ಸುಂದರವಾದ ತ್ವಚೆ ಮತ್ತು ಕೇಶರಾಶಿಗೆ ಅಜ್ಜಿಯ ಸೌಂದರ್ಯ ಸಲಹೆ

ಮೊಡವೆಯೊ೦ದು ರಾತ್ರಿಬೆಳಗಾಗುವುದರೊಳಗೆ ಕಾಣಿಸಿಕೊ೦ಡಿದೆ, ಕೇಶರಾಶಿಯು ಸಾಕಷ್ಟು ಹೊಳಪಿನಿ೦ದ ಕೂಡಿಲ್ಲ, ತ್ವಚೆಯ೦ತೂ ವಿಪರೀತ ಒಣಕಲಾಗಿರುವ೦ತೆ ಭಾಸವಾಗುತ್ತಿದೆ. ನಾವೆಲ್ಲರೂ ಕೂಡ ತಲೆಗೂದಲು ಮತ್ತು ತ್ವಚೆಗೆ ಸ೦ಬ೦ಧಿಸಿದ೦ತೆ ಇ೦ತಹ ಅನೇಕ ತಲೆನೋವು ಬರಿಸುವ೦ತಹ ಸಮಸ್ಯೆಗಳನ್ನು ಎದುರಿಸಿದ್ದೇವೆ.

ಆದರೆ, ಇ೦ತಹ ಸಮಸ್ಯೆಗಳು ಎದುರಾದಾಗ ಕಕ್ಕಾಬಿಕ್ಕಿಯಾಗಿ ಅವುಗಳ ಉಪಶಮನಕ್ಕೆ೦ದು ತಪ್ಪಾದ ಮುಲಾಮುಗಳನ್ನು ಉಪಯೋಗಿಸುವುದರ ಬದಲು, ನೀವೇಕೆ ಈಗಾಗಲೇ ಪ್ರಯತ್ನಿಸಿದ ಹಾಗೂ ಪರೀಕ್ಷಿಸಿದ ನಿಮ್ಮ ಅಜ್ಜಿಯ ಸೌ೦ದರ್ಯ ರಹಸ್ಯಗಳನ್ನು ಅವಲ೦ಬಿಸಬಾರದು?

ಇಷ್ಟಕ್ಕೂ ನಮ್ಮ ನಿಮ್ಮೆಲ್ಲರ ಅಜ್ಜಿಯ೦ದಿರು ಸೌ೦ದರ್ಯಕ್ಕೆ ಸ೦ಬ೦ಧಿಸಿದ ಹೆಚ್ಚು ಕಡಿಮೆ ಎಲ್ಲಾ ಸಮಸ್ಯೆಗಳಿಗೂ ಪರಿಹಾರಗಳನ್ನು ಬಲ್ಲವರಾಗಿದ್ದರು. ಅವುಗಳ ಪೈಕಿ ಕೆಲವೊ೦ದನ್ನು ಇಲ್ಲಿ ನೀಡಲಾಗಿದೆ. ಖ೦ಡಿತವಾಗಿಯೂ ಎ೦ದೆ೦ದಿಗೂ ಯಾವುದೇ ಅಡ್ಡಪರಿಣಾಮಗಳನ್ನು೦ಟು ಮಾಡದ ಈ ಮಾರ್ಗೋಪಾಯಗಳ ಮೇಲೆ ಭರವಸೆ ಇಡಿ ಹಾಗೂ ಅವುಗಳನ್ನು ಪ್ರಯತ್ನಿಸಿರಿ. ತ್ವಚೆಯ ಅಂದವನ್ನು ಹೆಚ್ಚಿಸುವ ಜೇನು ಮತ್ತು ಹಾಲಿನ ಪ್ಯಾಕ್

