ನೇಲ್ ಪಾಲೀಷ್ ಬೇಗನೆ ಒಣಗಲು ಕೆಲ ಸಲಹೆಗಳು

ನೇಲ್ ಪಾಲೀಷ್ ಅನ್ನು ಹಚ್ಚುವ ರೀತಿ ಗೊತ್ತಿದ್ದರೆ ಮಾತ್ರ ಆ ನೇಲ್ ಪಾಲೀಷ್ ನಿಮ್ಮ ಕೈ ಮತ್ತು ಕಾಲು ಬೆರಳುಗಳ ಅಂದವನ್ನು ಹೆಚ್ಚಿಸುತ್ತದೆ. ನೇಲ್ ಪಾಲೀಷ್ ಹಾಕಿ ಅದು ಸಂಪೂರ್ಣ ಒಣಗುವವರೆಗೆ ಬಿಡಬೇಕು. ಇಲ್ಲದಿದ್ದರೆ ಬೆರಳುಗಳಿಗೆ ಸ್ವಲ್ಪ ಏನಾದರೂ ತಾಗಿದರೆ ನೇಲ್ ಪಾಲಿಷ್ ಅಳಸಿ ಹೋಗುವುದು, ಈ ರೀತಿಯಾದರೆ ಬೆರಳುಗಳು ಸುಂದರವಾಗಿ ಕಾಣುವುದಿಲ್ಲ. ಪುನಃ ರಿಮೋವರ್ ನಿಂದ ತೆಗೆದು ನೇಲ್ ಪಾಲೀಷ್ ಹಚ್ಚಬೇಕು, ಡಬಲ್ ಕೆಲಸವಾಗುತ್ತದೆ. ನೇಲ್ ಪಾಲಿಷ್ ಹಾಕಿದ ತಕ್ಷಣ ಒಣಗಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸಬಹುದು.

1. ನೇಲ್ ಪಾಲೀಷ್ ಬಾಟಲಿಯನ್ನು ಶೇಕ್ ಮಾಡಬೇಕು: ನೇಲ್ ಪಾಲಿಷ್ ಹಾಗೇ ಇಟ್ಟಿರುವುದರಿಂದ ಅದು ಸ್ವಲ್ಪ ಗಟ್ಟಿಯಾಗಿರುತ್ತದೆ. ಆದ್ದರಿಂದ ಅದನ್ನು ಹಾಕುವ ಮೊದಲು ಶೇಕ್(ಅಲ್ಲಾಡಿಸಬೇಕು) ಮಾಡಬೇಕು. ಸ್ವಲ್ಪ ಗಟ್ಟಿ ಅನಿಸದರೆ ಸ್ವಲ್ಪ ಅಸಿಟೋನ್ ಹಾಕಿ ಚೆನ್ನಾಗಿ ಶೇಕ್ ಮಾಡಿದರೆ ಉಗುರುಗಳಿಗೆ ನೀಟಾಗಿ ಹಾಕಬಹುದು.

2. ಹಾಕುವ ರೀತಿ: ನೇಲ್ ಪಾಲಿಷ್ ಅನ್ನು ಒಂದು ಬಾರಿ ಹಚ್ಚಿ, ಡಬಲ್ ಕೋಟ್ ಕೊಡಬೇಕೆನಿಸಿದರೆ ಆ ಕ್ಷಣವೇ ಕೊಡಬೇಡಿ. ಮೊದಲು ಹಾಕಿದ ನೇಲ್ ಪಾಲೀಷ್ ಚೆನ್ನಾಗಿ ಒಣಗಿದ ನಂತರ ಹಚ್ಚಬೇಕು.

3. ಹೇರ್ ಡ್ರೈಯರ್ ಬಳಸಬಹುದು: ನೇಲ್ ಪಾಲಿಷ್ ಹಚ್ಚಿ ಹೇರ್ ಡ್ರೈಯರ್ ಬಳಸಿದರೆ ಬೇಗನೆ ಒಣಗುವುದು. ಏಕೆಂದರೆ ಹೇರ್ ಡ್ರೈಯರ್ ಪೇಯಿಂಟ್ ನಲ್ಲಿರುವ ತೇವಾಂಶ ಬೇಗನೆ ಆರುವಂತೆ ಮಾಡುತ್ತದೆ.

4.ತಣ್ಣನೆಯ ನೀರು: ನೇಲ್ ಪಾಲಿಷ್ ಹಚ್ಚಿ ಅದನ್ನು ಮುಟ್ಟಿ ನೋಡುತ್ತಿರಬಾರದು. ಹಾಗೆ ಮುಟ್ಟಿದರೆ ಉಗುರು ಗುರುತು ನೇಲ್ ಪಾಲಿಷ್ ಮೇಲೆ ಬಿದ್ದು , ಉಗುರು ಕ್ಲೀನ್ ಇಲ್ಲದ ರೀತಿ ಕಾಣುತ್ತದೆ. ಅದರ ಬದಲು ನೇಲ್ ಪಾಲೀಷ್ ಹಚ್ಚಿ ಕೈ ಬೆರಳನ್ನು ತಣ್ಣೀರಿನಲ್ಲಿ ನೆನೆಸಿ. ಈ ರೀತಿ ಮಾಡಿದರೆ ನೇಲ್ ಬೇಗನೆ ಒಣಗುತ್ತದೆ.