'ಗೆಳೆತನವೇ ಶ್ರೇಷ್ಠ- ಸಂಬಂಧಗಳೆಲ್ಲಾ ಕನಿಷ್ಠ' ಎನ್ನುವುದು ಸರಿಯೇ?

Talk Of The Town

oi-Sadhu

By * ಎಚ್ಎಸ್ ರೋಹಿಣಿ

Published: Friday, October 7, 2011, 8:07 [IST]

'ಅಪ್ಪನ ಹಣ ಬೇಡ' ಎನ್ನುವ ಈ ಯುವಜನ ಸಂಬಂಧಗಳಿಗಿಂತ ಗೆಳೆತನವೇ ಬದುಕಿನಲ್ಲಿ ಮುಖ್ಯ ಎಂಬ ಮತ್ತೊಂದು ಭಾಷಣವನ್ನೂ ಮಾಡುತ್ತಾರೆ. ಅವರ ಮೊಬೈಲ್‌ನ ಇನ್‌ಬಾಕ್ಸ್‌ಗಳ ತುಂಬಾ ಫ್ರೆಂಡ್‌ಗಳು ಮತ್ತು ಫ್ರೆಂಡ್‌ಶಿಪ್ ಬಗ್ಗೆ ಉದ್ದುದ್ದ ಸಂದೇಶಗಳು ಬಂದು ಬೀಳುತ್ತವೆ.

ಅದರಲ್ಲಿ ಸಂಬಂಧಗಳ ಬಗ್ಗೆ ಹೀಯಾಳಿಕೆಗಳೂ ತುಂಬಿರುತ್ತವೆ. ಒಬ್ಬರಿಗೆ ಬದುಕಿನಲ್ಲಿ ತುಂಬಾ ಒಳ್ಳೆಯ ಒಬ್ಬಿಬ್ಬರು ಗೆಳೆಯರು ಸಿಕ್ಕರೆ ಅದೇ ಹೆಚ್ಚು. ಅಂಥದ್ದರಲ್ಲಿ 'ಗೆಳೆತನವೇ ಶ್ರೇಷ್ಠ, ಸಂಬಂಧಗಳೆಲ್ಲಾ ಕನಿಷ್ಠ' ಎಂದು ಹೇಳುವ ಸಂದೇಶಗಳನ್ನು ನಂಬಿ ಅನುಸರಿಸುವವರ ಸಂಖ್ಯೆ ಏರುತ್ತಿರುವುದು ಆತಂಕಕಾರಿ.

ಪಾಶ್ಚಿಮಾತ್ಯ ದೇಶಗಳಲ್ಲಿ ಅಪ್ಪ ಬಿಟ್ಟು ಹೋದ ನಂತರ ಅಮ್ಮ ಮತ್ತೊಬ್ಬನೊಂದಿಗೆ ಬಾಳಲು ನಿರ್ಧಾರ ಮಾಡುತ್ತಾಳೆ. ಅದರಿಂದ ಬೆಳೆದ ಮಕ್ಕಳು ಅವರಿಂದ ದೂರವಾಗಿ ತಾವೇ ಸಂಪಾದನೆ ಮಾಡಿ ಬದುಕು ಕಟ್ಟಿಕೊಳ್ಳುವುದು ಅನಿವಾರ್ಯ.

ಅದು ಅವರ ಸಮಾಜದಲ್ಲಿ ಸ್ವೀಕೃತ. ಸಣ್ಣವಯಸ್ಸಿನಲ್ಲೇ ಓದಿಕೊಳ್ಳಲು ಹಣ ಗಳಿಸುವ ಅಲ್ಲಿನ ಮಂದಿ, ನಮ್ಮಂತೆ ಹಣ ಸಂಪಾದನೆಗಾಗಿ ಓದುವುದಿಲ್ಲ ಎಂಬುದು ಗಮನಿಸಬೇಕಾದ ಅಂಶ.