ನೇರವಾಗಿ ಮಾತಲ್ಲಿ ಹೇಳದೇ, ಈ ಕಾರ್ಯಗಳ ಮೂಲಕ ಪುರುಷರು 'ಐ ಲವ್ ಯೂ' ಹೇಳುತ್ತಾರೆ

1. ನಿದ್ದೆ ಬಂದಾಗ ಬೆಡ್ ಶೀಟ್ ಹೊದಿಸುವುದು:

ನೀವು ನಿದ್ದೆ ಮಾಡಿದಾಗ ಅವರು ಬಂದು ನಿಮ್ಮ ಮೇಲೆ ಕಂಬಳಿ ಹಾಕುವುದು ಕೂಡ ಅವರಿಗಿರುವ ಪ್ರೀತಿಯನ್ನು ತೋರಿಸುವ ದಾರಿಯಾಗಿದೆ. ನಿದ್ರೆ ಮಾಡುವಾಗ ಆರೈಕೆ ಮಾಡುವುದು ಶಾಂತ ಮತ್ತು ಸುರಕ್ಷತೆಯ ಭಾವವನ್ನು ಉಂಟುಮಾಡುತ್ತದೆ.

2. ನಿಮ್ಮಿಷ್ಟದ ವಸ್ತುಗಳನ್ನು ಖರೀದಿಸುವುದು:

ಹೌದು, ನಿಮಗಿಷ್ಟವಾದ ವಸ್ತುಗಳನ್ನು ಖರೀದಿಸುವುದು ಸಹ ಪ್ರೀತಿಯನ್ನ ಹೇಳುವ ಮಾರ್ಗ. ಅದು ಕೂಡ ನಿಮಗೆ ತಿಳಿಯದೇ ಸರ್ಪೈಸ್ ನೀಡಿದರೆ, ನಿಮ್ಮಷ್ಟು ಅದೃಷ್ಟವಂತೆ ಮತ್ತೊಬ್ಬರಿಲ್ಲ. ಮಹಿಳೆಯರು ಇಷ್ಟಪಡುವ ವಿಷಯಗಳ ಬಗ್ಗೆ ಸದ್ದಿಲ್ಲದೇ ಅರಿತುಕೊಳ್ಳುವ ಪುರುಷ ಸಿಕ್ಕರೆ ನಿಮಗೆ ಡಬಲ್ ಧಮಾಕಾ.

3. ಆಗಾಗ ಟೆಕ್ಸ್ಟ್‌ ಮಾಡುವುದು:

ಟೆಕ್ಸ್ಟಿಂಗ್ ಖಂಡಿತವಾಗಿಯೂ ಒಬ್ಬ ವ್ಯಕ್ತಿ ತನ್ನ ಸಂಗಾತಿಯನ್ನು ಎಷ್ಟು ನೆನಪಿಸಿಕೊಳ್ಳುತ್ತಿದ್ದಾನೆ ಎಂಬುದನ್ನು ಸೂಚಿಸುವುದು. ಆದರೆ ಪುರುಷರು ಮಿಸ್ ಯೂ ಎಂಬ ಪದವನ್ನು ಕಳುಹಿಸುವುದು ತುಂಬಾ ಕಡಿಮೆ. ಅದರ ಬದಲಿಗೆ "ನೀವು ಊಟ ಮಾಡಿದ್ದೀರಾ?", "ನಿಮ್ಮ ಹೊಟ್ಟೆ ನೋವು ಈಗ ಹೇಗಿದೆ?" ಎಂದು ಕೇಳಲು ಬಯಸುತ್ತಾರೆ. ಏಕೆಂದರೆ ಅವರು ನಿಮ್ಮ ಬಗ್ಗೆ ಆಳವಾಗಿ ಕಾಳಜಿ ವಹಿಸುತ್ತಾರೆ.

4. ಪ್ರವಾಸಕ್ಕೆ ಕರೆದೊಯ್ಯುವುದು:

ಪುರುಷರು ತಮ್ಮ ಸಂಗಾತಿಯನ್ನು ರಜೆಯ ಮೇಲೆ ಹೊರಗೆ ಕರೆದುಕೊಂಡು ಹೋಗುವುದನ್ನು ಇಷ್ಟಪಡುತ್ತಾರೆ. ಇದು ಸ್ವಲ್ಪ ಗುಣಮಟ್ಟದ ಸಮಯವನ್ನು ಕಳೆಯಲು ಸಹಾಯವಾಗುವುದು. ಅಷ್ಟೇ ಅಲ್ಲ, ಪುರುಷರು ಹೆಚ್ಚು ದಿನಗಳವರೆಗೆ ತಮ್ಮ ಸಂಗಾತಿಯನ್ನು ಬಿಟ್ಟಿರುವುದಿಲ್ಲ. ಅದಕ್ಕಾಗಿ ಆಗಾಗ ಟ್ರಿಪ್ ಆಯೋಜನೆ ಮಾಡುತ್ತಾರೆ.

