For Quick Alerts
ALLOW NOTIFICATIONS  
For Daily Alerts

ಹೀಗಿದ್ದರೆ ಮಾತ್ರ ಒಳ್ಳೆಯ ಗರ್ಲ್ ಫ್ರೆಂಡ್‌ ಆಗಲು ಸಾಧ್ಯ

|

ತಮ್ಮ ಸಂಗಾತಿಯೊಡನೆ ಸದಾ ಸಂತೋಷದಿಂದ ಇರಬೇಕು ಅನ್ನೋದು ಎಲ್ಲರ ಆಸೆ ಆಗಿರುತ್ತದೆ. ತಾನು ಹೇಳೋ ಮಾತುಗಳಿಗೆ ಬೆಲೆ ಕೊಟ್ಟು ಅದರಂತೆ ನಡೆದುಕೊಳ್ಳಬೇಕು ಎಂಬ ಆಸೆ ಪ್ರತಿ ಗಂಡು -ಹೆಣ್ಣಿಗೂ ಇರುತ್ತೆ. ಆದರೆ ಈ ಆಸೆನ ಈಡೇರಿಸಿ ತಮ್ಮ ಸಂಗಾತಿಯನ್ನು ಖುಷಿಯಿಂದ ನೋಡಿಕೊಳ್ಳುವ ಜವಾಬ್ದಾರಿ ಇಬ್ಬರ ಮೇಲೂ ಇರುತ್ತದೆ. ಅದರಲ್ಲೂ ಈ ಹೊಣೆಗಾರಿಕೆ ಹೆಣ್ಣಿನ ಮೇಲೆ ತುಸು ಜಾಸ್ತಿಯೇ ಇರುತ್ತದೆ ಅಂದ್ರೆ ತಪ್ಪೇನಿಲ್ಲ.

ತನ್ನ ಗಂಡನಿಗೆ ಅಥವಾ ಪ್ರಿಯಕರನನ್ನು ಸದಾ ಖುಷಿಯಾಗಿಡಬೇಕು ಅಂತ ಯಾವಾಗ್ಲೂ ಪ್ರಯತ್ನ ಪಡುತ್ತಾ ಇರುತ್ತಾಳೆ. ಆದರೆ ಈ ನಡುವೆ ಸಾಕಷ್ಟು ಪರಿಸ್ಥಿತಿಗಳು ಗಂಡ-ಹೆಂಡತಿಯ ನಡುವೆ ಮನಸ್ತಾಪಕ್ಕೆ ಕಾರಣವಾಗಬಹುದು.

ಪ್ರತಿಯೊಬ್ಬರಿಗೂ ತಮ್ಮ ಸಂಗಾತಿಯ ಜೊತೆ ತಾವು ಗುಣಮಟ್ಟದ ಸಮಯವನ್ನು ಕಳೆಯಬೇಕೆಂಬ ಆಸೆ ಇರುತ್ತದೆ. ಬೇರೆಯವರಿಗಿಂತ ನಾವು ಹೆಚ್ಚು ಖುಷಿಯಾಗಿ ಜೀವನ ಮಾಡಬೇಕೆಂದು ಎಲ್ಲರೂ ಅಂದುಕೊಳ್ಳುತ್ತಾರೆ. ಆದರೆ ಬರುವಂತಹ ಕೆಲವೊಂದು ಸಂದರ್ಭಗಳು ಸಂಗಾತಿಗಳಿಬ್ಬರ ಮನಸ್ಸನ್ನು ಅಲ್ಲೋಲ ಕಲ್ಲೋಲಗೊಳಿಸುತ್ತವೆ. ಸಂಬಂಧದಲ್ಲಿ ಬಿರುಕು ಮೂಡದಂತೆ ನಡೆದುಕೊಳ್ಳುವುದು ನಿಮಗೆ ಅತಿ ಮುಖ್ಯವಾಗಿರುತ್ತದೆ. ನೀವು ನಿಮ್ಮ ಸಂಗಾತಿಗೆ ತಕ್ಕ ಗೆಳತಿ ಆಗಬೇಕಾದರೆ ಈ ಕೆಳಗಿನ ಕೆಲವೊಂದು ಟಿಪ್ಸ್ ಅನುಸರಿಸಿ.

