ಆತನ ವೈವಾಹಿಕ ಜೀವನ ಸುಖಕರವಾಗಿಲ್ಲ ಎಂದು ಹೇಳುವ ಸೂಚನೆಗಳಿವು

ತನ್ನ ಹೆಂಡತಿಯ ತೊರೆಯುವ ಬಗ್ಗೆ ಆಗಾಗ ಹಾಸ್ಯ ಮಾಡುತ್ತಾನೆ:

ಕೆಲವೊಮ್ಮೆ ಕಾಮಿಡಿಯಲ್ಲೂ ಸತ್ಯವಿರುವುದು. ಕೆಲವರು ನೇರವಾಗಿ ಹೇಳಲಾಗದ್ದನ್ನು ಹಾಸ್ಯದ ಮುಖಾಂತರ ನಗುನಗುತ್ತಲೇ ಹೇಳಿ ಬಿಡುತ್ತಾರೆ. ವ್ಯಕ್ತಿಯೊಬ್ಬ ತನ್ನ ಹೆಂಡತಿಯನ್ನು ತೊರೆಯುವ ಬಗ್ಗೆ ಆಗಾಗ ತಮಾಷೆ ಮಾಡುತ್ತಿದ್ದರೆ, ಆತನ ಒಳ ಮನಸ್ಸಿನಲ್ಲಿ ಆಕೆಯ ಕುರಿತ ಅತೃಪ್ತ ಭಾವನೆಯಿದೆ, ವೈವಾಹಿಕ ಜೀವನ ಸಾಕಾಗಿದೆ ಎಂದು ಸೂಚಿಸಬಹುದು.

ತನ್ನ ಹೆಂಡತಿಯಿಂದು ದೂರವಿರಲು ನೆಪ ಹೇಳುತ್ತಾನೆ:

ವೈವಾಹಿಕ ಜೀವನ ಖುಷಿಯಾಗಿದ್ದರೆ, ಹೆಂಡತಿಯ ಜೊತೆ ಕಾಲಕಳೆಯಲು ನೆಪ ಹುಡುಕಬೇಕು. ಅದು ಬಿಟ್ಟು ಹೊರಹೋಗಲು ಪತಿ ನೆಪ ಹುಡುಕುತ್ತಾನೆಂದರೆ ಆತನಿಗೆ ಅತೃಪ್ತಿ ಕಾಡುತ್ತಿದೆ ಎಂದರ್ಥ. ಇಂತಹ ವ್ಯಕ್ತಿ ಕೆಲಸದಲ್ಲಿ ಹೆಚ್ಚು ಸಮಯ ಕಳೆಯುತ್ತಾನೆ ಅಥವಾ ಮನೆಯಿಂದ ದೂರವಿರಲು ಹೊಸ ಕಾರಣಗಳನ್ನು ಕಂಡುಕೊಳ್ಳುತ್ತಾನೆ. ವಾರಾಂತ್ಯದಲ್ಲಿ ಸಹ, ಅವನು ತನ್ನ ಹೆಂಡತಿಯೊಂದಿಗೆ ಸಮಯ ಕಳೆಯುವುದನ್ನು ತಪ್ಪಿಸಲು ಕೆಲವು ಕಾರಣಗಳನ್ನು ಹುಡುಕುತ್ತಾನೆ.

ಸಿಂಗಲ್ ಆಗಿರೋ ಹುಡುಗರಿಗೆ ಮದುವೆಯಾಗಬೇಡಿ ಎಂದು ಪದೇಪದೇ ಹೇಳುತ್ತಾನೆ:

ಈ ರೀತಿ ತನ್ನ ಸ್ನೇಹಿತರಿಗೆ ಹೇಳುವ ವ್ಯಕ್ತಿಯು ಮದುವೆಯಾಗಿ ತಾನು ತಪ್ಪು ಮಾಡಿದೆ ಎಂದು ಪರೋಕ್ಷವಾಗಿ ಒಪ್ಪಿಕೊಳ್ಳುತ್ತಿರುವುದಂತೂ ಸತ್ಯ. ಒಂದು ವೇಳೆ ಅದರರ್ಥ ಹಾಗಲ್ಲದಿದ್ದರೆ, ಎಂದಿಗೂ ಮದುವೆಯಾಗಬಾರದು ಎಂದು ಇತರರಿಗೆ ಹೇಳುವ ಯಾವುದೇ ಅವಶ್ಯಕತೆಯಿಲ್ಲ.

