ಸ್ತ್ರೀಯರಿಗೆ ಮುಜುಗರ ತರಿಸುವ ಸಮಸ್ಯೆಗಳಿಗೆ ಪರಿಹಾರ

Wellness

oi-Reena

By ವಿವೇಕ್

Updated: Wednesday, January 30, 2013, 16:48 [IST]

ಕೆಲವೊಂದು ಕಾಯಿಲೆಗಳು ಇನ್ನೊಬ್ಬರ ಹತ್ತಿರ ಹೇಳಿಕೊಳ್ಳಲು ತುಂಬಾ ನಾಚಿಕೆಯಾಗುತ್ತದೆ. ಇನ್ನೊಬ್ಬರ ಹತ್ತಿರ ಹೋಗಲಿ ವೈದ್ಯರ ಹತ್ತಿರ ಹೇಳಿಕೊಳ್ಳಲು ನಾಚಿಕೆಯಾಗುತ್ತದೆ. ಈ ರೀತಿ ಮುಜುಗರ ತರಿಸುವ ಕಾಯಿಲೆಗಳು ಪುರುಷ ಮತ್ತು ಮಹಿಳೆ ಇಬ್ಬರಲ್ಲೂ ಕಂಡು ಬರುತ್ತದೆ.

ಗುಪ್ತಾಂದಲ್ಲಿ ತುರಿಕೆ, ಲೈಂಗಿಕ ಸಮಸ್ಯೆ, ತುರಿಕೆ ಈ ರೀತಿಯ ಸಮಸ್ಯೆಗಳನ್ನು ಇನ್ನೊಬ್ಬರ ಹತ್ತಿರ ಹೇಳಿಕೊಳ್ಳಲು ಸಾಧ್ಯವಿಲ್ಲ, ಆ ಕಾಯಿಲೆಗಳು ಕೊಡುವ ಹಿಂಸೆಯನ್ನು ತಡೆದುಕೊಳ್ಳಲು ಸಾಧ್ಯವಿಲ್ಲ. ಅಂತಹ ಕೆಲವು ಕಾಯಿಲೆಗಳಿಗೆ ಪರಿಹಾರ ಇಲ್ಲಿದೆ:

ತ್ವಚೆ ಸಮಸ್ಯೆ:ಎದೆ, ತೊಡೆಯ ಈ ಭಾಗದಲ್ಲಿ ಗುಳ್ಳೆ ಬಂದರೆ ಯಾರಿಗೂ ತೋರಿಸಲು ಸಾಧ್ಯವಿಲ್ಲ. ಆಗ ಆ ಭಾಗವನ್ನು ಸೋಂಕಾಣುಗಳನ್ನು ನಾಶಮಾಡುವಂತಹ ಸೋಫು ಬಳಸಿ ತೊಳೆದು ನಂತರ ಮುಲಾಮು ಹಚ್ಚಿದರೆ ಸಾಕು. ಒಣಗುತ್ತದೆ. ಗಾಯಕ್ಕೆ ಅರಿಶಿಣ ಕೂಡ ಹಾಕಿದರೆ ಅರಿಶಿಣ ನಂಜನ್ನು ಹೀರಿಕೊಂಡು ಒಣಗುತ್ತದೆ.

ಮುಟ್ಟಿನ ಸಮಯದಲ್ಲಿ ದುರ್ನಾತ: ಪ್ಯಾಡ್ ಅನ್ನು 5 -6 ಗಂಟೆಗಳಗೊಮ್ಮೆ ಬದಲಾಯಿಸಬೇಕು. ತುಂಬಾ ಹೊತ್ತು ಪ್ಯಾಡ್ ಅನ್ನು ಇಟ್ಟರೆ ದುರ್ನಾತದ ಜೊತೆಗೆ ತುರಿಕೆ ಮುಂತಾದ ಸಮಸ್ಯೆಗಳು ಕಂಡು ಬರುಬಹುದು. ಆದ್ದರಿಂದ ಮುಟ್ಟಿನ ಸಮಯದಲ್ಲಿ ಸ್ವಚ್ಛತೆಗೆ ಆದ್ಯತೆ ಕೊಡಬೇಕು.

ಕಡು ಹಳದಿ ಬಣ್ಣದ ಮೂತ್ರ: ಮೂತ್ರ ತುಂಬಾ ಹಳದಿ ಬಣ್ಣದಲ್ಲಿದ್ದು ತುಂಬಾ ವಾಸನೆಯಿಂದ ಕೂಡಿದ್ದರೆ ಅಂತಹ ಸಮಸ್ಯೆಯನ್ನು ತುಂಬಾ ನೀರು ಕುಡಿಯಿರಿ, ಸಿಟ್ರಸ್ ಆಹಾರಗಳನ್ನು ತಿನ್ನಿ.

ಗ್ಯಾಸ್ ಸಮಸ್ಯೆ: ಗ್ಯಾಸ್ಟ್ರಿಕ್ ಇರುವವರಿಗೆ ಗ್ಯಾಸ್ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಆದ್ದರಿಂದ ಗ್ಯಾಸ್ ಬರದಂತೆ ತಡೆಯಲು ಗೋಧಿಯಿಂದ ಮಾಡಿದ ಪದಾರ್ಥಗಳನ್ನು ತಿನ್ನಿ. ಕಾರ್ಬೋಹೈಡ್ರೇಟ್, ಎಲೆಕೋಸು, ಕಿಡ್ನಿ ಬೀನ್ಸ್ ಈ ರೀತಿಯ ಆಹಾರಗಳಿಂದ ದೂರವಿಡಿ.

ಗುಪ್ತಾಂಗ ವಾಸನೆ ಬೀರುವುದು: ಈ ಸಮಸ್ಯೆ ಇರುವವರು ಗುಪ್ತಾಂಗವನ್ನು ಶುಚಿಯಾಗಿ ಇಟ್ಟುಕೊಳ್ಳಬೇಕು. ತುಂಬಾ ನೀರು ಮತ್ತು ಹಣ್ಣು ತಿನ್ನಬೇಕು. ಈ ಭಾಗ ಶುಚಿಯಾಗಿ ಇಟ್ಟುಕೊಳ್ಳದಿದ್ದರೆ ತುರಿಕೆ, ಕಜ್ಜಿ ಸಮಸ್ಯೆ ಕಂಡು ಬರಬಹುದು. ಆದ್ದರಿಂದ ಈ ಭಾಗದ ಶುಚಿತ್ವಕ್ಕೆ ಹೆಚ್ಚಿನ ಮಹತ್ವ ಕೊಡಬೇಕು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.