ಮದುವೆ ಬಂಧದಲ್ಲಿ ಪ್ರೀತಿಯೇ ಇಲ್ಲದಿದ್ದರೆ ಬಂಧನವಲ್ಲವೇ?

ಪ್ರೀತಿಯ ಸೆಲೆ ಮಾಯವಾಗಿದ್ದರೆ

ಪ್ರೀತಿ ಎನ್ನುವುದು ಒಂದು ಕಡೆ ಇದ್ದರೆ ಸಾಲದು ಅದು ಆಕಡೆಯಿಂದಲೂ ಸಿಗಬೇಕು. ಮುಂದೆ ಅವರು ನನ್ನನ್ನು ಪ್ರೀತಿಸಬಹುದು ಎಂದು ನಿರೀಕ್ಷೆಯಲ್ಲಿ ವರ್ಷಗಟ್ಟಲೆ ಕಳೆಯುವುದು ಸಿನಿಮಾದಲ್ಲಿ ಮಾತ್ರ ಚೆನ್ನಾಗಿರುತ್ತದೆ, ಆದರೆ ನಿಜ ಜೀವನದಲ್ಲಿ ಆ ರೀತಿ ಆಗುವುದು ತುಂಬಾ ವಿರಳ. ನಿರೀಕ್ಷೆಯಲ್ಲೇ ನಿಮ್ಮ ಬದುಕು ಹಾಳಾಗುವುದಕ್ಕಿಂತ ಎಚ್ಚೆತ್ತುಕೊಂಡು ಮುಂದೆ ಸಾಗುವುದೇ ಜಾಣತನ.

ದೈಹಿಕ ಹಾಗೂ ಮಾನಸಿಕ ಹಿಂಸೆ

ಸಂಗಾತಿಯಿಂದ ದೈಹಿಕ ಹಾಗೂ ಮಾನಸಿಕ ಹಿಂಸೆ ಅನುಭವಿಸುತ್ತಿದ್ದರೆ ಅವರ ವರ್ತನೆಯನ್ನು ಸಹಿಸಿಕೊಂಡು ನೋವು ಅನುಭವಿಸುವುದಕ್ಕಿಂತ ವಿರೋಧಿಸಿ. ಅವರ ಆ ರೀತಿ ವರ್ತಿಸಲು ಕಾರಣವೇನು ಎಂದು ತಿಳಿದುಕೊಳ್ಳಿ. ಅದಾದ ಬಳಿಕವೂ ಅವರ ವರ್ತನೆಯಲ್ಲಿ ಬದಲಾವಣೆ ಕಾಣಿಸದಿದ್ದರೆ ಅವರು ನಿಮ್ಮ ಜೊತೆಯೇ ಹಾಗೆಯೇ ಇರುತ್ತಾರೆ, ಅವರು ಬದಲಾಗುವ ಪ್ರಯತ್ನ ಮಾಡಲ್ಲ ಎಂದು ಹೇಳಬಹುದು. ದೈಹಿಕ ಹಾಗೂ ಮಾನಸಿಕ ಹಿಂಸೆ ಅನುಭವಿಸಿ ನೋವು ಅನುಭವಿಸುವುದಕ್ಕಿಂತ ದೂರ ಸರಿಯುವುದೇ ಒಳ್ಳೆಯದು.

ಲೈಂಗಿಕ ತೃಪ್ತಿ ಇಲ್ಲದಿದ್ದರೆ

ವೈವಾಹಿಕ ಜೀವನದಲ್ಲಿ ಸಂಗಾತಿಯಿಂದ ಲೈಂಗಿಕ ತೃಪ್ತಿ ಬಯಸುವುದು ಸಹಜ. ನೀವು ಅವರ ಬಳಿ ರೊಮ್ಯಾಂಟಿಕ್‌ ಆಗಿ ಮಾತನಾಡುವಾಗ ಸಿಡುಕು ತೋರಿಸುವುದು, ಅವರ ಬಳಿ ಹೋಗುವಾಗ ದೂರ ಸರಿಯುವುದು ಮಾಡುತ್ತಿದ್ದರೆ ಒಂದೋ ಅವರಿಗೆ ಬೇರೆ ಏನೋ ಸಮಸ್ಯೆವಿದೆ, ಇಲ್ಲಾ ನಿಮ್ಮ ಜೊತೆ ಬಾಳುವುದು ಇಷ್ಟವಿಲ್ಲ ಎಂದು ಹೇಳುವ ಲಕ್ಷಣಗಳಾಗಿವೆ. ಅವರಿಂದ ದೂರವಾಗುವ ಪ್ರಯತ್ನ ಮಾಡುವ ಬದಲು ಈ ಕುರಿತು ಅವರಲ್ಲಿ ಮಾತನಾಡಿ, ಅದಾದ ಬಳಿಕವೂ ಅವರ ವರ್ತನೆಯಲ್ಲಿ ಏನೂ ಬದಲಾವಣೆ ಕಾಣದಿದ್ದರೆ ಆ ಸಂಬಂಧದಿಂದ ಹೊರಬಂದು ನಿಮ್ಮನ್ನು ಪ್ರೀತಿಸಯವ ವ್ಯಕ್ತಿಯನ್ನು ಹುಡುಕುವುದೇ ಜಾಣತನ.

ಆಗಾಗ ಜಗಳ

ಜಗಳವಾಡದ ಗಂಡ-ಹೆಂಡತಿ ಈ ಪ್ರಪಂಚದಲ್ಲಿಯೇ ಇರಲ್ಲ. ಸಂಸಾರ ಎಂದ ಮೇಲೆ ಸಣ್ಣಪುಟ್ಟ ಜಗಳ, ಮಾತುಗಳು ಬರುತ್ತವೆ, ಹೋಗುತ್ತವೆ. ಆದರೆ ಪ್ರತಿನಿತ್ಯ ಕಿತ್ತಾಟವೇ ಜೀವನವಾದರೆ ಆ ಸಂಸಾರದಲ್ಲಿ ಖುಷಿ, ನೆಮ್ಮದಿ ಎಲ್ಲಿರುತ್ತದೆ. ಜಗಳ ಮಾಡಿ ಮತ್ತೆ ಒಂದಾದರೆ ಸಂಬಂಧದಲ್ಲಿ ನಿರೀಕ್ಷೆ ಇಟ್ಟುಕೊಳ್ಳಬಹುದು. ಆದರೆ ಜಗಳ ಅಂತ್ಯನೇ ಆಗದಿದ್ದರೆ, ಒಬ್ಬರಿಗೊಬ್ಬರು ಮುಖ ನೋಡದೆ ಕಿತ್ತಾಡಿಕೊಂಡೆ ಇರುವುದಕ್ಕಿಂತ ಬೇರೆ-ಬೇರೆಯಾದರೆ ಇಬ್ಬರಿಗೂ ನೆಮ್ಮದಿ ಸಿಗುವುದು.