ಸಂಗಾತಿಯೊಂದಿಗೆ ಪರಸ್ಪರ ನಿಮಗೆ ಇಷ್ಟವಾದುದನ್ನು ಹಂಚಿಕೊಳ್ಳಿ:

ಸಂಗಾತಿಯೊಂದಿಗೆ ಪರಸ್ಪರ ನಿಮಗೆ ಇಷ್ಟವಾದುದನ್ನು ಹಂಚಿಕೊಳ್ಳಿ:

ಒಂದು ಸಂಬಂಧದಲ್ಲಿ ಗಂಡ ಮತ್ತು ಹೆಂಡತಿ ತಮ್ಮ ಇಚ್ಛೆಗಳನ್ನು ಆರಂಭದಿಂದಲೇ ಒಬ್ಬರಿಗೊಬ್ಬರು ಹಂಚಿಕೊಳ್ಳುವುದು ಒಳ್ಳೆಯದು. ಏಕೆಂದರೆ ಇದು ಮುಂದೆ ಒಂದು ದಿನ ಇಬ್ಬರನ್ನು ತೊಂದರೆಗೆ ಸಿಲುಕಿಸುವ ಸಂದರ್ಭ ತಪ್ಪುತ್ತದೆ. ಗಂಡ-ಹೆಂಡತಿ ಎಂದ ಮೇಲೆ ಕೆಲವೊಂದು ವಿಚಾರಗಳಲ್ಲಿ ತನ್ನ ಗಂಡ ಹೀಗೆ ಇರಬೇಕು ಎಂದು ಹೆಂಡತಿ ಅಥವಾ ನನ್ನ ಹೆಂಡತಿ ಇದೇ ರೀತಿ ನಡೆದುಕೊಳ್ಳಬೇಕು ಎಂದು ಗಂಡ ಅಂದುಕೊಳ್ಳುವುದು ಸಾಮಾನ್ಯ. ಹಾಗಾಗಿ ಮೊದಲಿಗೆ ಇಂತಹ ವಿಚಾರಗಳ ಬಗ್ಗೆ ಇಬ್ಬರು ಕುಳಿತು ಮಾತನಾಡಿ. ಕೆಲವರು ತಮ್ಮ ಸಂಗಾತಿಯ ಬಗ್ಗೆ ಅತ್ಯಂತ ಕಡಿಮೆ ನಿರೀಕ್ಷೆಗಳನ್ನು ಇಟ್ಟುಕೊಂಡಿರುತ್ತಾರೆ ಮತ್ತು ಕೇವಲ ತಮ್ಮ ಜೀವನದ ಬಗ್ಗೆ ಮಾತ್ರ ಯೋಚನೆ ಮಾಡುತ್ತಾರೆ. ಆದರೆ ಇನ್ನು ಕೆಲವರು ತಮ್ಮ ಮನೆಯಲ್ಲಿ ನಡೆಯುವ ಪ್ರತಿಯೊಂದು ವಿಚಾರದಲ್ಲೂ ತಮ್ಮ ಸಂಗಾತಿಯ ಪಾತ್ರ ಇರಲೇಬೇಕೆಂದು ನಿರೀಕ್ಷೆ ಮಾಡುತ್ತಾರೆ. ಹಾಗಾಗಿ ಮುಂದೆ ಭವಿಷ್ಯದಲ್ಲಿ ಇಬ್ಬರ ಮಧ್ಯೆ ಗೊಂದಲಮಯ ವಾತಾವರಣ ಸೃಷ್ಟಿಯಾಗುವುದನ್ನು ನೀವು ಮೊದಲೇ ತಪ್ಪಿಸಬೇಕು ಎಂದರೆ ನಿಮ್ಮಿಬ್ಬರ ಮಧ್ಯೆ ಈ ವಿಚಾರಗಳ ಸಲುವಾಗಿ ಸಂವಹನ ಬಹಳ ಅಗತ್ಯ.