ಹೆಂಡತಿಯ ಬಗ್ಗೆ ಸದಾ ದೂರುತ್ತಾನೆ:

ವೈವಾಹಿಕ ಜೀವನದದಲ್ಲಿ ಸಂತೋಷವಿಲ್ಲದ ಗಂಡಸರು ಹೆಂಡತಿ ಮಾಡುವ ಪ್ರತಿ ವಿಚಾರಕ್ಕೂ ದೂರುತ್ತಾರೆ. ಹೆಂಡತಿಯ ಅಭ್ಯಾಸ, ಅವಳ ಅಡುಗೆ, ಅವಳ ಕಾರ್ಯನಿರತ ವೇಳಾಪಟ್ಟಿ ಅಥವಾ ಅವಳ ಗೊರಕೆಯಾಗಿರಲಿ, ತಮ್ಮ ಹೆಂಡತಿಯರು ಗೊತ್ತಿದ್ದು ಅಥವಾ ಅರಿವಿಲ್ಲದೆ ಮಾಡುವ ಎಲ್ಲಾ ವಿಚಾರಕ್ಕೂ ದೂರುತ್ತಾರೆ.

ತನ್ನ ಹಣ ಮತ್ತು ವೃತ್ತಿಜೀವನವನ್ನು ಎಲ್ಲರಿಗೂ ಪರಿಚಯಿಸುತ್ತಾರೆ ಆದರೆ ಅವನ ಹೆಂಡತಿಯನ್ನಲ್ಲ:

ಪುರುಷರು ತಮ್ಮ ಜೀವನವನ್ನು ಅದ್ಭುತವಾಗಿಸುವ ವಿಷಯಗಳ ಬಗ್ಗೆ ಹೇಳಿಕೊಳ್ಳಲು ಮತ್ತು ಹೆಮ್ಮೆ ಪಡಲು ಇಷ್ಟಪಡುತ್ತಾರೆ. ಒಂದು ವೇಳೆ ಹೆಂಡತಿ ಆತನ ಜೀವನದಲ್ಲಿ ಮುಖ್ಯವಾಗಿದ್ದರೆ ಅವಳ ಬಗ್ಗೆಯೂ ಹೇಳಿಕೊಳ್ಳುತ್ತಿದ್ದ. ಆದರೆ ಅತೃಪ್ತ ಪುರುಷ ತನ್ನ ವೃತ್ತಿಜೀವನ, ಹಣದ ಬಗ್ಗೆ ಮಾತ್ರ ಎಲ್ಲರ ಬಳಿ ಹೇಳುತ್ತಾನೆ, ಗರ್ವಪಡುತ್ತಾನೆ. ಹೆಂಡತಿಯ ಬಗ್ಗೆ ಎಂದಿಗೂ ಮಾತೆತ್ತುವುದಿಲ್ಲ.

ಮೊದಲಿದ್ದ ಉತ್ಸಾಹ ಇರುವುದಿಲ್ಲ:

ನೀವು ಅತೃಪ್ತಿಕರ ದಾಂಪತ್ಯದಲ್ಲಿದ್ದಾಗ, ಮೊದಲಿದ್ದ ಉತ್ಸಾಹವನ್ನು ಕಳೆದುಕೊಳ್ಳುತ್ತೀರಿ. ಅಲ್ಲದೆ, ನೀವು ಆ ವ್ಯಕ್ತಿಯನ್ನು ದೀರ್ಘಕಾಲದಿಂದ ತಿಳಿದಿದ್ದರೆ, ಅವರ ವರ್ತನೆ ಅಥವಾ ನಡವಳಿಕೆಗಳಲ್ಲಿನ ಬದಲಾವಣೆಗಳನ್ನು ಗುರುತಿಸುವುದು ನಿಮಗೆ ತುಂಬಾ ಸುಲಭ. ತನ್ನ ಹೆಂಡತಿಯ ಜೊತೆ ಸಹಜವಾಗಿರದೇ ಮೌನಕ್ಕೆ ಶರಣಾಗುತ್ತಾನೆ.