ಈ ರಾಶಿಯ ಸಂಗಾತಿ ಸಿಕ್ಕರೆ ಜಗಳ ಬಲು ದೂರ

ಧನು ರಾಶಿ

ಈ ರಾಶಿಯವರು ತಮಗೆ ಬೇಕಾಗಿದ್ದನ್ನು ಪಡೆಯಲು ಸದಾ ಹೋರಾಡುತ್ತಾರೆ. ಆದರೆ ಸಂಗಾತಿ ವಿಷಯಕ್ಕೆ ಬಂದಾಗ ಬೇಗ ಕೋಪಗೊಳ್ಳುವುದಿಲ್ಲ, ಜಗಳ ಮಾಡುವುದಿಲ್ಲ. ಕೆಲವೊಂದು ವಿಷಯಗಳಿಗೆ ಕೋಪ ಬರುವುದು ಮನುಷ್ಯ ಸಹಜ ಗುಣ ತಾನೆ, ಇವರೂ ಕೂಡ ಅಷ್ಟೇ ಕೋಪಗೊಂಡರೂ ಬೇಗನೆ ತಣ್ಣಗಾಗುತ್ತಾರೆ, ತಾವೇ ಏನಾದರೂ ಜೋಕ್‌ ಹೇಳಿ ಸಂಗಾತಿಯನ್ನು ನಗಿಸಲು ಪ್ರಯತ್ನಿಸುತ್ತಾರೆ.

ಮೀನ ರಾಶಿ

ಇವರು ಒಂಥರಾ ಕೂಲ್‌ ಸ್ವಭಾವದರು, ಸದಾ ಕನಸ್ಸಿನ ಲೋಕದಲ್ಲಿ ಇರುತ್ತರೆ, ತುಂಬಾ ರೊಮ್ಯಾಂಟಿಕ್ ಆಗಿರುತ್ತಾರೆ ಅಲ್ಲದೆ ಜಗಳ ಇಂಥ ಪರಿಸ್ಥಿತಿಯನ್ನು ನಿಭಾಯಿಸಲು ಕೂಡ ತಿಳಿಯುವುದಿಲ್ಲ. ಸಂಗಾತಿಯನ್ನು ಟೀಕೆ ಮಾಡುವುದರಲ್ಲಿ ಎತ್ತಿದ ಕೈ, ಆದರೆ ಸಂಗಾತಿ ಜೊತೆಗೆ ಇವರೇ ರಾಜಿ ಮಾಡಿಕೊಳ್ಳುತ್ತಾರೆ.

ಕನ್ಯಾ ರಾಶಿ

ಕನ್ಯಾ ರಾಶಿಯವರು ಆದಷ್ಟು ಜಗಳ ತಡೆಗಟ್ಟಲು ಪ್ರಯತ್ನಿಸುತ್ತಾರೆ, ಏಕೆಂದರೆ ಅಂಥ ಪರಿಸ್ಥಿತಿ ಉಂಟಾದರೆ ತಾಳ್ಮೆ ತುಂಬಾ ಕಡಿಮೆ ಎಂಬುವುದು ಅವರಿಗೇ ಗೊತ್ತಿದೆ. ಅವರು ತಮ್ಮ ಭಾವನೆಗಳನ್ನು ಹೇಳಿಕೊಳ್ಳಲು ಅಷ್ಟು ಸಮರ್ಥರಲ್ಲ, ಆದ್ದರಿಂದ ಜಗಳವಾದರೆ ಮತ್ತಷ್ಟು ಮಾನಸಿಕ ಒತ್ತಡಕ್ಕೆ ಒಳಗಾಗುತ್ತಾರೆ. ಆದ್ದರಿಂದ ತಮ್ಮ ಕೋಪವನ್ನು ಆದಷ್ಟು ನಿಯಂತ್ರಿಸಲು ಪ್ರಯತ್ನಿಸುತ್ತಾರೆ.

ತುಲಾ ರಾಶಿ

ತುಲಾ ರಾಶಿಯವರು ಯಾವಾಗಲೂ ಶಾಂತಿ ಪ್ರಿಯರು. ಈ ರಾಶಿಯವರಿಗೆ ಪರಿಸ್ಥಿತಿ ನಿಭಾಯಿಸಲು ಗೊತ್ತಿರುತ್ತದೆ, ಏನಾದರೂ ತರ್ಕ ಬಂದರೆ ಪರಿಸ್ಥಿತಿ ತಣ್ಣಗಾಗುವವರಿಗೆ ವಾದ ಮಾಡಲು ಹೋಗುವುದಿಲ್ಲ. ಸಂಗಾತಿ ಜೊತೆ ತರ್ಕ ಮಾಡಿ ಜಗಳವಾಗುವುದನ್ನು ಆದಷ್ಟು ತಪ್ಪಿಸಲು ಪ್ರಯತ್ನಿಸುತ್ತಾರೆ.

ಮಕರ ರಾಶಿ

ಮಕರ ರಾಶಿಯವರಿಗೆ ಚಿಕ್ಕ-ಪುಟ್ಟ ಕೋಪ ಸಂಗಾತಿ ಮೇಲೆ ಬಂದರೂ ಅದನ್ನು ಪ್ರಕಟಿಸಲು ಹೋಗುವುದಿಲ್ಲ. ಒಂದು ವೇಳೆ ಇಬ್ಬರಲ್ಲಿ ಏನಾದರೂ ವೈಮನಸ್ಸು ಮೂಡಿದರೂ ಇವರು ಏಕೆ ಜಗಳವಾಯಿತು ಎಮದು ಚಿಂತಿಸುವ ಬದಲು ಜಗಳ ಹೇಗೆ ಮುಕ್ತಾಯ ಮಾಡೋಣ ಎಂದು ಯೋಚಿಸುತ್ತಾರೆ, ಅಲ್ಲದೆ ಅದು ಮತ್ತೆ ಮರುಕಳಿಸದಂತೆ ಎಚ್ಚರಿಕೆವಹಿಸುತ್ತಾರೆ.

ಈ ರಾಶಿಯವರಲ್ಲಿ ಈ ಗುಣಗಳಿರುತ್ತದೆ ಎಂದು ನೀವು ಕೂಡ ಒಪ್ಪುವಿರಿ ಅಲ್ಲವೇ?