ನಿಮ್ಮ ನಿರ್ಧಾರಗಳಿಗೆ ಮನ್ನಣೆ ನೀಡಿ:

ನಿಮ್ಮ ನಿರ್ಧಾರಗಳಿಗೆ ಮನ್ನಣೆ ನೀಡಿ:

ಸಾಮಾನ್ಯವಾಗಿ ಮದುವೆಯಾದ ಬಳಿಕ ಜೀವನ ಬದಲಾಗುತ್ತದೆ ಎಂದು ಹೇಳುತ್ತಾರೆ. ಕೆಲವರಿಗೆ ಒಳ್ಳೆಯ ರೀತಿಯಲ್ಲಿ ಬದಲಾದರೆ ಇನ್ನು ಕೆಲವರಿಗೆ ತಾವು ಊಹೆ ಮಾಡಿದ್ದಕ್ಕಿಂತ ಕೆಟ್ಟ ಸ್ವರೂಪ ಪಡೆದುಕೊಳ್ಳುತ್ತದೆ. ಅದರಲ್ಲೂ ವಿಶೇಷವಾಗಿ ಮಹಿಳೆಯರಿಗೆ ತಾವು ಮದುವೆಯಾಗುವುದಕ್ಕೆ ಮುಂಚೆ ಕಂಡಂತಹ ಅನೇಕ ಕನಸುಗಳು ನನಸಾಗುವುದಿಲ್ಲ. ಮದುವೆಯಾದ ಬಳಿಕ ಗಂಡನ ಮತ್ತು ಗಂಡನ ಮನೆಯವರ ಇಚ್ಚೆಗೆ ಅನುಸಾರವಾಗಿ ನಡೆದು ಕೊಳ್ಳಬೇಕಾಗುತ್ತದೆ. ಆದರೆ ಇದರಲ್ಲಿ ನಿಮ್ಮ ಸ್ವಂತ ಸ್ವಾಭಿಮಾನವನ್ನು ಕಳೆದುಕೊಳ್ಳಬೇಕಾಗುತ್ತದೆ. ಹಾಗಾಗಿ ಮೊದಲು ನಿಮಗಾಗಿ ನೀವು ಸಮಯ ಕೊಟ್ಟುಕೊಳ್ಳುವುದನ್ನು ಕಲಿತುಕೊಳ್ಳಿ. ನಿಮ್ಮ ನಂಬಿಕೆಗಳು ಮತ್ತು ನಿಮ್ಮ ಆಲೋಚನೆಗಳಿಗೆ ಬೆಲೆ ಕೊಡಿ. ನಿಮ್ಮ ಸಂಗಾತಿಯ ಜೊತೆ ನಿಮ್ಮ ಇಷ್ಟ-ಕಷ್ಟಗಳ ಬಗ್ಗೆ ಚರ್ಚೆ ಮಾಡಿ. ಕೆಲವೊಂದು ಸಂದರ್ಭಗಳಲ್ಲಿ ನೀವು ಆಸೆ ಪಟ್ಟಂತೆ ನಿಮ್ಮ ಗಂಡ ಅಥವಾ ಗಂಡನ ಮನೆಯವರು ನಡೆದುಕೊಳ್ಳಬೇಕಾಗುತ್ತದೆ. ಹಾಗಾಗಿ ಯಾವುದಾದರೂ ವಿಚಾರದಲ್ಲಿ ನಿಮ್ಮ ಮನಸ್ಸಿನ ಅಭಿಪ್ರಾಯವನ್ನು ನಿಸ್ಸಂಕೋಚವಾಗಿ ಎಲ್ಲರ ಮುಂದೆ ಹೇಳಿ ಅವರ ಅಭಿಪ್ರಾಯವನ್ನು ಸಂಗ್ರಹಿಸಿ ಮತ್ತು ನಿಮ್ಮ ಆಲೋಚನೆಗಳಿಗೆ ನಿಮ್ಮ ಗಂಡ ಅಥವಾ ಗಂಡನ ಮನೆಯವರು ಎಷ್ಟು ಬೆಲೆ ಕೊಡುತ್ತಾರೆ ಎಂಬುದನ್ನು ತಿಳಿದುಕೊಳ್ಳಿ.

