ಸಂಬಂಧದಲ್ಲಿರುವವರು ಮೋಸ ಮಾಡುವುದು ಇದೇ ಕಾರಣಗಳಿಂದಾಗಿ..

ಸಂಬಂಧದಲ್ಲಿ ಜನರು ಏಕೆ ಮೋಸ ಮಾಡುತ್ತಾರೆ ಎಂಬುದನ್ನು ಈ ಕೆಳಗೆ ನೀಡಲಾಗಿದೆ:

ಬೋರ್ ಆಗಿರುವುದು:

ಜನರು ಮೋಸ ಮಾಡಲು ಪ್ರಮುಖ ಕಾರಣವೆಂದರೆ ಸಂಬಂಧ ಬೊರ್ ಆಗುವುದು. ಒಂದು ಮಗುವಿಗೆ ಸ್ವಲ್ಪ ಸಮಯದ ನಂತರ ಹೇಗೆ ಒಂದು ಆಟಿಕೆ ಬೊರ್ ಆಗುವುದೋ ಹಾಗೇ, ಕೆಲವರಿಗೆ ಜನರು ಬೋರ್ ಆಗುತ್ತಾರೆ. ಸದಾ ಕಾಲ ಒಬ್ಬರ ಜೊತೆಯೇ ಇರುವುದು ಅವರಿಗೆ ಬೇಸರ ತರಬಹುದು. ಇದರಿಂದಲೇ ಬೇರೆ ವ್ಯಕ್ತಿಯನ್ನು ಹುಡುಕಿಕೊಂಡು ಹೋಗಬಹುದು. ಇಂತಹವರು ಬೇರೆಯವರಿಗೆ ಆಕರ್ಷಣೆ ಆಗುವುದು ಬೇಗ, ಮೋಸ ಮಾಡುವುದು ಬೇಗ.

ಕೋಪ ಅಥವಾ ಸೇಡು:

ಅನೇಕ ಬಾರಿ, ಜನರು ಕೋಪದಿಂದ ಅಥವಾ ಸೇಡು ತೀರಿಸಿಕೊಳ್ಳುವ ದೃಷ್ಟಿಯಿಂದ ಮೋಸ ಮಾಡುತ್ತಾರೆ. ಯಾವುದೋ ಒಂದು ವಿಚಾರದಲ್ಲಿ ನೀವು ಮಾಡಿರುವ ನೋವನ್ನು ನೆನಪಿಟ್ಟುಕೊಂಡು, ಅದರ ಹಗೆಯನ್ನು ತೀರಿಸಿಕೊಳ್ಳಲು ಕಾಯುತ್ತಿರುತ್ತಾರೆ. ಕೊನೆಗೆ ಅದನ್ನು ಪ್ರೀತಿಯ ನಾಟಕವಾಡಿ, ಅರ್ಧದಲ್ಲೇ ಬಿಟ್ಟು ಹೋಗುತ್ತಾರೆ. ಈ ಮೂಲಕ ಅವರ ಸೇಡನ್ನು ತೀರಿಸಿಕೊಳ್ಳುತ್ತಾರೆ.

ಮದುವೆಯಲ್ಲಿ ಅತೃಪ್ತಿ:

ತಮ್ಮ ಎಲ್ಲ ಅಗತ್ಯಗಳನ್ನು ಪೂರೈಸುವ ನಿರೀಕ್ಷೆಯೊಂದಿಗೆ ಜನರು ಹೆಚ್ಚಾಗಿ ಮದುವೆಯನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಆದರೆ ತಾವು ಬಯಸಿದೆಲ್ಲವೂ ಆ ಮದುವೆಯಿಂದ ಸಿಗದೇ ಇದ್ದರೆ, ಬೇರೆಡೆ ತಮ್ಮ ಮನಸ್ಸನ್ನು ಹರಿಯಬಿಡುತ್ತಾರೆ. ಬೇರೆ ಸಂಗಾತಿಯನ್ನು ಹುಡುಕಲು ಪ್ರಾರಂಭಿಸುತ್ತಾರೆ.

ಪ್ರೀತಿಯಲ್ಲಿ ಶಾಶ್ವತವಾಗಿಲ್ಲದೆ ಇರುವುದು :

ಯಾರನ್ನಾದರೂ ಪ್ರೀತಿಸುವ ಭಾವನೆ ಸಾಮಾನ್ಯವಾಗಿ ಶಾಶ್ವತವಾಗಿ ಉಳಿಯುವುದಿಲ್ಲ. ದಿನ ಕಳೆದಂತೆ ಉತ್ಸಾಹ ಕಡಿಮೆಯಾಗುತ್ತದೆ. ಪ್ರೀತಿಯಲ್ಲಿ ಉತ್ಸಾಹ ಇಲ್ಲ ಎಂದರೆ ಅವರಿಗೆ ಆ ಪ್ರೀತಿ ಸಾಕಾಗಿರ್ಬಹುದು ಅಥವಾ ಬೇರೆ ಪ್ರೀತಿ ಸಿಕ್ಕಿರಬಹುದು ಎಂದರ್ಥ.

ದೈಹಿಕ ಅಥವಾ ಭಾವನಾತ್ಮಕ ದೂರ

ನಿಮ್ಮ ಸಂಗಾತಿ ದೀರ್ಘಕಾಲ ಕೆಲಸ ಮಾಡುವುದರಿಂದ ನೀವು ಅವರಿಂದ ದೈಹಿಕ ಹಾಗೂ ಮಾನಸಿಕವಾಗಿ ದೂರವಾಗುತ್ತಿರಿ. ಇದರಿಂದ ಅವರಲ್ಲಿ ಒಂಟಿತನ ಕಾಡಬಹುದು. ಒಂದು ವೇಳೆ ನೀವು ಹತ್ತಿರದಲ್ಲಿದರೂ ನಿಮ್ಮ ಸಂಗಾತಿಯ ಭಾವನೆಗೆ ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದಾದರೂ ಸಹ ಅವರು ಬೇರೆ ವ್ಯಕ್ತಿಯನ್ನು ಹುಡುಕಲು ಪ್ರಾರಂಭಿಸುತ್ತಾರೆ.

ಲೈಂಗಿಕ ಅಸಮಾಧಾನ

ಸಂಬಂಧದಲ್ಲಿನ ಲೈಂಗಿಕ ಅಸಮಾಧಾನವು ತಮ್ಮ ಸಂಗಾತಿಯನ್ನು ಬಿಟ್ಟು ಬೇರೆಯವರನ್ನು ಹುಡುಕಲು ಪ್ರಚೋದಿಸುವುದು. ಏಕೆಂದರೆ ಲೈಂಗಿಕ ತೃಪ್ತಿ ಎನ್ನುವುದು ವ್ಯಕ್ತಿಗೆ ಅವಶ್ಯವಾದ ಅಂಶಗಳ್ಳಲ್ಲಿ ಒಂದಾಗಿದೆ.