ಕೋಪಗೊಂಡ ಗೆಳೆಯನ ಮುಖದಲ್ಲಿ ನಗು ಮೂಡಿಸುವುದು ಹೇಗೆ?

ಸಾರಿ(ಕ್ಷಮಿಸು) ಎಂದು ಹೇಳಿ:

ಈ ಸಾರಿ ಅನ್ನೋ ಪದ ಎಷ್ಟೋ ಸಲ ಸಂಬಂಧವನ್ನು ಉಳಿಸುವ ಅತೀ ದೊಡ್ಡ ಆಯುಧ. ನೀವು ತಪ್ಪು ಮಾಡಿದ್ದರೆ ನಿಮ್ಮ ಅಹಂಕಾರವನ್ನು ಬದಿಗಿರಿಸಿ, ಕ್ಷಮೆಯಾಚಿಸಿ. ನಿಮ್ಮ ತಪ್ಪು ನಿಮಗೆ ಅರ್ಥವಾಗಿದೆ ಎಂದು ಆತನಿಗೆ ಮನವರಿಕೆ ಮಾಡಿ. ನಿಮ್ಮ ಕ್ಷಮೆಯಾಚನೆಯು ನಿಜವಾಗಿದ್ದರೆ, ಆತ ನಿಮ್ಮನ್ನು ಕ್ಷಮಿಸುತ್ತಾನೆ. ನಿಮ್ಮ ಕಡೆ ನೋಡುತ್ತಾನೆ.

ಸಿಹಿಯಾಗಿ ಮಾತನಾಡಿ:

ನೀವು ಆತನಿಗಾಗಿ ಏನು ಮಾಡಬೇಕೆಂದು ಕೇಳಿ. ಈ ವೇಳೆ ಅವನೊಂದಿಗೆ ಮಾತನಾಡುವಾಗ ನಿಮ್ಮ ಧ್ವನಿಯನ್ನು ಕಡಿಮೆ ಮಾಡಿ. ಅವನಿಗೆ ಸ್ವಲ್ಪ ಕಾಫಿ ಅಥವಾ ತಂಪು ಜ್ಯೂಸ್ ತಯಾರಿಸಿ. ಆದ್ದರಿಂದ ಅವನ ಕೋಪ ಇಳಿದು, ಮೂಡುವುದರಲ್ಲಿ ಸಂಶಯವಿಲ್ಲ.

ಆತನಿಗಾಗಿ ಅಡುಗೆ ಮಾಡಿ:

ಮನುಷ್ಯನ ಹೃದಯ ಗೆಲ್ಲಲು ಹೊಟ್ಟೆ ಮೂಲಕ ಸಾಗಬೇಕು ಎಂಬ ಮಾತಿದೆ. ಇದೇ ವಿಧಾನವನ್ನು ನಿಮ್ಮವನ ಕೋಪ ಇಳಿಸಲು ಬಳಸಿಕೊಳ್ಳಿ. ಆತನಿಗೆ ಇಷ್ಟವಾದ ಅಡುಗೆ ತಯಾರಿಸಿ. ಅಥವಾ ಯಾವುದಾದರೂ ಹೊಸ ರೆಸಿಪಿ ಪ್ರಯತ್ನಿಸಿ ಆತನಿಗೆ ನೀಡಿ. ನೀವು ಅವನಿಗೆ ಸಿದ್ಧಪಡಿಸಿದ ನೀರೂರಿಸುವ ಭಕ್ಷ್ಯವನ್ನು ನೋಡಿದ ಮೇಲೆ ತನ್ನ ಕೋಪವನ್ನು ಮರೆತುಬಿಡಬಹುದು.

ಅವನನ್ನು ಅಭಿನಂದಿಸಿ:

ಆತ ಕೋಪಗೊಂಡಾಗ ನೀವು ಅವನನ್ನು ಮುದ್ದು ಮಾಡುವುದು ಅಥವಾ ಹೊಗಳುವುದು ಮಾಡಿದರೂ ಕೆಲವೊಮ್ಮೆ ಆತ ನಗುವ ಸಾಧ್ಯತೆಗಳಿವೆ. ಅವನನ್ನು ಸುಮ್ಮನೆ ಕಾಲು ಎಳೆಯೋ ರೀತಿ ಮಾಡಿ, ಆತನ ಮುಖದಲ್ಲಿ ನಗು ಮೂಡಿಸಬಹುದು.

ಜೋಕ್ಸ ಮಾಡಿ:

ನಿಮ್ಮವನನ್ನು ನಗಿಸಲು ಕೆಲವೊಂದು ಹಾಸ್ಯಗಳನ್ನು ಮಾಡಿ. ಅದು ನಿಮ್ಮ ಮೇಲೆಯೇ ಆಗಿದ್ದರೂ ಸರಿಯೇ. ಇದರಿಂದ ಆತನ ಮೊಗದಲ್ಲಿ ನಗು ಮೂಡುವುದು. ಒಂದು ವೇಳೆ ನಿಮ್ಮ ಜೋಕ್ಸ್ ಗಳು ಎಷ್ಟೇ ಸಿಲ್ಲಿ ಆಗಿದ್ದರೂ, ನಿಮ್ಮ ಗೆಳೆಯ ನಗುವುದಿಲ್ಲ ಎಂದಾದರೆ, ನಿಮ್ಮ ಹಾಸ್ಯ ಪ್ರಜ್ಞೆ ಇನ್ನಷ್ಟು ಹೆಚ್ಚಾಗಬೇಕು ಎಂದರ್ಥ.

ಅವರು ಬಯಸಿದ್ದನ್ನು ಮಾಡಲು ಪ್ರಯತ್ನಿಸಿ:

ಅವರೊಂದಿಗೆ ವಿಡಿಯೋ ಗೇಮ್ ಆಡಲು ನಿಮ್ಮನ್ನು ಕೇಳುತ್ತಿದ್ದಾನೆಯೇ? ಅಥವಾ, ಎಂದಾದರೂ ನಿಮ್ಮನ್ನು ಕ್ರಿಕೆಟ್ ಪಂದ್ಯಕ್ಕೆ ಕರೆದೊಯ್ಯಲು ಬಯಸಿದ್ದಾನೆಯೇ? ಹಾಗಿದ್ದರೆ, ಈ ಕೆಲಸಗಳನ್ನು ಮಾಡಲು ಈಗ ಮಾಡಲು ಆತನ ಬಳಿ ಕೇಳಿ. ಆತನಿಗೆ ಇಷ್ಟವಾದ ಈ ಕೆಲಸಗಳನ್ನು ಮಾಡುವಾಗ ಆತ ನಿಮ್ಮ ಮೇಲಿರುವ ಕೋಪವನ್ನು ಮರೆತುಬಿಡುತ್ತಾನೆ.

ಸಣ್ಣ ಸಪ್ರೈಸ್ ನೀಡಿ;

ನೀವು ಅವನನ್ನು ಎಷ್ಟು ಪ್ರೀತಿಸುತ್ತೀರಿ ಎಂದು ಹೇಳುವ ಕೆಲವು ಸಾಲುಗಳನ್ನು ಬರೆದು ಆತನಿಗೆ ನೀಡಿ. ಅಥವಾ ಅವನನ್ನು ನೆಚ್ಚಿನ ಅಂಗಡಿ ಅಥವಾ ರೆಸ್ಟೋರೆಂಟ್ ಗೆ ಕರೆದೊಯ್ಯಿರಿ. ಅವನ ಕೋಪವನ್ನು ತಣಿಸಲು ಸಣ್ಣ ಸಪ್ರೈಸ್ ನೀಡಿ.