ಬೀಳುವ ಸಮಸ್ಯೆ ಇರುವುದಿಲ್ಲ.

9. ನಿಂಬೆ ರಸ ಮತ್ತು ಟೊಮೆಟೊ ರಸವನ್ನು ಸಮಪ್ರಮಾಣದಲ್ಲಿ ಮಿಶ್ರ ಮಾಡಿ ಕಣ್ಣಿನ ಸುತ್ತ ಮುಖ ಸುತ್ತ ಹಚ್ಚಿದರೆ ಮುಖದ ಕಾಂತಿ ಹೆಚ್ಚುವುದು.

10. ಕಣ್ಣಿನ ವ್ಯಾಯಾಮ ಮಾಡಬೇಕು, ತುಂಬಾ ಹೊತ್ತು ಕಂಪ್ಯೂಟರ್ ನೋಡಿ ಕೆಲಸ ಮಾಡಬಾರದು. ಒಂದು ಗಂಟೆಗೆ ಒಮ್ಮೆ ಕಣ್ಣಿಗೆ ಸ್ವಲ್ಪ ವಿಶ್ರಾಂತಿ ಕೊಡಬೇಕು. ಕಣ್ಣನ್ನು ಆಗಾಗ ಮಿಣುಕಿಸುತ್ತಾ ಇರಬೇಕು. ಈ ರೀತಿ ಮಾಡಿದರೆ ಕಣ್ಣಿನ ಆರೋಗ್ಯ ಹೆಚ್ಚುವುದು.

ಆರೋಗ್ಯವಂತ ಕಣ್ಣುಗಳು ಮುಖಕ್ಕೆ ಆಕರ್ಷಣೆಯನ್ನು ತರುತ್ತದೆ.