5. ಕ್ರಿಕೆಟ್ ಮಧ್ಯೆಯೂ ನಿಮ್ಮ ನೆಚ್ಚಿನ ಟಿವಿ ಕಾರ್ಯಕ್ರಮ ವೀಕ್ಷಿಸಲು ಅವಕಾಶ ನೀಡುವುದು:

ಪುರುಷರು ತಮ್ಮ ಪ್ರೀತಿಯನ್ನು ಹೇಗೆ ವ್ಯಕ್ತಪಡಿಸುತ್ತಾರೆ ಎಂಬುದಕ್ಕೆ ಇದು ಒಂದು ಪ್ರಮುಖ ಸಂಕೇತವಾಗಿದೆ ಏಕೆಂದರೆ ಪುರುಷರು ಸಾಮಾನ್ಯವಾಗಿ ಕ್ರಿಕೆಟ್ ನ್ನು ಎಂದಿಗೂ ಬಿಟ್ಟುಕೊಡುವುದಿಲ್ಲ. ಆದರೆ ಕ್ರಿಕೆಟ್ ಮಧ್ಯೆಯೂ ಅವರು ನಿಮಗೆ ಟಿವಿ ನೊಡಲು ಅವಕಾಶ ಮಾಡಿಕೊಡುತ್ತಾರೆ. ಇದು 'ಐ ಲವ್ ಯು' ನ ಪ್ರಮುಖ ಪ್ರದರ್ಶನವಾಗಿದೆ.

6. ನಿಮ್ಮ ಬಗ್ಗೆ ಕೆಟ್ಟದ್ದು ಮಾತನಾಡಿದರೆ ಸಹಿಸರು:

ಯಾರಾದರೂ ತಮ್ಮ ಸಂಗಾತಿಯ ಸಾಮರ್ಥ್ಯ, ನಡವಳಿಕೆ, ನೋಟ ಅಥವಾ ಮನೋಭಾವವನ್ನು ಅವಮಾನಿಸಿದಾಗ ಅಥವಾ ಅದರ ಬಗ್ಗೆ ಮಾತನಾಡಿದಾಗ ಪುರುಷರು ಅದನ್ನು ಸಹಿಸಿಕೊಳ್ಳುವುದಿಲ್ಲ. ಅಷ್ಟೇ ಅಲ್ಲ ಯಾರಾದರೂ ನಿಮ್ಮೊಂದಿಗೆ ಅಸಭ್ಯವಾಗಿ ಮಾತನಾಡುವಾಗ ಅವರು ಆ ವ್ಯಕ್ತಿಯನ್ನು ದೂರತಳ್ಳಲು ಹಿಂಜರಿಯುವುದಿಲ್ಲ.

7. ತನ್ನ ಜೀವನದಲ್ಲಿ ನಿಮ್ಮನ್ನು ತೊಡಗಿಸಿಕೊಳ್ಳುವುದು:

ಪುರುಷರು ತಮ್ಮ ಸಂಗಾತಿಯನ್ನು ಅವರು ಮಾಡುವ ಯಾವುದೇ ಕೆಲಸದಲ್ಲಿ ತೊಡಗಿಸಿಕೊಳ್ಳಲು ಇಷ್ಟಪಡುತ್ತಾರೆ. ಅದು ಅವರ ಟೈ ಬಣ್ಣ ಇರಲಿ ಅಥವಾ ಊಟವನ್ನು ನಿರ್ಧರಿಸುವ ಬಗ್ಗೆ ಇರಲಿ.. ಈ ಬಗ್ಗೆ ತಮ್ಮ ಸಂಗಾತಿ ನಿರ್ಧಾರ ಮಾಡುವುದನ್ನು ಇಷ್ಟಪಡುತ್ತಾರೆ.

8. ಸಂಪೂರ್ಣ ಬೆಂಬಲ:

ಪುರುಷರು ಯಾವಾಗಲೂ ತಮ್ಮ ಸಂಗಾತಿಯ ಎಲ್ಲಾ ವಿಚಾರವನ್ನೂ ಒಪ್ಪುವುದಿಲ್ಲ. ಆದರೆ ಅವರು ಖಂಡಿತವಾಗಿಯೂ ತಮ್ಮ ಸಂಗಾತಿಯ ನಿರ್ಧಾರಗಳನ್ನು ಬೆಂಬಲಿಸುತ್ತಾರೆ. ಹೀಗೆ ಪುರುಷರ ಸೂಕ್ಷ್ಮ ಕಾರ್ಯಗಳು ಪದಗಳಿಗಿಂತ ಜೋರಾಗಿ ಮಾತನಾಡುತ್ತವೆ. ಇದು ಅವರ ಸಂಗಾತಿಗೆ 'ಐ ಲವ್ ಯು' ಎಂದು ಹೇಳುವ ವಿಧಾನವಾಗಿದೆ.