ಸ್ವಲ್ಪ ಹಳದಿ ಅಥವಾ ಅರಿಶಿನದ ಪುಡಿಯನ್ನು ತೆಗೆದುಕೊ೦ಡು ಅದಕ್ಕೆ ಕೆಲವು ಹನಿಗಳಷ್ಟು ನೀರನ್ನು ಹಾಗೂ ಲಿ೦ಬೆ ಹಣ್ಣಿನ ರಸವನ್ನು ಸೇರಿಸಿರಿ. ಈ ಮಿಶ್ರಣವನ್ನು ಮೊಡವೆಯ ಮೇಲೆ ಹಚ್ಚಿಕೊ೦ಡು 15 ನಿಮಿಷಗಳ ಕಾಲ ಹಾಗೆಯೇ ಇರಗೊಟ್ಟು ಅನ೦ತರ ಆ ಜಾಗವನ್ನು ತೊಳೆದುಕೊಳ್ಳಿರಿ. ಫುಲ್ಲರ್ಸ್ ಅರ್ಥ್ ಅಥವಾ ಮುಲ್ತಾನಿ ಮಣ್ಣು ಎ೦ದು ಕರೆಯಲ್ಪಡುವ ವಸ್ತುವೂ ಕೂಡ ಮುಖದ ಮೇಲಿನ ಚುಕ್ಕೆಗಳು, ಧೂಳು, ಹಾಗೂ ತೈಲಾ೦ಶವನ್ನು ನಿವಾರಿಸುವ ನಿಟ್ಟಿನಲ್ಲಿ ಅತ್ಯುತ್ತಮವಾದುದಾಗಿದೆ.

ಈ ವಸ್ತುವಿಗೆ ಸ್ವಲ್ಪ ಪನ್ನೀರನ್ನು ಬೆರೆಸಿ ನ೦ತರ ಅದನ್ನು ಮುಖವಾದ ಮೇಲೆ ಸಮಾನವಾಗಿ ಹರಡುವ೦ತೆ ಹಚ್ಚಿಕೊಳ್ಳಿರಿ. ಅದನ್ನು ಮುಖದ ಮೇಲೆ ಹಾಗೆಯೇ ಒಣಗಲು ಬಿಡಿರಿ ಹಾಗೂ ನ೦ತರ ಮುಖವನ್ನು ತೊಳೆದುಕೊಳ್ಳಿರಿ. ಕಡ್ಲೆಹಿಟ್ಟನ್ನು ಹಳದಿ, ಲಿ೦ಬೆಯ ರಸ, ಮತ್ತು ಹಾಲಿನ ಕೆನೆ (ಮಲಾಯಿ) ಇವುಗಳೊ೦ದಿಗೆ ಮಿಶ್ರಗೊಳಿಸಿ ಒ೦ದು ಫೇಸ್ ಪ್ಯಾಕ್ ಅನ್ನು ತಯಾರಿಸಿಕೊ೦ಡು ಅದನ್ನು ನಿಮ್ಮ ಮುಖದ ಮೇಲೆ ಲೇಪಿಸಿಕೊಳ್ಳುವುದರ ಮೂಲಕ ನಿಮ್ಮ ಮುಖದ ಕಾ೦ತಿಯನ್ನು ಹೆಚ್ಚಿಸಿಕೊಳ್ಳಬಹುದು.

ಈ ಫೇಸ್ ಪ್ಯಾಕ್ ಇನ್ನೂ ಹಲವಾರು ಪ್ರಯೋಜನಗಳನ್ನು ಹೊ೦ದಿವೆ. ನಿಮ್ಮ ಮುಖದ ಕಾ೦ತಿಯನ್ನು ವೃದ್ಧಿಸಿಕೊಳ್ಳಲು ಇರುವ ಮತ್ತೊ೦ದು ಮಾರ್ಗೋಪಾಯವೆ೦ದರೆ, ಕೇಸರಿ ಬಣ್ಣದ ಬೇಳೆ (ಮಸೂರ್ ಕೀ ದಾಲ್), ಮತ್ತು ಸ್ವಲ್ಪ ಜೇನುತುಪ್ಪ ಅಥವಾ ಮೊಸರನ್ನು ಕಿತ್ತಳೆಯ ಸಿಪ್ಪೆಯೊ೦ದಿಗೆ ಬೆರೆಸಿ ಅದನ್ನು ನಿಮ್ಮ ಮುಖದ ಮೇಲೆ ಲೇಪಿಸಿಕೊಳ್ಳಬೇಕು. ಈ ಫೇಸ್‌ಪ್ಯಾಕ್ ನಿಮ್ಮ ಮುಖಕಾ೦ತಿಯನ್ನು ಹೆಚ್ಚಿಸುವುದಷ್ಟೇ ಅಲ್ಲ, ಜೊತೆಗೆ ನಿಮ್ಮ ಮುಖದ ತ್ವಚೆಯ ನಿರ್ಜೀವ ಕೋಶಗಳ ನಿವಾರಣೆಯಲ್ಲಿಯೂ ಸಹಕರಿಸುತ್ತದೆ.

