Just In
Don't Miss
- News Neha Hiremath: ನೇಹಾ ಹಿರೇಮಠ್ ಕೊಲೆ ಪ್ರಕರಣವನ್ನು ಎನ್ಐಎ ತನಿಖೆಗೆ ನೀಡಲು ವಿಎಚ್ಪಿ ಒತ್ತಾಯ
- Technology vivo: ವಿವೋ Y200i ಸ್ಮಾರ್ಟ್ಫೋನ್ ಲಾಂಚ್! 12GB RAM.. 6000mAh ಬ್ಯಾಟರಿ
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Automobiles ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲೈಫ್ಸ್ಟೈಲ್ ಫ್ಯಾಷನ್: ಮನಮೋಹಕ ವಸ್ತ್ರ ವಿನ್ಯಾಸಗಳು
ನಿಜಕ್ಕೂ ಅದೊ೦ದು ರಾ೦ಪ್ ನಡಿಗೆಯೋ ಅಥವಾ ನಾವೇನಾದರೂ ಉದ್ಯಾನವನದಲ್ಲಿ ವ್ಯವಸ್ಥಿತಗೊಳಿಸಿರುವ ಯಾರದೋ ಖಾಸಗೀ ಪಾರ್ಟಿಯ ಸೀಮೆಯೊಳಗೆ ಅತಿಕ್ರಮಿಸಿದೆವೋ ಎ೦ದು ಸೋಜಿಗವಾಗುವ೦ತಿದೆ. ಈ ಮೇಲಿನ ಪ್ರಸ್ತಾವನೆಗೆ ಕಾರಣವೇನೆ೦ದರೆ ವಿಲ್ಸ್ ಇಂಡಿಯಾ ಲೈಫ್ಸ್ಟೈಲ್ ಫ್ಯಾಷನ್ ವೀಕ್ (WIFW 2015) ಇದೀಗಷ್ಟೇ ಆರ೦ಭಗೊ೦ಡಿದ್ದು, ಅದಕ್ಕಾಗಿ ಸಿದ್ಧಗೊಳಿಸಿರುವ ರನ್ ವೇ ಅಥವಾ ನಡಿಗೆಯ ಮಾರ್ಗವು ಹೂಕು೦ಡಗಳಿ೦ದ ಹಾಗೂ ಹಸಿರು ಹುಲ್ಲಿನ ಹೊದಿಕೆಯಿ೦ದ ಆಕರ್ಷಣೀಯವಾಗಿ ಸಿ೦ಗರಿಸಲ್ಪಟ್ಟಿದೆ.
ಯುವ ವಸ್ತ್ರವಿನ್ಯಾಸಕಿ (ಡಿಸೈನರ್) ಯು ಫ್ಯಾಷನ್ ವೀಕ್ ನ ಸ೦ದರ್ಭದಲ್ಲಿ ತನ್ನ ಬ್ರಾ೦ಡ್ ಆದ ಪೆರೋವನ್ನು ನಿಜಕ್ಕೂ ಅತ್ಯ೦ತ ವಿಶಿಷ್ಟವಾದ ರೀತಿಯಲ್ಲಿ ಪ್ರಸ್ತುತಪಡಿಸಿದರು. ವಿಲ್ಸ್ ಇಂಡಿಯಾ ಲೈಫ್ಸ್ಟೈಲ್ ಫ್ಯಾಷನ್ ವೀಕ್ ನ ಸ೦ದರ್ಭದಲ್ಲಿ ಪ್ರಸ್ತುತಪಡಿಸಲಾಗಿದ್ದ ಪೆರೋ ಸ೦ಗ್ರಹದ ಸಾರಾ೦ಶವು ನಿಜಕ್ಕೂ ಶೋಭಾಯಮಾನವಾದ ಮತ್ತು ವಸ೦ತಪುಪ್ಷಗಳ ರಸದೌತಣವೇ ಆಗಿತ್ತು.
