ಆತ ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾನೆ ಎನ್ನುವ ಸೂಚನೆಗಳಿವು

ನಿಮ್ಮ ಬಗ್ಗೆ ಎಲ್ಲವನ್ನು ತಿಳಿದುಕೊಳ್ಳಲು ಪ್ರಯತ್ನ ಪಡುತ್ತಾನೆ:

ಹೌದು, ಯಾವುದೇ ಹುಡುಗ ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರೆ, ಆತ ನಿಮ್ಮ ಬಗ್ಗೆ ಹೆಚ್ಚಚ್ಚು ತಿಳಿದುಕೊಳ್ಳಲು ಪ್ರಯತ್ನಿಸುತ್ತಾನೆ. ನಿಮ್ಮ ಇಷ್ಟ-ಕಷ್ಟಗಳ ಬಗ್ಗೆ ವಿಚಾರಿಸುತ್ತಾನೆ ಜೊತೆಗೆ ಆತನ ಜೀವನದ ಬಗ್ಗೆಯೂ ಹಂಚಿಕೊಳ್ಳುತ್ತಾನೆ. ನಿಮ್ಮ ಜೀವನದ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಸದಾ ಉತ್ಸುಕನಾಗುತ್ತಾನೆ. ಈ ಮೂಲಕ ನಿಮ್ಮ ಬಗ್ಗೆ ಆತನಿಗೆ ತಿಳಿದಿದೆ ಎಂದು ತೋರಿಸುವ ದಾರಿಯಾಗಿದೆ ಜೊತೆಗೆ ಪರಸ್ಪರ ಹಂಚಿಕೊಳ್ಳುವುದರಿಂದ ಇಬ್ಬರ ನಡುವಿನ ಬಾಂಡ್ ಹೆಚ್ಚಾಗುವುದು ಎಂಬುದು ಅವನ ನಂಬಿಕೆ.

ಸಂಭಾಷಣೆಯನ್ನು ಮುಂದುವರಿಸಲು ಯತ್ನಿಸುತ್ತಾನೆ:

ಒಂದು ಹಂತದ ನಂತರ ಸಂಭಾಷಣೆಯನ್ನು ಮುಗಿಸುವುದು ಬಹಳ ಸುಲಭ. ಆದರೆ ಅವನು ಸಂಭಾಷಣೆಯನ್ನು ಮುಂದುವರಿಸಲು ಪ್ರಯತ್ನಿಸಿದರೆ ಅವನು ಖಂಡಿತವಾಗಿಯೂ ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾನೆ ಎಂದರ್ಥ. ಆತನಿಗೆ ನಿಮ್ಮ ಜೊತೆ ಮಾತು ಮುಗಿಸಲು ಇಷ್ಟವಿಲ್ಲ, ನಿಮ್ಮ ಜೊತೆಗೆ ಕಾಲ ಕಳೆಯಬೇಕೆಂಬ ಆಸೆ ಅವನಿಗಿರುತ್ತದೆ. ಇದಕ್ಕಾಗಿ ಹೊಸ ಹೊಸ ವಿಷಯಗಳನ್ನು ಮಧ್ಯೆ ತಂದು, ಆ ಕುರಿತು ಏನಾದರೂ ಮಾತನಾಡಲು ಆರಂಭಿಸುತ್ತಾನೆ.

ನಿಮ್ಮನ್ನು ನೋಡಲು ಸದಾ ಹಾತೋರುಯುತ್ತಾನೆ:

ನೀವು ಒಬ್ಬರಿಗೊಬ್ಬರು ಮೆಸೇಜ್ ಕಳುಹಿಸಿದಾಗಲೆಲ್ಲಾ, ನಿಮ್ಮನ್ನು ನೋಡದೇ ಇರಲು ಸಾಧ್ಯವಾಗುತ್ತಿಲ್ಲ, ನೋಡಲು ಕಾಯುವುದು ಅಸಾಧ್ಯ ಎಂಬ ಮಾತನ್ನು ಉಲ್ಲೇಖ ಮಾಡುತ್ತಲೇ ಇರುತ್ತಾನೆಂದರೆ ಆತ ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾನೆ ಎಂದರ್ಥ. ಭವಿಷ್ಯದಲ್ಲಿ ನಿಮ್ಮ ಜೊತೆ ಇರಲು ಬೇರೆ ಬೇರೆ ಪ್ಲಾನ್ ಯೋಜಿಸುತ್ತಾನೆ, ಎಷ್ಟೇ ಕಾರ್ಯನಿರತವಾಗಿದ್ದರೂ ನಿಮ್ಮನ್ನು ಭೇಟಿಯಾಗಲು ಸದಾ ಸಿದ್ಧನಾಗಿರುತ್ತಾನೆ, ಅದೇ ರೀತಿ ಇರುತ್ತಾನೆ ಕೂಡಾ..

ಬೇಗ ಪ್ರತಿಕ್ರಿಯಿಸುತ್ತಾನೆ:

ನೀವು ಅವನಿಗೆ ಸಂದೇಶ ಕಳುಹಿಸಿದಾಗಲೆಲ್ಲಾ ನಿಮಿಷಗಳಲ್ಲಿ ಉತ್ತರಿಸುತ್ತಾನೆ. ಇದು ಆತ ನಿಜಕ್ಕೂ ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾನೆ ಎಂಬುದರ ಅರ್ಥ. ಆತನಿಗೆ ನೀವು ಕೊಡುತ್ತಿರುವ ಸಮಯ ಸಾಕಾಗುತ್ತಿಲ್ಲ ಎಂಬುದರ ಅರ್ಥವೂ ಕೂಡ ಹೌದು. ನಿಮ್ಮನ್ನೇ ನೆನಸಿಕೊಳ್ಳುತ್ತಾ, ನಿಮ್ಮ ಸಂದೇಶಕ್ಕೆ ಕಾಯುತ್ತಾ, ಅದಕ್ಕೆ ಉತ್ತರಿಸಲೆಂದೇ ಕೂತಿರುತ್ತಾನೆ. ನಿಮ್ಮ ಮೆಸೇಜ್ ಬಂದಾಗ ತಕ್ಷಣ ಪ್ರತಿಕ್ರಿಯಿಸುತ್ತಾನೆ.