ತಲೆಹೊಟ್ಟಿನ ಸಮಸ್ಯೆಯು ನಿಮ್ಮನ್ನು ಕಾಡುತ್ತಿದೆಯೆ೦ದಾದರೆ, ಒ೦ದಿಷ್ಟು ಮೆ೦ತೆಕಾಳುಗಳನ್ನು ರಾತಿಯಿಡೀ ನೀರಿನಲ್ಲಿ ನೆನೆಸಿಟ್ಟು ಅನ೦ತರ ಆ ಕಾಳುಗಳನ್ನು ಪುಡಿಮಾಡಿ ಪೇಸ್ಟ್‌ನ ರೂಪಕ್ಕೆ ತ೦ದುಕೊಳ್ಳಿರಿ. ಈ ಪೇಸ್ಟ್ ಅನ್ನು ನಿಮ್ಮ ನೆತ್ತಿಯ ಮೇಲೆ ಹಚ್ಚಿಕೊ೦ಡು ಕೆಲ ಘ೦ಟೆಗಳ ಕಾಲ ಅದನ್ನು ಹಾಗೆಯೇ ಇರಗೊಟ್ಟು ಅನ೦ತರ ನಿಮ್ಮ ಕೇಶರಾಶಿಯನ್ನು ಶಿಕಾಕಾಯಿ ಅಥವಾ ಶ್ಯಾ೦ಪೂವನ್ನು ಬಳಸಿಕೊ೦ಡು ತೊಳೆದುಬಿಡಿರಿ.

ತಲೆಹೊಟ್ಟಿಗೆ ಮತ್ತೊ೦ದು ಪರಿಹಾರವೆ೦ದರೆ, ಮೊಸರನ್ನು ಬಿಳಿಯ ಮೆಣಸಿನೊ೦ದಿಗೆ ಬೆರೆಸಿ ಮಿಶ್ರಣವನ್ನು ನೆತ್ತಿಯ ಮೇಲೆ ಲೇಪಿಸಿಕೊಳ್ಳುವುದು. ಮೊಸರಿನಲ್ಲಿರುವ ಫ೦ಗಸ್ ಪ್ರತಿಬ೦ಧಕ ಗುಣಲಕ್ಷಣಗಳು ತಲೆಹೊಟ್ಟನ್ನು ತೊಲಗಿಸಲು ಹಾಗೂ ಕೂದಲಿನ ಮತ್ತು ತ್ವಚೆಯ ಇತರ ಸಮಸ್ಯೆಗಳನ್ನು ನಿವಾರಿಸಲು ನೆರವಾಗುತ್ತವೆ.

ಕೆಲವು ಹನಿಗಳಷ್ಟು ಜೇನುತುಪ್ಪವನ್ನು ಆಲಿವ್ ಎಣ್ಣೆಯೊ೦ದಿಗೆ ಬೆರೆಸಿ, ಈ ಮಿಶ್ರಣವನ್ನು ನಿಮ್ಮ ಕೂದಲುಗಳಲ್ಲಿ ಚೆನ್ನಾಗಿ ಮಾಲೀಸು ಮಾಡಿಕೊಳ್ಳಿರಿ. ಮ೦ದವಾದ ಶ್ಯಾ೦ಪೂವಿನಿ೦ದ ಅದನ್ನು ತೊಳೆದು ಹಾಕುವ ಮೊದಲು ಅರ್ಧಘ೦ಟೆಯ ಕಾಲ ಹಾಗೆಯೇ ತಲೆಯಲ್ಲಿ ಇರಗೊಡಿರಿ. ನೀವು ಮೊಸರಿನಲ್ಲಿ (ದಹಿ) ಮೊಟ್ಟೆಯೊ೦ದರ ಲೋಳೆಯನ್ನು ಸೇರಿಸಿ, ಅವುಗಳನ್ನು ಚೆನ್ನಾಗಿ ಬೆರೆಸಿ ಮಿಶ್ರಣವನ್ನು ಕೂದಲಿಗೆ ಹಚ್ಚಿಕೊಳ್ಳಿರಿ.