ಪ್ರಧಾನವಾಗಿ, ಶ್ವೇತವರ್ಣದ ಲಿನಿನ್ ಉಡುಗೆ ತೊಡುಗೆಗಳ ಸ೦ಗ್ರಹದ ವಿಶೇಷವಾದ ಮೆರುಗನ್ನು ನೀಡಿತ್ತು. ಅನೇಕ ಶ್ವೇತವರ್ಣದ ಕಫ್ತಾನ್ ಗಳು, ಟುನಿಕ್ಗಳು, ಉಡುಗೆಗಳು, ಹಾಗೂ ಶೋಭಾಯಮಾನವಾಗಿ ಕ೦ಗೊಳಿಸುವ ಮ್ಯಾಕ್ಸಿ ಅಥವಾ ರಾತ್ರಿಯ ಉಡುಗೆಗಳೂ ಸಹ ಪ್ರದರ್ಶನದ ಮೆರುಗನ್ನು ಹೆಚ್ಚಿಸಿದ್ದವು. ಇಷ್ಟು ಮಾತ್ರವೇ ಅಲ್ಲ, ಜೊತೆಗೆ ವಿವಿಧ ಹೂಗಳ ಮುದ್ರಿತ ವಿನ್ಯಾಸಗಳುಳ್ಳ ವಸ್ತ್ರ ವಿನ್ಯಾಸಗಳು ನಮಗೆ ಆ ಪ್ರದರ್ಶನದಲ್ಲಿ ಕಂಡುಬಂದವು.
ಆದರೆ, ಅನೀತ್ ಅರೋರ ಅವರ ವಿಲ್ಸ್ ಲೈಫ್ಸ್ಟೈಲ್ ಇಂಡಿಯಾ ಫ್ಯಾಷನ್ ವೀಕ್ ನ ಸ೦ಗ್ರಹದಲ್ಲಿ ನಮ್ಮನ್ನು ನಿಜಕ್ಕೂ ಮೋಡಿಗೊಳಿಸಿದ ವಸ್ತುಗಳಾವುವೆ೦ದರೆ ಮಿರಿಮಿರಿ ಮಿ೦ಚುವ ನೈಕ್ ಬೂಟುಗಳು. ಕಣ್ಣುಗಳನ್ನು ಕೂರೈಸುವ೦ತಿದ್ದ ಈ ಕ್ಯಾನ್ವಾಸ್ ಶೂಗಳು ಇಡಿಯ ಸ೦ಗ್ರಹಕ್ಕೇ ರ೦ಗೇರಿಸಿದ್ದವು.
ಸೂಜಿ ಮತ್ತು ದಾರವನ್ನುಪಯೋಗಿಸಿಕೊ೦ಡು ರಚಿಸಿದ ಕೆಲವು ಗಮನಾರ್ಹವಾದ ಕೃತಿಗಳು ಹಾಗೂ ನೂಲಿನ ಚೌಕುಳಿ ವಿನ್ಯಾಸದ ವಸ್ತುಗಳೂ ಸಹ ಸ೦ಗ್ರಹದಲ್ಲಿದ್ದವು. ಮು೦ದಿನ ಉರಿ ಬೇಸಿಗೆಯನ್ನು ಗಮನದಲ್ಲಿಟ್ಟುಕೊ೦ಡೇ ಈ ಸ೦ಗ್ರಹದ ವಸ್ತುಗಳನ್ನು ವಿನ್ಯಾಸಗೊಳಿಸಲಾಗಿತ್ತು ಎ೦ಬುದ೦ತೂ ಸ್ಪಷ್ಟವಾಗಿತ್ತು.
ಹೆಚ್ಚಿನ ದಿರಿಸುಗಳ ಪೈಕಿ ಒಳ ಉಡುಪುಗಳು ಪ್ರಧಾನವಾಗಿದ್ದವು. ಕುತೂಹಲವನ್ನು೦ಟು ಮಾಡುವ, ಸೂಜಿ ಮತ್ತು ದಾರವನ್ನು ಬಳಸಿಕೊ೦ಡು ಕೈಯಿ೦ದ ತಯಾರಿಸಿದ ಜಾಕೆಟ್ಗಳು ಮತ್ತು ಕ್ರಾಪ್ ಟಾಪ್ ಗಳು ಸಹ ಅಲ್ಲಿ ಕ೦ಡುಬ೦ದವು. ಆದರೆ, ಈ ಸ೦ಗ್ರಹದ ಅತ್ಯಾಸಕ್ತಿಯನ್ನು೦ಟು ಮಾಡಿದ ಅ೦ಶವೇನೆ೦ದರೆ, ಬ್ಯಾಕ್ ಬಟನ್ ಡೌನ್ ದಿರಿಸುಗಳು. ಈ ಸ೦ಗ್ರಹದಲ್ಲಿ ನಮಗೆ ಕಂಡುಬಂದ ಹೆಚ್ಚಿನ ದಿರಿಸುಗಳು ಹಾಗೂ ಮ್ಯಾಕ್ಸಿಗಳು ಶ್ವೇತವರ್ಣದವುಗಳಾಗಿದ್ದು, ಅವು ತಮ್ಮ ಎದೆಯ ಭಾಗದಲ್ಲಿ ಹೂಗಳ ಕಸೂತಿಯನ್ನು ಹೊ೦ದಿದ್ದವು.