ಸಂಗಾತಿಯಿಂದ ನಿಮಗೆ ಬೇಸರವಾಗುವ ವಿಷಯಗಳನ್ನು ತಿಳಿಸಿಬಿಡಿ:

ಸಂಗಾತಿಯಿಂದ ನಿಮಗೆ ಬೇಸರವಾಗುವ ವಿಷಯಗಳನ್ನು ತಿಳಿಸಿಬಿಡಿ:

ಮದುವೆಯಾದ ಬಳಿಕ ನಿಮ್ಮ ಹಾಗೂ ನಿಮ್ಮ ಸಂಗಾತಿಯ ಜೀವನ ಸದಾ ಆನಂದಮಯವಾಗಿರುತ್ತದೆ ಎಂದು ಹೇಳುವುದಕ್ಕೆ ಸಾಧ್ಯವಿಲ್ಲ. ಏಕೆಂದರೆ ನಿಮ್ಮ ಸಂಗಾತಿಯಲ್ಲಿನ ಕೆಲವೊಂದು ವಿಚಾರಗಳು ನಿಮಗೆ ಇಷ್ಟವಾಗದೇ ಹೋಗಬಹುದು. ಅದೇರೀತಿ ನಿಮ್ಮಲ್ಲಿ ನೀವು ಅನುಸರಿಸುತ್ತಿರುವ ಕೆಲವೊಂದು ಕ್ರಮಗಳು ನಿಮ್ಮ ಸಂಗಾತಿಗೆ ಬೇಸರ ತರಿಸಬಹುದು. ಒಂದು ವೇಳೆ ಇಂತಹ ಪ್ರಸಂಗಗಳು ಎದುರಾದ ಸಂದರ್ಭದಲ್ಲಿ ಆರಂಭದಲ್ಲೇ ನೇರವಾಗಿ ಮತ್ತು ಮುಕ್ತವಾಗಿ ನಿಮ್ಮ ಸಂಗಾತಿಯ ಜೊತೆ ಕುಳಿತು ಚರ್ಚೆ ಮಾಡಿ. ಬದಲಾವಣೆ ಜಗದ ನಿಯಮ ಎಂಬಂತೆ ಕೆಲವೊಂದು ವಿಚಾರಗಳಲ್ಲಿ ನೀವು ಮತ್ತು ನಿಮ್ಮ ಸಂಗಾತಿ ಒಬ್ಬರಿಗೊಬ್ಬರು ತ್ಯಾಗ ಮಾಡಬೇಕಾಗುತ್ತದೆ ಮತ್ತು ಬದಲಾಗಬೇಕಾಗುತ್ತದೆ. ಹಾಗಾಗಿ ಯಾವ ವಿಚಾರಗಳಿಂದ ನಿಮ್ಮ ಸಂಗಾತಿಯಿಂದ ನಿಮಗೆ ಬೇಸರವಾಗಿ ಮುಂದೊಂದು ದಿನ ನಿಮ್ಮ ಸಂಬಂಧದಲ್ಲಿ ಬಿರುಕು ಮೂಡಿ ನೀವು ಕಷ್ಟ ಅನುಭವಿಸುವ ಮೊದಲು ಎಚ್ಚೆತ್ತುಕೊಂಡು ನಿಮ್ಮ ಸಂಗಾತಿಯ ಜೊತೆ ಮಾತನಾಡಿ ಬಗೆಹರಿಸಿಕೊಳ್ಳಿ.

ನಿಮ್ಮ ಅಭಿಪ್ರಾಯಗಳಿಗೆ ಮಹತ್ವ ನೀಡುವಂತೆ ಕೇಳಿ:

ನಿಮ್ಮ ಅಭಿಪ್ರಾಯಗಳಿಗೆ ಮಹತ್ವ ನೀಡುವಂತೆ ಕೇಳಿ:

ಮದುವೆಯಾದ ಬಳಿಕ ಹಲವು ಮಹಿಳೆಯರಿಗೆ ಇದು ಸಾಧ್ಯವಾಗುವುದಿಲ್ಲ. ಗಂಡನ ಮನೆಯಲ್ಲಿ ಕೇವಲ ಅವರ ಮಾತೇ ನಡೆಯುತ್ತದೆ ಎನ್ನುವ ಕಾರಣದಿಂದ ಹಲವು ಮಹಿಳೆಯರು ಕೆಲವು ವಿಚಾರಗಳಲ್ಲಿ ತಮ್ಮ ಅಭಿಪ್ರಾಯ ಸರಿ ಇದ್ದರೂ ಕೂಡ ಅದನ್ನು ಹಂಚಿಕೊಳ್ಳಲು ಹೋಗುವುದಿಲ್ಲ.