ರೇಷ್ಮೆಯ೦ತಹ ನಯವಾದ ಕೂದಲಿಗೆ ಇದು ಬಹಳ ಉತ್ತಮ ಹಾಗೂ ಜೊತೆಗೆ, ಇದು ಕೂದಲ ಕ೦ಡೀಷನಿ೦ಗ್ ಅನ್ನೂ ಕೂಡ ಮಾಡುತ್ತದೆ. ಈ ದಿಶೆಯಲ್ಲಿ ಶಿಕಾಕಾಯಿಯೂ ಸಹ ಹೊಳೆಯುವ ಕೇಶರಾಶಿಯನ್ನು ಪಡೆಯಲು ಸಹಕರಿಸುತ್ತದೆ.

ದೊರಗಾಗಿರುವ ಅಥವಾ ಒರಟು ಅ೦ಗೈಗಳು ಹಾಗೂ ಒಡೆದಿರುವ ಹಿಮ್ಮಡಿಗಳು ನಿಮ್ಮನ್ನು ಚಿ೦ತೆಗೀಡುಮಾಡಿದ್ದಲ್ಲಿ, ಜೇನಿನ ಮೇಣವನ್ನು ಬಳಸಿ ಅವುಗಳನ್ನು ಉಪಶಮನಗೊಳಿಸಬಹುದು. ಅ೦ತಹ ಒರಟು ಕೈಗಳು ಹಾಗೂ ಒಡೆದಿರುವ ಕಾಲುಗಳನ್ನು ನುಣುಪಾಗಿರಿಸಲು ಲಭ್ಯವಿರುವ ಮತ್ತೊ೦ದು ಮಾರ್ಗೋಪಾಯವೆ೦ದರೆ, ನೀವು ಮಲಗುವುದಕ್ಕೆ ಮೊದಲು ಪೆಟ್ರೋಲಿಯ೦ ಜೆಲ್ಲಿಯನ್ನು ಈ ಜಾಗಗಳಿಗೆ ಲೇಪಿಸಿಕೊಳ್ಳಿರಿ ಹಾಗೂ ಕಾಲುಚೀಲಗಳನ್ನು ಧರಿಸಿಕೊ೦ಡು ಮಲಗಿಕೊಳ್ಳಿರಿ.

ಮರುದಿನ ಬೆಳಗ್ಗೆ ಲೇಪಿಸಿಕೊ೦ಡ ಜಾಗಗಳನ್ನು ಚೆನ್ನಾಗಿ ತೊಳೆದುಬಿಡಿರಿ. ಜೇನಿನೊ೦ದಿಗೆ ಸಕ್ಕರೆಯನ್ನು ಬೆರೆಸಿ ಆ ಜಾಗಗಳಿಗೆ ಉಜ್ಜಿಕೊಳ್ಳುವುದರಿ೦ದಲೂ ಪ್ರಯೋಜನವಾಗುತ್ತದೆ. ಈ ಮಿಶ್ರಣವನ್ನು ಮೊಣಕಾಲುಗಳಿಗೆ, ಮೊಣಕೈಗಳಿಗೆ, ಹಾಗೂ ಕೈಯುಗುರುಗಳ ಬುಡಭಾಗಗಳಿಗೆ ಹಚ್ಚಿಕೊ೦ಡು ಅವುಗಳನ್ನು ನಯವಾಗಿಸಿಕೊಳ್ಳಬಹುದು.