ಕೆಲವೊಂದು ವಿಚಾರಗಳು ಸಾಕಷ್ಟು ಬೇಸರ ತರಿಸಲು ಮುಂದಾದರೂ ಕೂಡ ಅವುಗಳ ಬಗ್ಗೆ ಮಾತನಾಡಲು ಹೋಗುವುದಿಲ್ಲ. ಆದರೆ ನಿಮ್ಮ ಸಂಗಾತಿಯ ಜೊತೆ ನೀವು ಜೀವನ ಹಂಚಿಕೊಂಡ ಕಾರಣದಿಂದ ಮುಂದೆ ನಿಮ್ಮ ಸಂಬಂಧದಲ್ಲಿ ಏನಾದರೂ ಹೆಚ್ಚು ಕಮ್ಮಿ ಆದರೆ ಅದಕ್ಕೆ ನೀವು ಕೂಡ ಪರೋಕ್ಷವಾಗಿ ಕಾರಣವಾಗುವ ಸಾಧ್ಯತೆ ಇದೆ. ಹಾಗಾಗಿ ಯಾವುದೇ ಒಂದು ವಿಚಾರದಲ್ಲಿ ನಿಮಗೆ ಅನ್ನಿಸಿದ ಅಭಿಪ್ರಾಯವನ್ನು ನಿಮ್ಮ ಗಂಡ ಹಾಗೂ ಗಂಡನ ಮನೆಯವರಿಗೆ ಅರ್ಥವಾಗುವಂತೆ ಮನದಟ್ಟು ಮಾಡಿ.

ನಿಮಗಾಗಿ ನೀವು ಸಮಯ ನೀಡಿ:

ನಿಮಗಾಗಿ ನೀವು ಸಮಯ ನೀಡಿ:

ನಿಮ್ಮ ಸಂಗಾತಿಯ ಜೊತೆ ಒಮ್ಮೆ ನೀವು ಹೆಂಡತಿಯಾಗಿ ಸಮಾಜದಲ್ಲಿ ಗುರುತಿಸಿಕೊಂಡ ನಂತರ ನಿಮ್ಮ ಸಂಗಾತಿಯ ಜವಾಬ್ದಾರಿ ನಿಮ್ಮ ಮೇಲಿರುತ್ತದೆ ಅದೇ ರೀತಿ ನಿಮ್ಮ ಜವಾಬ್ದಾರಿ ಅವರ ಮೇಲಿರುತ್ತದೆ. ಹಾಗೆಂದು ಎಲ್ಲಾ ಸಮಯದಲ್ಲೂ ಅವರಿಗೆ ಅಂಟಿಕೊಂಡು ಜೀವನ ನಡೆಸಬೇಕು ಎಂದೇನಿಲ್ಲ. ಅದು ಅಲ್ಲದೆ ಇದು ಕಷ್ಟಕರ ಕೂಡ. ನಿಮ್ಮಂತೆ ಅವರಿಗೂ ಕೂಡ ಸಂಬಂಧದಲ್ಲಿ ಸ್ವಾತಂತ್ರ್ಯ ಬೇಕಾಗಿರುತ್ತದೆ.

ದಿನದಲ್ಲಿ ಸ್ವಲ್ಪ ಸಮಯವಾದರೂ ಕೇವಲ ತಮ್ಮ ಬಗ್ಗೆ ಆಲೋಚನೆ ಮಾಡಲು, ನಿರ್ಧಾರ ಕೈಗೊಳ್ಳಲು ನೀವಾಗಲಿ ಅಥವಾ ನಿಮ್ಮ ಸಂಗಾತಿಯಾಗಲಿ ಮೀಸಲಿಡಬೇಕು. ಏಕೆಂದರೆ ಭಾವನಾತ್ಮಕವಾಗಿ ನೀವಿಬ್ಬರೂ ಒಂದಾಗಿದ್ದರೂ ಸಹ ನಿಮ್ಮಿಬ್ಬರ ಅಭಿಪ್ರಾಯಗಳು ಮಾತ್ರ ಬೇರೆ ಬೇರೆ ಇರುತ್ತವೆ. ಹಾಗಾಗಿ ಎಂದಿಗೂ ನಿಮ್ಮಿಬ್ಬರ ಮಧ್ಯೆ ಗೊಂದಲಮಯ ವಾತಾವರಣ ಸೃಷ್ಟಿಯಾಗದಂತೆ ನೋಡಿಕೊಳ್ಳಿ.

English summary

Tips On How To Be A Good Girlfriend in Kannada

Here we told about Tips on How To Be A Good Girlfriend in Kannada, Read on...
X